Genesis 14:6 - Bible Ni Thothup

⁶ nge girdi’ ni kanog e Horite ngorad ni yad ma par u daken e burey i yan u Seir nge yan i mada’ nga El-paran, ni bay ko gin ni tabab fa gi ted ni desert riy.

Genesis 14:6 Referans Kwoze

Deuteronomy 2:22

Ma ku ireram e n’en niki rin’ SOMOL ni fan ngak piyu Edom, ni pi’in owchen Esau, ni ur pired u lan e nam ni go’ burey u Edom. Ya thirif piyu Hor u but’, me yan yu Edom ngar pired ko fare nam rorad, ni aram e gin ni kayad be par riy e chiney.

Deuteronomy 2:12

Piyu Hor e u ra pired u Edom. Machane pi’in owchen Esau e ra tulufedrad nga wuru’ e re nam nem; miyad gathay fare nam, nge mang yad e ra pired u rom, ri ku bod rogon ni tuluf yu Israel e pi to’ogor rorad ngar chuwgad u lan fare nam nike pi’ SOMOL ni ngar tafned.)

Genesis 21:21

Me yan e chitiningin i fek be’ ni bpin u Egypt nge le’ay fare pagel.

Numbers 13:3

Me fol Moses riy nge l’oeg fapi tayugang’ nu Israel u daken e ted nu Paran ngranod, ni ba’aray rogon: Ganong Mitethin Ruben Shammua nib mo’on ni fak Zaccur Simeon Shafat nib mo’on ni fak Hori Judah Kaleb nib mo’on ni fak Jefunneh Issakar Igal nib mo’on ni fak Josef Efraim Hoshea nib mo’on ni fak Nun Benjamin Palti nib mo’on ni fak Raphu Zebulun Gaddiel nib mo’on ni fak Sodi Manasseh Gaddi nib mo’on ni fak Susi Dan Ammiel nib mo’on ni fak Gemalli Asher Sethur nib mo’on ni fak Michael Naftali Nahbi nib mo’on ni fak Vofsi Gad Geuel nib mo’on ni fak Machi

Numbers 12:16

Ma aram mar chuwgad u Hazeroth ngarab ra pired nga daken e ted nu Paran.

Habakkuk 3:3

Got e be yib u Edom; Got nib thothup e be yib ko yochi burey u Paran. Rama’en ni be galgal e ke sug nag lanelang; fayleng e ke sug ko pi lam ni be pining e sorok ngak.

Numbers 10:12

me tabab piyu Israel ko milekag ni ngar chuwgad u lan fare gi ted u Sinai. Me yan fare gi manileng i gif nga daken e ted nu Paran.

Genesis 36:8

Ere Esau e i par u fithik’ e burey u Edom.

Genesis 16:7

Me m’ug fare engel rok SOMOL ngak Hagar ko fare alublub ni bay u lan e ted ni desert, ma re alublub nem e bay u to’oben e wo’ ni yan ko binaw nu Shur,

Genesis 32:3

Me l’oeg Jakob boch e girdi’ ngar mon’od rok ngranod ngak Esau ni be’ nib mo’on ni walagen, ni be par u bangi binaw ni kanog yu Seir ngay, ni bay ko nam nu Edom.

1 Kings 11:18

Ra chuwgad u Midian ngranod nga Paran, ni aram e gin ni un boch e pumo’on riy ngorad. Ma aram miyad milekag nga Egypt ngranod ngak e en pilung, ni ir e pi’ ngak Hadad yungi binaw nge bogi naun me pi’ e ggan ngak.