Genesis 17:18 - Bible Ni Thothup

¹⁸ Me ga’ar Abraham ngak Got, “Wenig ngom, mu ayuweg Ishmael ndabi buch ban’en rok ma ga tay nib fos.”

Genesis 17:18 Referans Kwoze

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Psalms 41:12

Bay mu ayuwegneg, ni bochan e gu be rin’ e n’en ni bfel’; bay um teg u p’eowchem ni dariy n’umngin nap’an.

Psalms 4:6

Me yo’or e girdi’ ni nge meybil ni be lungurad: “SOMOL, kum fal’eg’ boch wa’athmad. Mu changar ngomad u fithik’ e runguy!”

Jeremiah 32:39

Bay gu ta’rebnag lanin’rad nge ta’reb rogon ni ngu’ur liyor gad ngog ni gubin ngiyal’, ni fan ngorad nge fan ngak e pi’in ni owcharad.

Isaiah 59:2

Bochan e pi denen rom ma aram e dakir rung’ag lungum. Pi denen rom e ke ki’egem rok Got ko ngiyal’ ni ga be guy rogon ni ngam meybil ngak.

Genesis 4:14

Chiney e ngam chuwegeg ko re gi but’ ney ngu p’eowchem. Bay gu par ni dariy e naun rog mu ug malethay u fayleng i yan, ma demturug be’ nra mada’ nigeg me li’eg nggum’.”

Genesis 4:12

Fa’an ga ra muruwliy e but’ ngam yung e woldug ngay, ma dabi pi’ e but’ e ggan ngom, bay mu par ni dariy e naun rom ma ga be malethay u fayleng i yan.”

Genesis 17:17

Me ragbug Abraham me yip’ owchen nga but’, machane me minmin ya fa’ani leamnag me ga’ar u wan’, “Gur ku rayag ni nge fakay be’ nib mo’on nike gaman 100 e duw yangren bbitir? Gur ku rayag ni nge gargeleg Sarah bbitir ni aram rogon nike mereb i ragag e duw yangren?”

Genesis 17:19

Machane me ga’ar Got, “Ga be oloboch; le’engim i Sarah e bayi gargeleg ba pagel ni fakam ma ngam tunguy fithingan ni Isak. Bay gu tay e m’ag rog u thilmow ngu thilin e pi’in owchen, ni bayi par nib m’ag ndabi math bi’id.

Genesis 21:11

Ri gafgow laniyan’ Abraham riy, ya Ishmael e kub pagel ni fak.