Galatia 1:15 - Bible Ni Thothup

¹⁵ Machane bochan e runguy rok Got ngog me duwgilyeg u m’on ko ngiyal’ ndawor ni gargelnigeg riy, me piningeg ni nggu pigpig ngak.

Galatia 1:15 Referans Kwoze

Jeremiah 1:5

“Gu mel’egem u m’on ndawor mu sum nga mayal, mu m’on ni ngan gargelegem mu gu duwgiliy ni ngam mang profet ngak e pi nam.”

Isaiah 49:5

Dawor ni gargel nigeg ma ke mel’egeg SOMOL; ke teg ni nggu mang tapigpig rok ya nggu fulweg e girdi’ rok, ni nggu fulweg e girdi’ nu Israel ni ka ra weargad i yan. I SOMOL e gagiyegnag ngan tayfag; ir e en ni be yib gelngig rok.

Isaiah 49:1

Mu telmed ngog e pi nam nib mal’af, ni gimed e girdi’ ni mal’af! Dawor ni gargel nigeg ma ke mel’egeg SOMOL, me turguyeg ni nggu mang tapigpig rok.

2 Timothy 1:9

Ke thapegdad ngak ma ke piningdad ni ngad manged girdi’en, ni gathi bochan e tin ni bfel’ ban’en ni kad ngongliyed, machane bochan e tin ke leamnag nge runguy rok ngodad. I runguydad u daken Kristus Jesus u m’on ndawori sunumiy e fayleng riy,

Efesus 1:5

ma aram fan ni turguy Got nu daken Jesus Kristus e nge fulwegdad riy ngak ni kad manged pifak — ireray e tin ni ba’adag nge tin ni leamnag.

1 Korinth 1:9

I Got e nge pagan’uy ngak, ni Got ni ir e ke piningmed ni ngam chaggad ngak Jesus Kristus ni Fak, ni ir e Somol rodad.

Roma 1:1

Re babyor ney e yib rok Paul, ni tapigpig rok Kristus Jesus, ni ir ba apostel ni Got e mel’eg me pining ni nge machibnag ngak e girdi’ e Thin Ni Bfel’ ni yib rok Got.

Acts 13:2

Nap’an ni yad be pigpig ngak Somol ma yad be pag e abich, me ga’ar fare Kan Nthothup ngorad, “Mu faled Barnabas nge Saul ngabang, ni nge mil farow ngog nge mang yow e ra ngongliyew e maruwel ni kug piningrow ni ngar muruwliyew.”

Acts 9:15

Me ga’ar Somol ngak, “Mman, ya kug turguy ni nge pigpig ngog, ni ir e nge fek fithingag i yan ngak e pi’in gathi yad piyu Israel nge pi’in pilung, nge ngak e girdi’ nu Israel.

Roma 8:30

Ere Got e ke pining e pi’in ir e ke falrad ngabang; gathi kemus nike piningrad, ya ku errogon nike mat’aw nagrad ngak; gathi kemus nike mat’aw nagrad ngak, ya ku errogon ni ngar uned ngak ko fla’ab rok.

Roma 1:5

U daken Kristus e fal’eg Got wa’athag riy ni nggu mang reb e apostel ni fan ngak Kristus, ni bochan e nggu pow’iy e girdi’ u urngin e nam nge mich Kristus u wun’rad miyad fol rok.

Matthew 11:26

Chitamag, i gur e mu turguy ni nge yodoroy nrogon nib m’agan’um ngay.

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.

Efesus 3:11

I rin’ Got e ren’ey nrogon e tin ni leamnag ko tabolngin ndawori sum e fayleng riy, ni yagnag u daken Kristus Jesus ni ir e Somol rodad.

Efesus 1:9

e rin’ riy e tin ke finey, me dag ngodad e n’en nike tay nib mith nike mu’ i leamnag rok ni nge libguy u daken Kristus.

Galatia 1:6

Kug gin ngomed! Ya rib machreg ni gimed be n’ag e en ni ir e ke piningmed u daken e runguy rok Kristus ngodad gimed be yan nga yugu reb e Thin Ni Bfel’.

1 Korinth 15:10

Machane Got e runguyeg nge ayuwegneg me pingegeg nggu par ni bod rogog e chiney, ma ayuw ni tay ngog e de aw nib m’ayfan. Ya ke thil, nike gel e maruwel ni kug tay ngak urngin e pi apostel, machane gathi gag e gu be rin’ u gelngig, ya Got e be ayuwegneg.

1 Korinth 1:24

machane rogon u wan’ e pi’in ke piningrad Got, ni piyu Israel nge pi’in gathi yad piyu Israel, e re morong’ag ney e Kristus, ni ir e aram gelngin Got nge gonop rok Got.

1 Korinth 1:1

Re babyor ney e yib rok Paul, ni Got e leamnag nge pining ni nge mang reb e apostel rok Kristus Jesus, ma ki yib rok Sosthenes ni walagdad ni girdi’en Kristus —

Luke 10:21

Ma ku errogon e re ngiyal’nem ni suguy e Kan Nthothup Jesus ko felfelan’ me ga’ar, “Chitamag ni gur e Somol u tharmiy ngu but’! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul. Chitamag, i gur e mu turguy ni nge yodoro’ nrogon nib m’agan’um ngay.

Roma 9:24

Ya gadad e pi’in ke piningdad, ni gathi kemus ni yigo’o fithik’ piyu Israel e ke piningdad riy, ya ku errogon ni ku ke piningdad u fithik’ e pi’in gathi yad piyu Israel.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

1 Korinth 1:21

Ya Got e gonopiy ni nge dabiyag ni nge nang e girdi’ Got u gelngin e gonop rorad. Machane ke turguy Got ni nge thapeg ngak e pi’in ke mich Jesus Kristus u wun’rad nu daken e re thin ni ba’aray ni gamad be machibnag ko girdi’, nike yog boch e girdi’ e “thin ko balyang” ngay.

Galatia 1:1

Re babyor ney e yib rok Paul, ni pong ni yib ngak ni nge mang reb e apostel e gathi yib rok e girdi’ ara maruwel Got ngak e girdi’ nge mang girdi’ e pining, machane i Jesus Kristus e yib rok nge Got ni ir e Chitamangiy, ni ir e en ni faseg Jesus ko yam’.