Filippi 2:30 - Bible Ni Thothup

³⁰ yi pag fan e pogofan rok nge chugur ni ngem’ ni fan ko maruwel rok Kristus, ni bochan e nge ayuwegneg ko n’en ndabiyag ni ngam ayuweged gag riy.

Filippi 2:30 Referans Kwoze

1 Korinth 16:17

Kug felfelan’ nike yib Stefanas nge Fortunatus, nge Akaikus; ka ranod nga luwmed,

Filippi 4:10

Ri ba ga’ e felfelan’ ni gu be tay ko ta’ab girdi’ ni kug tew Somol! Ya ke n’uw nap’an nde bung rogomed ni ngam daged ngog ni gimed be leam nigeg, ma chiney e ke bung rogomed bayay. Gathi gu be yog ni kam paged gag — ya bochan e de bung rogomed ni ngam daged.

Acts 20:24

Machane kug finey ni pogofan rog e dariy rogon ngog, ni fan e nge yag ni gu mu’nag e maruwel ni kan pag fan ngog mu gu mu’nag e maruwel ni Somol Jesus e ke pi’ ngog ni nggu rin’, ni aram e nggu weliy ngan nang fare Thin Ni Bfel’ ni murung’agen feni t’uf e girdi’ rok Got.

Filippi 4:18

Urngin e tin ni mpi’ed nge yib ngog e ke thap ngog — ma ke gaman ke pag urngin! Ke fek Epafroditus i yib ngog urngin e tow’ath rog ni mpi’ed ngak, ni aram e kefel’ rogog u urngin e tin ug gafgow riy. Pi tow’ath ney e bod e n’en ni bfel’ bon ni yima pi’ ngak Got ni ba maligach ni ba’adag Got ma bfel’ u wan’.

2 Korinth 12:15

Gub adag ni nggu pi’ urngin e tin ni bay rog nge gag ni fan e nge yag ni gu ayuwegmed. Gur ngam pired ni gathi ri gub t’uf romed ni bochan e ri gimed ba t’uf rog?

Revelation 12:11

Ke gel pi walagdad ngak u daken racha’en fare Fak e Saf, ngu daken e thin nib riyul’ ni ur wereged; ma bm’agan’rad ngay ni ngar paged fan e pogofan rorad ngarm’ad.

Filemon 1:13

Gu ba’adag ni nggu tay rog u roy e ngiyal’ney ni gu ba’ u kalbus ni bochan fare Thin Ni Bfel’, ni fan e nge yan nga luwam nge ayuwegneg.

Filippi 2:27

Riyul’ ni yib e m’ar ngak nge chugur i yim’. Machane i Got e runguy; ni gathi go ir ya ku errogon gag, nde pag Got e kireban’ nib gel nge yib ngog.

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.

1 Korinth 16:10

Fa’anra yib Timothy ngomed ma ngam guyed rogon nge par romed nike pagan’, ya be maruwel rok Somol ni bod rogog.

1 Korinth 15:53

Ya n’en nra kireb e thangri yin’ nga daken e n’en ndab ki kireb ni bod e munmad; ya n’en ni bay yim’ e thangri yin’ nga daken e n’en ndabiyag ni nge yim’ ni bod e munmad.

Roma 16:4

nra pagew fan e pogofan rorow ni bochag. Kar magaergow — ni gathi kemus ni gag e gu be pining e magaer ngorow, ya ku errogon urngin e galesiya rok e pi’in gathi yad piyu Israel.

2 Korinth 4:12

Fan e ren’ey e yam’ e be lekmad; ma yafos e be maruwel u fithik’med.