Genesis 19:14 - Bible Ni Thothup

¹⁴ Me yan Lot i guy fa gali pumo’on ni ngar mabgolgad fa gali ppin ni fak, me ga’ar ngorow, “Mu gur nigew gimew ngam chuwgow u roy; ya SOMOL e nge kirebnag e re binaw ney.” Miyow finey ni be thin ni gosgos.

Genesis 19:14 Referans Kwoze

Numbers 16:21

“Mpaloggow rok e pi girdi’ney, ya nggu thang e pogofan rorad e chiney.”

Numbers 16:45

“Mchuwgow u to’oben e pi girdi’ ney, ya nggu thang e pogofan rorad ni kachingiyal’ ney!” Miyow siro’ ngak SOMOL nge math peri’row nga but’,

Jeremiah 51:6

Mmilgad ngam chuwgad u Babylon! Mmil niged e pogofan romed! Dab mmad’ ni bochan e denen nu Babylon. I Gag e chiney e nggu fulweg taban e kireb nga Babylon ni nggu gechignag ni rogon nib m’ag ni nge aw ngak.

Numbers 16:26

Me ga’ar Moses ngak fapi girdi’ ni gubin, “Mpaloggad ko pi Tent rok e pi pumo’on ney ni yad ba kireb, ma dab kum mathgad nga ban’en ni ferad. Ya ra dangay, ma yira dachuguymed ngorad ngan thang e pogofan romed ni fan ko denen rorad.”

2 Kronicles 30:10

Fapi tamol’og e ranod u gubin e binaw u lan e gin nib milsuwon ko ganong rok Efraim nge Manasseh, i yan ko lel’och ngar mada’gad ko ganong rok Zebulun, machane i moning nagrad e girdi’ ma yi be minmin ngorad.

Acts 17:32

Ma nap’an nrung’aged e n’en ke weliy Paul ni murung’agen e fos ko yam’, me moning boch i yad ngak, machane boch i yad e ga’ar, “Gamad ba’adag ni ngam weliy ngomad murung’agen e ren’ey bayay.”

Luke 24:11

Me finey fapi apostel ni thin nike weliy fapi ppin e thin ko balyang ma de riyul’ u wun’rad e tin ni karogned.

Matthew 9:24

me ga’ar Jesus ngorad, “Marod nga wean ni gimed gubin! Ya chi pin nir e gathi ke yim’ — ya be mol!” Ma aram miyad moningnag ni yad gubin.

Ezekiel 20:49

Machane mu gu non nug ga’ar, “ SOMOL ni Th’abi Tolang, dab mu teg ni gag e nggu rin’! Gubin e girdi’ ni be gun’gun’ nigeg ni gubin ngiyal’ ni go’ fanathin e gu be tay.”

Jeremiah 20:7

SOMOL, ka mu ban nigeg ku gu aw ko ban. Gur e ga ba gel ngog, are ka rim gel ngog. Urngin e girdi’ ni yad be moning nigeg; polo’ e rran ni yad be minmin ngog.

Isaiah 28:22

Dab mminmingad ko n’en ni gu be ginangmed ngay! Fa’an gimed ra minmin, ma ra gel fene mom’aw ni ngam milgad. Ku gu rung’ag ni SOMOL ni Gubin ma Rayag Rok e nge kirebnag ga’ngin fare binaw.

Proverbs 29:1

Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.

Luke 9:42

Ma nap’an ni be yib fare pagel ngak, me rin’ fare mo’onyan’ ban’en ngak nge aw nga but’ me margeynag. Me non Jesus ngak fare mo’onyan’ ni nge chuw u fithik’ fa’anem, me golnag fare pagel, me pi’ ngak e chitamngin.

Matthew 1:18

Ba’aray rogon nni gargeleg Jesus Kristus. I Maria ni chitiningin Jesus e nduwgiliy ni ngi i par ma yow ra mabgol Josef ba ngiyal’, machane dawor ra mabgolgow me pir’eg Maria rok nike diyen u gelngin fare Kan Nthothup.

Exodus 12:31

Ka re nep’ i n’em me l’oeg Farao e thin nge yan ngak Moses nge Aron ni ngarbow ngak, me ga’ar ngorow, “Gimew nge piyu Israel e ngam gurgad ngam chuwgad u Egypt; mu chuwgad u fithik’ e girdi’ rog ngam marod ngam meybilgad ngak SOMOL, ni bod rogon ni kam wenig nigew ngog.

Exodus 9:21

Machane boch e girdi’ e dar motoyilgad ko tin keyog SOMOL, miyad pag e sib rorad nge gamanman rorad u wean.

Genesis 19:22

Mu gur nigem! Mmil! Dariy ban’en nrayag ni gu rin’ nge mada’ ko ngiyal’ ni kam tawgad ngaram.” Bochan e yog Lot ni ba’achig, ma aram min tunguy fithingan e re binaw nem ni Zoar.

Genesis 19:17

Nap’an nra pow’iyew yad nga wuru’ fare binaw, me ga’ar bagayow fa gal engel ngorad, “Mmilgad ngam ayuweged e pogofan romed! Dab mu sapgad nga tomur ma dab mu talgad u lan e loway. Mmilgad nga daken e burey, nge dab mm’ad.”

Genesis 19:15

Ma nap’an ni be puf e woch, me tay fa gal engel e gur ngak Lot ni lungurow, “Mu gur nigem! Mu fek e bpin rom nge fa gali ppin ni fakam ngam chuwgad u roy, nge siy i un e pogofan romed ko re binaw ney ni ngan kirebnag.”

Jeremiah 43:1

Kug mu’ i yog ko girdi’ gubin e tin ni l’oegeg SOMOL ni Got rorad ni nggog ngorad.

Jeremiah 43:2

Ma aram e Azariah nib mo’on ni fak Hoshayah nge Johanan nib mo’on ni fak Kareah nge gubin e girdi’ nib tolangan’rad e ra ga’argad ngog, “Ga be ban. I SOMOL ni Got romad e de l’oegem ni ngamog ngomad ni dab gu warod gu pired nga Egypt.