Biblia Todo Logo
Bib sou entènèt

- Piblisite -




Galatia 2:4 - Bible Ni Thothup

4 machane bay boch e girdi’ ni yad be dake yad pi walagdad ni girdi’en Kristus kar ma’athukgad nga fithik’ e girdi’ rodad, ni yad e yad ba’adag ni ngan maad’adnag. Pi girdi’ ney e yad e damit ni karbad ra ma’athukgad nga fithik’dad ni ngar nanged rogon ni kad pufgad ko Motochiyel ni bochan e kad ta’ab girdi’gad Kristus Jesus. Ya yad ba’adag ni ngar sulweged gadad nga tan e Motochiyel ngad manged sib ko Motochiyel.

Gade chapit la Kopi




Galatia 2:4
29 Referans Kwoze  

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.


Chiney e gathi gadad e sib yi Kristus e ke chuwegdad ko sib ke ta’dad ni gathi ka gadad e sib! Ere um pired nrogon e girdi’ ni gathi yad e sib, ma dab kum paged gimed ngkum manged sib bayay.


Ma ku aram rogodad ni ud moyed ni gadad e sib ko pi motochiyel nge yalen nge rok e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay, ko ngiyal’ ndawori ilal e michan’ rodad ngak Kristus.


Ma ke yo’or e milekag ni gu tay ni chugur gum’ ko ran ni sugubur e lul’ nge yib nga daken e binaw, nge rok e moro’ro’ nma fek ban’en u fithik’ e yargel, nge rok piyu Israel ni gamad girdi’en ta’ab nam nge rok e pi’in gathi yad piyu Israel; ma kug chugur ko riya’ u lan e binaw i yan, ngu daken e ted, ngu lan e regur, nge rok e pi’in yad be dake yad boch e walag u daken Kristus.


Pi tafager rog nri gimed ba t’uf rog, dabi pagan’med ngak urngin e pi’in yad be yog ni bay fare Kan Nthothup rorad, ya ngam sikeng niged yad ngam nanged ko re kan ni bay rorad e yib rok Got fa dangay. Ya bo’or e profet ni yugu ban’en ni kar weargad nga urngin yang.


Be lungurad e gadad e girdi’ e ba puf rogodad ni ngad rin’ed e tin gadad ba’adag, machane yad e kar pired ni kar manged sib ko ngongol nma kireb nigey nike mecham ngorad — ya demturug ban’en nra gel ngak be’ ma aram e ke par fa’anem ni kemang sib rok fare n’em.


Boch i yad e be yan ngalan e tabinaw i yan yad be guy rogon ni ngar gagiyeg niged e pi’in ni ppin nib me’waer nike tomal nagrad e denen ni yad be rin’ ma kemang urngin mit e ar’ar e be gagiyeg nagrad,


Machane kab pagan’ug ngomed. Taab girdi’ ni kad ted u fithik’ Somol e ir e ke pi’ e pagan’ ngog ni gu manang ni dabi thil rogon e tafinay romed, ma cha’ ni ir e be athkuy lanin’med, e demturug ko mini’, ma ke muduwgil ni Got e bayi gechignag.


Ya gimed ma gumaen’ niged gimed rok be’ ni be yog ngomed e n’en ni ngam rin’ed, ara ban nagmed ngi i fek ban’en romed, ara tay e wup ngam awgad ngay, ara i finey ndariy famed, fa reb e batnag owchemed.


Pi girdi’ nir e gathi riyul’ ni yad bogi apostel — yad e apostel ni go’ bogi ban’en, ni yad be lifith l’ugunrad u murung’agen e maruwel ni yad be tay ma kar piliyeged yad kar boded ya’an e tin riyul’ e apostel rok Kristus.


Re bugithin nem ni “Somol” ko re thaliyol nem e ireram fare Kan Nthothup rok Somol; ma pi’in bay fare Kan Nthothup rok Somol rorad e kar chuwgad u tan e bin kakrom e m’ag.


Ma bayi taw ngabangiyal’ me ban boch e girdi’ ko biromed e ulung ngrogned e tin nde riyul’ ngar pow’iyed e pi’in ke mich Jesus u wun’rad ngabang ngar uned ngorad.


Kug rung’aged ni bay boch e girdi’ ko biromad e ulung ni karbad e nger yad be magawonnagmed ma yad be pi’ e magafan’ nga lanin’med ko thin ni yad be yog; machane da gogned ngorad ni ngar rin’ed e re bugithin nir.


Me yib boch e pumo’on u Judea nga Antiok miyad tabab i machibnag ngak e pi’in girdi’en Kristus ni be lungurad, “Fa’anra dab ni maad’ad nagmed ni bod rogon nike yog e Motochiyel rok Moses ma dabiyag ni ngam thapgad ngak Got.”


Bay gu pi’ ngak e pi’in ku ur gafgow niged gimed, ni fapicha’ ni yad e ur gagiyeg niged gimed ngu’um thiggad nga but’ u lan yupa’ i kanawo’ mu’un yot’yot’med nga but’ ni gowa gimed e rungdu’.”


Um pired ni gimed bogni’ ni kam gilafgad ko kireb, machane gilaf ko kireb ni kam ted e dab mmaruwelgad ngay ni ngam upunguyed ban’en nib kireb, machane ngu’um ngongolgad nrogon e sib rok Got.


I Hagar e be yip’ fan e burey ni Sinai u lan yu Arabia, mi ir e be yip’ fan fare binaw nu Jerusalem ni bay e chiney, nike un ngak urngin e girdi’ rok kar manged sib.


Bmuduwgil ni thin ni nggog e chiney ni gag e gu be uf ngog e aram e gu be non ni bod rogon be’ ndariy e leam rok; ya gathi ireray e thin nike pi’ Somol ngog ni nggog.


Ya fare Kan Nthothup nike pi’ Got ngomed e der ma taymed ni gimed e sib ko denen ngu’um pired ni gimed be rus; ya re Kan Nthothup nem e ma ngongliymed ngam manged pifak Got, ma gelngin e Kan Nthothup e gadad ma non riy ngak Got nma lungudad, “Chitamag! Chitamag!”


Bay gu par ni rib puf rogog, ni bochan e gu ma athamagiliy ni nggu fol ko pi machib rom.


Mfulweg e felfelan’ ngog nma yib ko ayuw ni ga ma pi’, ma ga ayuweg lanin’ug ngi i fol rom.


Ma bin riyul’ riy e dakuriy “yugu reb e Thin Ni Bfel’ ngabang ni yib rok Got.” Gu be yog e re bugithin ney ya bay boch e girdi’ ni yad be guy rogon ni ngar wagagey niged lanin’med, ni aram e yad be guy rogon ni ngar thiliyeged e Thin Ni Bfel’ ni murung’agen Kristus.


Machane en nra fal’eg i yaliy ir nga fithik’ fare motochiyel nrib yal’uw ni ir e ma pithig e girdi’ ko kireb, me tiyan’ ngay ma gathi kemus ni motoyil ngay me pag talin, ya be maruwel ngay — cha’nem ni aram rogon e Got e ra ayuweg ko tin ni be rin’.


Danga’! Wayin nib be’ech e ngan ngal’uweg ngalan e tutuw nib be’ech ni keru’ e gamanman!


Swiv nou:

Piblisite


Piblisite