Genesis 19:1 - Bible Ni Thothup

¹ Fa’ani yib fa gali engel ngalan e binaw nu Sodom nike blayal’, ma bay Lot nike par nga but’ u to’oben e garog ko fare binaw, ko gin ni tagil’ e mu’ulung rok e girdi’. Ma fa’ani guy row Lot, me sak’iy nge yan ngorow. Me yan i ragbug u p’eowcherow nike yan i yip’ owchen nga but’,

Genesis 19:1 Referans Kwoze

Genesis 18:22

Me yan fa gali pumo’on ni yow be sor i yan nga Sodom, machane me par SOMOL rok Abraham.

Hebrews 13:2

Dab mpaged talin ni ngam ayuweged e milekag ni karbad nga tabinaw romed. Ya bay boch e girdi’ ni ur rin’ed miyad ayuweg e pi engel ndar nanged.

BABYOR NI JOB 31:32

Ma gu ma fek e milekag nga tabinaw rog nggu ayuwegrad, da gur ma pagrad ngar molod u kanawo’.

Luke 17:28

Ra yan i bod fa ngiyal’ i n’em nnap’an Lot. Urngin e girdi’ nra pired ni yad be abich ma yad be garbod, ma yad be chuway’ ma yad be folchuway’ ko chugum, ma yad be woldug ma yad be dimow naun.

Genesis 11:27

Ba’aray e pi cha’ ni owchen Terah: Terah e chitamngin Abram nge Nahor nge Haran. Mi Haran e chitamngin Lot,

Genesis 18:16

Me chuw fapi pumo’on ngranod nga bangi n’en ni yira changar riy nga but’ ma yibe guy yu Sodom, me un Abraham ngorad i yan ni nge fangichiyrad miyad yan.

Genesis 19:2

me ga’ar, “Gub aray ni nggu pigpig ngomew, wenig ngomew mu unew ngog ngdarod nga tabinaw rog. Rayag ni ngam maluk nigew e rifrif u aymew mi gimew par u tabinaw rog e nep’ ney, me kadbul ni kam odgow mi gimew yan.” Machane me lungurow, “Danga’, bay gu pirew u roy u tagil’ e mu’ulung ko binaw e nep’ ney.”

Genesis 19:10

Ma fa gali pumo’on ni yow bay u naun e ra girngiyew Lot nga naun, miyow ning fare mab.

Psalms 69:12

Yad be weliy murung’ageg u kanawo’ i yan, ma pi tamu’un rrum e yad be tunguy e tang ni murung’ageg.

Genesis 13:12

Me par Abram u lan e nam nu Kanaan, me yan i par Lot nga thilin fapi binaw ni bay u lan fare loway me n’uf e pi tent rok nib chugur ko binaw nu Sodom,

Genesis 23:12

Miki siro’ Abraham ngak fapi Hittites

Genesis 48:12

Me fekrow Josef u ay Israel me paraw u p’eowchen nga but’ nge siro’ ngak Israel.

Ruth 4:1

Me yan Boaz nga tagil’ e mu’ulung ni bay u to’oben e garog ko binaw, me yan i par nga but’. Ka chingiyal’ nem me yib e cha’ ni ir e th’abi chugur ngak Elimelek, ni fa’ani ir e i weliy Boaz murung’agen, me ga’ar Boaz ngak, “Fager rog, moy mu par iray.” Ma aram me yan i par nga but’.

BABYOR NI JOB 29:7

Gubin ngiyal nma mada’ e pi’ ilal ko fare binaw mu gu wan gu par nga tagal’ig u fithik’rad,