Galatia 5:3 - Bible Ni Thothup

³ Gub adag ni nggu ta’chiylen e re bugithin ney ngomed, ni aram e ngkug sul ngay bayay nggu weliy ngak e en nra pag ir ngan maad’ad ngak ni nge lungug: thangri fol ko re Motochiyel nem ni polo’.

Galatia 5:3 Referans Kwoze

Galatia 3:10

Pi’in ke pagan’rad ko Motochiyel ni yad be fol riy e yad be par nib buch wa’athrad. Ya be yog e babyor nib thothup ni be ga’ar: “En ni gathi urngin ngiyal’ ma be fol u urngin ban’en ni kan yoloy u lan babyoren e Motochiyel e ke kireb wa’athan!”

Roma 2:25

Maad’ad ni kan tay ngom e ra yib fan ni fa’anra um fol ko re Motochiyel nem; machane fa’anra dab mu fol riy, ma dariyfan ni kan maad’ad ngom.

Deuteronomy 27:26

“‘Nge bucheg Got wa’athan e en ndar fol u gubin e pi motochiyel rok Got nge urngin e tin i fil ngodad.’ “Me fulweg e girdi’ ni gubin ni lungurad, ‘Amen!’

Efesus 4:17

U fithingan Somol e nggog e re bugithin ni ba’aray riy ma ri gu be ning chiylen ngomed ni be lungug: dab ku um ngongolgad ni bod rogon e pi’in ndar nanged Got, ni tin yad be leamnag e dabi yib fan,

Deuteronomy 31:21

ma aram e bayi pire’ e gafgow nrib gel ni bayi yib ngorad, machane re tang ney bay i par ni yibe yin’ nib togopluw ngorad, ya pi’in owcherad e bay ur pired ni ka yad be yin’ e re tang ney. Mus ko chiney u m’on ndawor gu fekrad i yan ngalan e re nam nem ni gu micheg ni bay gu pi’ ngorad ma gu manang e n’en ni yad be leamnag.”

Deuteronomy 8:19

Ri dab mpaged talin SOMOL ni Got romed fa mu pi’ed keru’med ngak ngu’um ted fan yugu boch e got ma gimed be pigpig ngorad. Fa’an gimed ra rin’ ma gu be micheg ngomed e daba’ nrib muduwgil ni yira thirifmed u but’.

Matthew 23:18

Ma kigimed be machibnag ni be lungumed, ‘Fa’anra micheg be’ ban’en u fithingan e altar ma dariyfan ni nge rin’ e n’en keyog; machane fa’anra micheg u fithingan e n’en ni kan tay nga daken e altar ni kan pi’ ngak Got, ma aram e thangri rin’ fa pin’em nike yog.’

1 John 4:14

Ma kad guyed ma ka dogned ngak yugu boch e girdi’ ni en ni Chitamangiy e l’oeg Fak nge yib ni ir e en ni nge thapeg e girdi’ nu fayleng ngak Got.

1 Thessalonika 4:6

Dariy be’ nib mo’on ni nge ngongliy e kireb ngak be’ ni walagen ni girdi’en Kristus ara kirebnag mat’wun fa’anem ko re bugithin ney. Ma kugogned e re bugithin ney ngomed kafram, ma ri gamad be ta’chiylen ngomed nri ra gechignag Somol e pi’in yad be rin’ e pi kireb ney.

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

Acts 2:40

Me wenig Peter ngorad ma bo’or yu bugithin ni yog ngorad ni be tay ir ngorad ni be ga’ar, “Mu lufed gimed ko gechig ni bay yib ngak e girdi’ nib kireb ko biney e mfen!”

Luke 16:28

ko gin ni bay lal e pumo’on ni walageg riy; mpag nge yan nge yog e thin ngorad, nge siy rabad ko gin’ey nga fithik’ e amith.’

Matthew 23:16

“Kari mu gafgowgad e pi malmit nir ni gimed be pow’iy e girdi’! Gimed be machibnag ni be lungumed, ‘Fa’anra micheg be’ ban’en nga fithingan e Tempel ma dariyfan ni nge rin’ fa pin’em nike micheg; machane fa’anra micheg ban’en nga fithingan e gol ni bay u Tempel, ma thangri rin’ fare n’em.’

Nehemiah 9:34

Pi chitamangimad ni kakrom, nge pi pilung romad, nge pi’in yad ma gafaliymad, nge pi prist e da ur folgad ko Motochiyel rom. Da ur motoyilgad ko tin mog ni ngan rin’ nge tin um ginangrad riy.

Acts 15:1

Me yib boch e pumo’on u Judea nga Antiok miyad tabab i machibnag ngak e pi’in girdi’en Kristus ni be lungurad, “Fa’anra dab ni maad’ad nagmed ni bod rogon nike yog e Motochiyel rok Moses ma dabiyag ni ngam thapgad ngak Got.”

Galatia 5:2

Mu telmed! I gag Paul e gu be yog e re bugithin ney ngomed ni be lungug: fa’anra mpaged gimed ngan maad’ad nagmed, ma aram e dakuriy fan Kristus ngomed.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.