Filippi 3:1 - Bible Ni Thothup

¹ Me ere n’en ni nggu ning nga tungun e gi babyor ney e nge lungug: Pi walageg, nge pi’ Somol e felfelan’ ngomed. Der chalbag ngay ni nggu sul u daken e thin ni ka’a gu yoloy ko som’on, ya ra ayuwegmed ngu’um pired u pa’ Got.

Filippi 3:1 Referans Kwoze

Filippi 4:4

Gubin ngiyal’ ni ngu’um felfelan’gad ko ta’ab girdi’ ni kam ted Somol. Ere ngku gog bayay ni nge lungug: mu felfelan’gad!

Roma 5:11

Machane gathi kemus aray; ya gadad be felfelan’ u fithik’ e pagan’ rodad ngak Got u daken e Somol rodad i Jesus Kristus, ni ir e ke ngongliydad e chiney kadmanged pi tafager rok Got.

James 1:2

Pi walageg ni girdi’en Kristus! Mu leam niged gimed ni bfel’ wa’athmed ko ngiyal’ nra yib urngin mit e sikeng riy ngomed,

1 Peter 4:13

Machane ngam felfelan’gad ni gimed be un ko gafgow ni i tay Kristus, nge yag ni ngar mu felfelan’gad ko ngiyal’ ni bay yib i m’ug ni be galgal ram’en.

1 Thessalonika 5:16

Um pired ni gimed ba felfelan’ ni gubin ngiyal’,

Filippi 4:8

Pi walageg ni girdi’en Kristus, n’en ni nggog ngomed u tungun e re gi babyor ney e ngam suguyed lanin’med ko fapi n’en ni bfel’, ni yira yog e fel’ ngay: ni n’en nriyul’, nge n’en nib yal’uw, ma bmat’aw, ma bmachalbog, ma bmanigil, nge tin ndariy thibngin.

1 Peter 3:8

Ere thingari gimed gubin ni nge ta’reb rogon e leam romed mu um runguyed gimed; me bigimed me t’uf rok bigimed nrogon e pi’in ni walag ni girdi’en Kristus, mu um pired ni bfel’ e thin romed ngomed ma ba sobut’ lanin’med ngomed.

2 Korinth 13:11

Pi walageg ni girdi’en Kristus, kefel’! Mu athamgiliyed ngam yal’uwgad; mu telmed ko tin kugog; ma nge ta’reban’med, mu um pired u fithik’ e gapas. Mi Got ni gadad ba t’uf rok me ir e ma pi’ e gapas e bay i un ngomed.

2 Peter 3:1

Pi tafager rog, ni gimed ba t’uf rog! Gi ney e babyor e ke gaman e ruw yay ngay ni kug yol ngomed. U lan e gali yang i babyor ney e kug guy rogon riy ni nggu puguran ngomed e pin’ey ni aram e gu be pug e tafinay nib machalbog u lanin’med.

Efesus 6:10

Kab aray ta’a ban’en: ngam ta’ab girdi’gad ngak Somol ngi i gel nagmed nga gelngin nrib gel.

Luke 1:47

ke felan’ug ni bochan Got ni Tabiyul rog.

Zekariah 10:7

Girdi’ nu Israel e ra yib gelingrad ni bod e pi salthaw, ni yad ba felfelan’ ni bod e pi’in kar unumed e wayin. Pi’in owcharad e bay i par u wan’rad e re gel ney nra ted. miyad felan’ ni bochan e n’en nike rin’ SOMOL.

Zefaniah 3:17

Fare SOMOL ni Got romed e be par romed; ni gelngin e be gel nagmed. Bayi felfelan’ SOMOL ngomed, ma fithik’ e t’ufeg rok e bayi pi’ reb e yafos nib be’ech ngomed. Bayi tang ma be felfelan’ ngomed,

Zefaniah 3:14

Gimed e girdi’ nu Israel, mu tanggad mi gimed garusnag e felfelan’! Gimed yu Jerusalem, mu felfelan’ gad u polo’ i lanin’med!

Joel 2:23

’Mu felfelan’gad e girdi’ nu Zion, mu felfelan’ gad ni bochan e tin ke rin’ SOMOL ni Got romed ngomed. Ke pi’ ngomed e n’uw ni bfel’ urngin ko ngiyal’ ndabisiy ni nge yag ngomed, ni bod ni i rin’, ma ke pu’og e n’uw nga but’ u nap’an e garbeb ni fan ngomed, ma ke pi’ e n’uw u ngal’an e yafang nike tabab e gowel ni bod ni i rin’ ko som’on.

Psalms 37:4

Mu gay e felfelan’ rom rok SOMOL, me pi’ ngom e tin ir e kari t’uf rom.

Psalms 32:11

Gimed e pi’in gimed mmat’aw, e nge felan’med mi gimed uf ni bochan e n’en ke rin’ SOMOL! Gimed e pi’in gimed be fol rok, e ngam tolul niged e felfelan’!

BABYOR NI JOB 22:26

Ma aram mu’um par ni gubin ngiyal’ nib pagan’um ngak Got, ma ga pir’eg ni ir kenggin e felfelan’ ngom.

1 Kronicles 29:22

Ere rofen nem e ri yad ba felfelan’ ni yad be abich ma yad be garbad u p’eowchen SOMOL. Ma aram e yay ni l’agruw yay ngay nra weliyed u fithik’ e girdi’ ni Solomon e pilung. U fithingan SOMOL e ra gapgep niged riy ni nge mang ir e gagiyeg nagrad me Zadok e nge mang prist.

Filippi 3:3

Ya gathi yad e picha’ nike yag e bin riyul’ e maad’ad ko dowef ngorad, ya gadad, ni bochan e gadad ma liyor ngak Got ma gadad ma meybil ngak u daken e Kan Nthothup rok, ma gadad be felfelan’ ko yafos ni yag ngodad u daken Kristus Jesus. Dabi pagan’dad nga yalen e tin yibe ngongliy nga wuru’ i dowdad.

Matthew 5:12

Ngari felan’med, ya bay labgen ni ba ga’ ni fan ngomed ni kan tay u tharmiy. Ya ireray rogon e gafgow ni i tay e girdi’ ngak e pi profet ni yad ba kakrom ngomed.”

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Psalms 149:2

Israel, nge felan’um, ni bochan e En ni Sunumiyem; girdi’ nu Zion, nge felfelan’med ni bochan e pilung romed!

Psalms 97:1

I SOMOL e pilung! Fayleng, mu felfelan’! Ngam felfelan’gad e pi donguch u lan e day!

Psalms 42:4

Fa’an gu ra leamnag e kakrom mi i kireban’ug; ya ngiyal’nem e un e girdi’ ni yo’or ngog ngu’ug warod ko fare naun rok Got, gu ma m’on ngu’ur leked gag, ni gamad ba ulung i girdi’ ni gamad ba felfelan’, ni gamad be tang ma gamad be pining e sorok ngak Got ni ba ga’ lammad.

Psalms 5:11

Machane pi’in yad ma naf ngom e bay ra felfelan’gad; rayag ni gubin ngiyal’ ni ngu’ur tanggad ni yad bfelfelan’. Mu yororiy e pi’in ga ba t’uf rorad; ya bocham e aramfan ni yad bfelfelan’.

Nehemiah 8:10

Ere msulod nga tabinaw ngam murgad. Mu f’othded boch e ggan nge wayin romed rok e pi’in nde gaman rorad. Bin daba’ e rran e ba thothup ni fan ngak e SOMOL rorad, ere dabi kireban’med. Felfelan’ nma pi’ SOMOL ngomed e bay i pi’ gelngimed.”

1 Kronicles 16:10

Ngam felfelan’gad nike mil fadad ngak; nge felfelan’ gubin e pi’in yad ma liyor ngak!

1 Kronicles 15:28

Ma aram e urngin e girdi’ nu Israel ma ra’uned ko fare Kahol ko M’ag nga talang u Jerusalem ni yad be tolulnag e felfelan’, ma be yan lingan e rappa’, yabul, nge cymbal, nge harp.

1 Samuel 2:1

Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.

Deuteronomy 16:11

Mu felfelan’ gad u p’eowchen SOMOL ni Got romed, ni gimed nge pifakmed, nge pi tapigpig, nge pi Levite, nge milekag, nge pi’in kanim’ rorad, nge pi’in ke yim’ figirngirad ni yad ma par u lan fa yoch i binaw romed. Mu rin’ed ni aray rogon ko fa ta’gin’en ni tagil’ e liyor.

Deuteronomy 12:18

Gimed nge pifakmed nge pi tapigpig romed nge pi Levite ni yad be par u lan e yochi binaw romed e kemus nu p’eowchen SOMOL ni Got romed e ngam ked e pi maligach ney riy, u lan fa ta’gin’en ni tagil’ e liyor nike turguy SOMOL ni Got romed. Mu um felfelan’gad ni bochan urngin e pin’en ni kam mu’ niged.

1 Thessalonika 4:1

Pi walagmad ni girdi’en Kristus, kabay aray ta’a ban’en, kam filed romad rogon ni ngu’um pired nib m’agan’ Got ko n’en ni gimed be rin’ ma bmuduwgil ni aray rogon ni gimed be par. Ere chiney e gamad be wenig ngomed ma gamad be ta’mad ngomed u fithingan Somol ni Jesus ni ngam athamgilgad boch.

Isaiah 65:14

Bay ur tang niged e felfelan’, machane bay um yorgad ni kari mo’och’och lanin’med.

Psalms 33:1

Gimed urngin e pi’in gimed mmat’aw, e nge felan’med ni bochan e tin ke rin’ SOMOL; pi’in yad be fol rok, e ngar pininged e sorok ngak!