Galatia 1:8 - Bible Ni Thothup

⁸ Machane mus ngomad ni fa’an gamad ra machibnag yugu reb e thin ngomed nib thil ko fa bin ni kug machib niged ngomed ara reb e rin’ reb e engel ni yib u tharmiy, ma bay ni gechignag u fithik’ e nifiy ni dabi math bi’id!

Galatia 1:8 Referans Kwoze

Galatia 1:9

Ka’a gogned ngomed ko som’on, me ere chiney e ngku gog bayay ni nge lungug: fa’anra machibnag be’ ngomed reb e Thin Ni Bfel’ nib thil ko fare Thin Ni Bfel’ ni yib rok Got ni ir e ke mich u wun’med, ma bay ni gechignag u fithik’ e nifiy ni dabi math bi’id!

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

Roma 9:3

Fa’an mang e ra gu pi’eg ngan gechig nigeg ma gamow dar Kristus ma aram miyad thap ngak Got ma kug rin’.

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

2 Peter 2:14

Dariy ban’en ni yad ba’adag ni ngar changargad ngay ya kemus ni ppin nib darngal e yad ba’adag ni ngar changargad ngorad; ma ar’ar rorad ko denen e der tal. Ma yad ma waliy e pi’in ni me’waer e leam rorad ngar awgad ko wup rorad. Ma lanin’rad e ke ilal nga fithik’ e chogow. Ma yad be par ni yad bay u tan e gechig rok Got!

Acts 23:14

Ma aram miyad yan ngak e pi tolang ko prist nge pi’in pi’ilal ko galesiya me lungurad, “Kug og niged u mit Got ndab gu wed ban’en nge mada’ ko ngiyal’ ni gamad ra thang e fan rok Paul riy.

Titus 3:10

Mu non ngak e en ni be ruw raba’nag e girdi’ ni dabi lich ko l’agruw yay, ma fa’anra dabi fol riy ma aram ma ga tem u orel rok.

Galatia 3:13

Machane Kristus e ke chuwegdad ko buch wa’athan ni Motochiyel e ke fek i yib ngodad, ni bochan e kemang ir e ke buch wa’athan ni fan ngodad. Ni bod rogon nike yog e babyor nib thothup ni be ga’ar, “En ni kan tining nga ba ley i gek’iy e kan bucheg wa’athan.”

1 Korinth 12:3

Thingar mu nanged ndariy be’ ni fare Kan Nthothup rok Got e be pow’iy nrayag ni nge ga’ar, “Dayigi buch wa’athan Jesus!” ma dariy be’ nrayag ni nge weliy ni nge ga’ar, “Jesus e Somol,” ni fa’anra gathi fare Kan Nthothup e ke pow’iy keyog.

Mark 14:71

Me ri micheg Peter ni ga’ar, “I Got e nge gechig nigeg ni fa’anra dagur weliy e tin riyul’! Ya da gu nang e cha’ ni be’er ni gimed be yog murung’agen!”

Galatia 3:10

Pi’in ke pagan’rad ko Motochiyel ni yad be fol riy e yad be par nib buch wa’athrad. Ya be yog e babyor nib thothup ni be ga’ar: “En ni gathi urngin ngiyal’ ma be fol u urngin ban’en ni kan yoloy u lan babyoren e Motochiyel e ke kireb wa’athan!”

Nehemiah 13:25

Mu gu thin ngak fapi pumo’on, mu gu pining e buch wa’athan nga dakenrad, gu toyrad, mu gu bu’oy piyan lolugrad. Ma aram mu gog ngorad ngar micheged u fithingan Got ni dakuriy bi’id ni yad ra le’engiy pifakrad e ppin nu bang.

1 Samuel 26:19

Gur pilung, mmotoyil ko n’en ni nggog. Fa’anra SOMOL e ke pingegem kam togopluw ngog, mab maligach e yira pi’ ngak me thilyeg e leam rok; machane fa’anra ngongol rok boch e girdi’, me ere mang e yigi aw e buch wa’athan rok SOMOL nga dakenrad. Ni bochan e kar tulufedgag nga wuru’ e nam rok SOMOL kug wan ngab nam ni kemus ni yi go’ bogi got rok yug reb e nam e be yag ni gu tayfan.

Joshua 9:23

I Got e bayi kirebnag wa’athmed ni bochan e ran’ey ni ka mu rin’ned. Tiromed e girdi’ e bay urpired ni gubin ngiyal’ ni yad bogi sib, ngu’ur the’bad e l’ud ma yad be mat’eg e ran i yib ko naun rok e Got rog.”

Genesis 9:25

me ga’ar: “Nge bucheg Got wa’athan Kanaan! Bayi par ni ir e sib rok e gali pumo’on ni walagen.”

1 Kings 13:18

Ma aram me ga’ar fare profet ni pilbithir nu Bethel ngak, “Ma ku gag reb a profet ni bod gur, ma keyog SOMOL ngak ba engel ni nggu piningem ngam un nga tabnaw rog nggu nang salpem.” Machane fare profet ni pilbithir e be ban.

Jeremiah 23:16

I SOMOL ni Gubin ma Rayag Rok e ga’ar ngak e girdi’ nu Jerusalem, “Dab mu telmed ko tin nra yog e pi profet ngomed; ya yad be ban nagmed ni nge l’agan’med nga bogi ban’en nde riyul’. Yad be weliy ngomed bogi ban’en ni yad e sum ko leam rorad, ma gathi gag e gog ngorad.

Jeremiah 23:36

Thangri dab roged e re thin nem ni ‘tomal rok SOMOL,’ ni bochan e fa’anra yog be’, ma bay gu gagiyegnag e thin rog ngari tomal ngak. Girdi’ e ka ra thilyegned fan e thin rok e Got rorad, nib Got nib fos, ni SOMOL ni Gubin ma Rayag Rok.

Roma 16:17

Ri gu be wenignag ngomed, pi walageg, ni ngan ayuweged gimed rok e pi’in yad ma wereg e girdi’ ma yad ma kirebnag e mich rok e girdi’, ma yad ma togopluw ko machib nike yag ngomed; ere mu ted gimed u orel rorad.