Galatia 4:3 - Bible Ni Thothup

³ Ma ku aram rogodad ni ud moyed ni gadad e sib ko pi motochiyel nge yalen nge rok e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay, ko ngiyal’ ndawori ilal e michan’ rodad ngak Kristus.

Galatia 4:3 Referans Kwoze

Kolose 2:20

Kam uned ngak Kristus ko yam’ kan chuwegmed u tan pa’ e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay. Ere mangfan ni gimed be ngongol ni gowa mmil famed ngaray nga fayleng? Ere mang ni gimed be fol ko pi motochiyel ni bod e pi motochiyel ni ba’aray nike lunguy,

Kolose 2:8

Mu guyed rogomed ya ri kolmed be’ ngam manged kalbus rok ni be’ ni be maruwel ko gonop rok e girdi’ nge sabanban ndariy rogon ngabang, ni yib ko machib ni sum rok e girdi’ ni yibe fil ngak reb e mfen nge reb, ma ki yib ko pi kan ni yad be gagiyeg u lan e gin’en ni bay urngin ban’en nu lanelang riy nib mu’un e fayleng ngay, ma gathi Kristus e yib rok.

Galatia 4:9

Machane chiney e kam nanged Got — fa reb e nggog nike nangmed Got e chiney — ere uw rogon ma kam adaged ni ngam sulod ngak fapi kan ni yad be gagiyeg ni yad mme’waer ma dariy farad? Mangfan ni gimed ba’adag ni ngkum sulod ngam manged sib rorad bayay?

Galatia 2:4

machane bay boch e girdi’ ni yad be dake yad pi walagdad ni girdi’en Kristus kar ma’athukgad nga fithik’ e girdi’ rodad, ni yad e yad ba’adag ni ngan maad’adnag. Pi girdi’ ney e yad e damit ni karbad ra ma’athukgad nga fithik’dad ni ngar nanged rogon ni kad pufgad ko Motochiyel ni bochan e kad ta’ab girdi’gad Kristus Jesus. Ya yad ba’adag ni ngar sulweged gadad nga tan e Motochiyel ngad manged sib ko Motochiyel.

Galatia 4:31

Ere pi walageg ni gimed girdi’en Kristus, gathi gadad pifak fare pin nib sib, ya gadad pifak fare pin ni gathi ir e sib.

Acts 15:10

Ere mang ni gimed be finey ni ngam sikeng niged e gumaen’ rok Got e chiney ni fan e kam fineyed ni ngam ted ban’en nib tomal nga daken keru’ e pi’in ke mich Jesus Kristus u wun’rad, ni ban’en ni mus ngak e pi chitamangidad nge gadad ma de taw rodad.

Roma 8:15

Ya fare Kan Nthothup nike pi’ Got ngomed e der ma taymed ni gimed e sib ko denen ngu’um pired ni gimed be rus; ya re Kan Nthothup nem e ma ngongliymed ngam manged pifak Got, ma gelngin e Kan Nthothup e gadad ma non riy ngak Got nma lungudad, “Chitamag! Chitamag!”

John 8:31

Ma aram me yog Jesus ngak fa picha’ nike mich Jesus u wun’rad ni ga’ar, “Fa’an gimed ra fol ko thin ni gu be machibnag ngomed ma aram e kari muduwgil ni kam manged pi gachalpeg;

Hebrews 7:16

Ni gathi ni turguy nge mang reb e prist ni bod rogon yalen ko motochiyel ko girdi’; ye yib i mang prist u gelngin reb e yafos ni dabi mus bi’id.

Galatia 4:25

I Hagar e be yip’ fan e burey ni Sinai u lan yu Arabia, mi ir e be yip’ fan fare binaw nu Jerusalem ni bay e chiney, nike un ngak urngin e girdi’ rok kar manged sib.

Galatia 3:19

Ere mang ni pi’ Got fare Motochiyel? I puthuy ko n’en ni ognag ni nge pi’ ngak Abraham ni fan e nge dag ko mang e ngongol nib kireb, me finey Got ni nge par e re Motochiyel nem nge yan i mada’ ko ngiyal’ ni bay yib i m’ug riy fa’anem ni ir e owchen Abraham, ni ir fa’anem ni ognag Got. Ma fare Motochiyel e pi’ Got ngak e pi engel ngarbad ra pi’ed ngak e girdi’, ni bay be’ nib mo’on ni ir e mang maaf ko re Motochiyel ney u thilin e pi engel nge girdi’.

Matthew 11:28

“Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed.

Roma 7:14

Gadad manang ni fare Motochiyel e yib rok Got; machane gag e gub girdi’ ni gu ra yim’, ni kan pi’eg ni chuway’ ngak e denen ni bod rogon ba sib.

2 Korinth 11:20

Ya gimed ma gumaen’ niged gimed rok be’ ni be yog ngomed e n’en ni ngam rin’ed, ara ban nagmed ngi i fek ban’en romed, ara tay e wup ngam awgad ngay, ara i finey ndariy famed, fa reb e batnag owchemed.

Galatia 4:2

Ma ngiyal’ ni kab bitir, e bay e girdi’ ni yad be ayuweg, ma yad be ayuweg e tirok’ ban’en nge yan i mada’ ko ngiyal’ ni yog e chitamngin.

Galatia 4:8

Kakrom e um pired nda mu nanged Got, ma aram fan ni um pired ni gimed e sib rok bogi kan ni gathi yad e Got.

Galatia 4:24

Re bugithin ney e ba fanathin: gali ppin nem e be yip’ fan l’agruw i m’ag. Bagayow nni gargeleg pifak ni yad e sib e aram Hagar, ni be yip’ fan fare m’ag ko burey ni Sinai.

Hebrews 5:12

Ke n’uw nap’an ni kam rung’aged e thin rok Got nrayag ni ngam manged boch e tamchib — machane dabisiy ni ngki machibnag be’ ngomed e tin som’on e thin ni yima fil ko thin ni yib rok Got. Susun e ngam ked e ggan nib el, machane dabisiy ni milik e ngam unumed.