Genesis 11:30 - Bible Ni Thothup

³⁰ Ma de fakay Sarai e bitir, ya de yag ni nge diyen.

Genesis 11:30 Referans Kwoze

Luke 1:36

Mu tafinaynag Elisabeth ni be’ rom. Kanog ndabkiyag ni nge fakay e bitir: machane chiney e nga nel’ e pul ir ko diyen, ni yugu aram rogon nike pilibthir.

Luke 1:7

Ma dariy fakrow ya dabkiyag ni nge diyen Elisabeth, me ir nge Zakariah e yow l’agruw ni kar pilibthirgow.

Psalms 113:9

I tolangnag be’ ni bpin ni dariy fak u lan e tabnaw rok, me felfelan’nag fare pin ko bitir ni pi’ ngak. Ke sorok SOMOL!

1 Samuel 1:2

I Elkanah e l’agruw e ppin rok, ni aram Hannah nge Peninnah. Mi Peninnah e i diyen, mi Hannah e da i diyen.

Judges 13:2

Ma bay be’ nib mo’on ni Manoah fithingan, ni be’ ko fare binaw nu Zorah, ni ir reb i girdi’en fare ganong rok Dan. Ma ka aram n’umngin nap’an ma dawori diyen le’engin.

Genesis 29:31

Ma fa’ani guy SOMOL ni gathi rib adag Jakob Leah, me ayuweg ngi i diyen rok Jakob, me par Rachel nde yog ni nge diyen.

Genesis 25:21

Ma de diyen le’engin Isak, ma aram me meybil Isak ngak SOMOL ni fan ngak le’engin. Me diyen Rebekah, ni aram taban e meybil rok Isak nike fulweg SOMOL.

Genesis 11:31

Me fek Terah Abram ni be’ nib mo’on ni fak, nge tongin i Lot ni be’ nib mo’on ni fak Haran, miki fek Terah Sarai ni le’engin Abram ni fak me un ngorad ngar chuwgad ko re binaw nem nu Ur ni bay u lan e nam nu Babylonia, miyad yan ni ngranod ko nam nu Kanaan. Miyad mada’ nga Haran miyad par u rom,

1 Samuel 1:5

I Hannah e yug aram rogon ni ir e rib t’uf rok ma ku ta’reb e f’oth nma pi’ ngak, ya SOMOL e kening tafen e bitir u yin Hannah nder diyen.