Filippi 2:11 - Bible Ni Thothup

¹¹ ma yad gubin ni bay rogned u fithik’ e girdi’ ni Jesus Kristus e ir e Somol, minog e sorok riy ngak Got ni Chitamangiy.

Filippi 2:11 Referans Kwoze

1 John 4:15

En nra weliy ni Jesus e Fak Got e aram e be par Got u fithik’ fa’anem, ma fa’anem e be par u fithik’ Got.

Roma 14:11

Ya babyor nib thothup e be ga’ar: “I ga’ar Somol: Rogon feni riyul’ ni gu be par ni gub fos, e gubin e girdi’ ma bay rragbuggad u p’eowcheg, ma urngin e girdi’ ni bay rogned ni gag e Got.”

John 13:13

Gimed ma pining Tamchib nge Somol ngog ma bmat’aw ni gimed be rin’, ya gag.

1 John 4:2

Ere ba’aray rogon ni gimed ra nang ko Kan Nthothup rok Got fa dangay: gubin e girdi’ ni yad be weliy ni Jesus Kristus e yib i ngal’ ni girdi’ nrayag ni nge yim’ e dowef rok e bay fare Kan Nthothup rorad ni ir e yib rok Got.

Roma 14:9

Ya Kristus e yim’ ngki fos bayay ni bochan e nge mang Somol ko pi’in yad ba fos nge pi’in karm’ad.

1 Korinth 12:3

Thingar mu nanged ndariy be’ ni fare Kan Nthothup rok Got e be pow’iy nrayag ni nge ga’ar, “Dayigi buch wa’athan Jesus!” ma dariy be’ nrayag ni nge weliy ni nge ga’ar, “Jesus e Somol,” ni fa’anra gathi fare Kan Nthothup e ke pow’iy keyog.

John 14:13

Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

1 Korinth 8:6

machane gadad e ri ta’reb e Got rodad ni bay, ni ir e Chitamangiy, me ir e sunumiy urngin ban’en, me ir e gadad be par ni fan ngak; ma ta’reb e Somol ni bay, ni aram Jesus Kristus, ni pa’ e sunumiy Got urngin ban’en ngay, me ir e be ta’dad ni gadad ba fos.

Revelation 3:5

Pi’in yad ra gel ndar paged yad ko kireb e yira yin’ e mad nib wechwech nga dakenrad ni aray rogon, ma dab gu chuweg fithingrad u lan babyoren e pi’in kar fosgad. Ma bay gog u p’eowchen e Chitamag nge pi engel rok ni yad e girdi’ rog.

Matthew 10:32

“En nra weliy u fithik’ e girdi’ ni ir reb i girdi’eg, e aram rogon e n’en ni gu ra rin’ ngak u p’eowchen e Chitamag u tharmiy.

Acts 10:36

Gimed manang e thin ni pi’ nge yib ngak e girdi’ nu Israel, ni be weliy fare Thin Ni Bfel’ ni murung’agen e gapas nrayag ngodad u daken Jesus Kristus, ni ir e Somol rok urngin e girdi’.

Acts 2:36

“Ere urngin e girdi’ nu Israel ni thingar ra nanged ni cha’nem i Jesus, ni ir e mu richibiyed ko kuruth, e ke tay Got ni ir e Somol nge Messiah!”

John 9:22

I yog e gallibthir rok e re bugithin ney ya kar tamdaggow ngak fapi cha’ nu Israel; ya ke mu’ i duwgiliy rok fa picha’ ni yad ma yog e thin nu Israel ni fa’anra yog be’ ni Jesus fare Messiah, ma aram e dabki yib ngalan tafen e mu’ulung bi’id.

John 5:23

ya nge gubin e girdi’ me liyor ngak e en ni Fak Got ni bod rogon ni yad ma liyor ngak e en ni Chitamangiy. Ma en nder liyor ngak e en ni Fak Got e der liyor ngak e en ni Chitamangiy ni ir e l’oeg nge yib.

Psalms 110:1

I Somol e ga’ar ngak e somol rog, “Mu par aray nga ba’ ni mat’aw rog nge yan i mada’ ko ngiyal’ ni bay gu tay e pi to’ogor rom nga tan e rifrif u em.”

2 John 1:7

Bo’or e pi’in yad be bannag e girdi’ ni kar wergad u fayleng, ni girdi’ ndarir weliyed ni Jesus Kristus e yib i ngal’ ni be’ nrayag ni nge yim’. Ra aram rogon be’ ma ir be’ ni be bannag e girdi’, ma aram e ir e To’ogor rok Kristus.

1 Korinth 15:47

Bin som’on e Adam e ni ngongliy ko but’, ere be’ u roy u fayleng; ma bin migid e Adam e yib u tharmiy.

Roma 15:9

ma ku bochan e ngki yag ni pining e pi’in gathi yad piyu Israel e magaer ngak Got ko runguy rok ngorad; ni bod ni be yog e babyor nib thothup ni be ga’ar: “Aram fan ni bay gu pining e magaer ngom u fithik’ e pi’in gathi yad piyu Israel, bay ug tang ni gu be yog e sorok nga fithingam.”

John 20:28

Me fulweg Thomas ngak ni ga’ar, “Somol rog nge Got rog!”

John 17:1

Fa’ani mu’ i yog e re bugithin ney rok Jesus, me sap ngalang me ga’ar, “Chitamag, ke taw ko fare awa. Mu gilnag buguwan Fakam, me gilnag Fakam buguwam.

John 12:42

Machane yugu aram rogon ma bo’or e girdi’ nma yog e thin u Israel ni mich Jesus u wun’rad, machane bochan e pi Farise ma aram e de yag ni ngar weliyed rogon e leam rorad u fithik’ e girdi’, ni bochan e yad be magarnag nrichey minog ngorad ndab kur uned ngalan tafen e mu’ulung.

Luke 2:11

Re rran n’ey u lan e binaw rok David e kan gargeleg e Tabyul romed — ni Kristus ni ir e Somol!

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Psalms 18:49

Ere gu be pining e sorok ngom u fithik’ e pi nam. Ni gu be tangnag feni sorom.

John 14:23

Me fulweg Jesus ngak ni ga’ar, “En ni gub t’uf rok e ra fol ko thin rog. Ra t’uf rok e Chitamag, ma Chitamag nge gag e gamow ra yib ngak nggu pirew rok.

John 13:14

I Gag e Somol romed nge Tamchib romed, ma ka fini gu mu’ i luknag e rifrif u aymed. Ere nge bigimed mi i luknag e rifrif u ay bigimed.