Filippi 1:28 - Bible Ni Thothup

²⁸ Ri dab mu rusgad ngak e pi to’ogor romed; ma nge athamgil lanin’med ni gubin ngiyal’, ireray e ren’en nra micheg ngorad ni bay ra waergad, ma gimed e bay mu gelgad, ya Got e ir e bayi ayuwegmed ngam gelgad!

Filippi 1:28 Referans Kwoze

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Isaiah 51:7

“Mmotoyil ngog, ni gur e en gamnang e n’en nib mat’aw, nike rich e machib rog nga fithik’ i lanin’um. Dab murus ko ngiyal’ ni be kak’aringem e girdi’ ma yad be yog e thin nib kireb ngom;

Roma 8:17

Ere fa’anra kad manged pifak, mrayag ngodad e fla’ab nike tay ni fan ko girdi’ rok, ma kagdad ra un ngak Kristus ngad fanayed e tin ke tay Got ni fen; ya fa’anra gadad be un ko gafgow ni tay Kristus, ma ka gadad ra un ko fla’ab rok.

Hebrews 13:6

Ere dab kud tamdaggad ma nge lungudad, “I Somol e ir e be ayuwegneg, ere dab gu tamdag! Mang e rayag ni nge rin’ e girdi’ ngog?”

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Revelation 2:10

Dab mu rus ko n’en ni bay mu gafgow riy. Mmotoyil ngog! I mo’onyan’ e bayi sikengnagmed ya bayi gagiyegnag nga nin’ boch i gimed nga kalbus; ma gafgow ni nge yib ngomed e bayi par ni ragag e rran. Ere ngam yul’yul’ ngog ni mus ni fa’anra ngan thang e fan rom, ma aram mu gu pi’ e te’eliyaw ko yafos ngom.

1 Thessalonika 2:2

Gimed manang rogon e gafgow ntay ngomad nge thin nib kireb ni unog ngomad u Filippi u m’on riy ndawor gu bad ngomed nga Thessalonika. Machane Got rodad e pi’ e athamgil nga lanin’mad ni nggu weliyed ngomed fare Thin Ni Bfel’, ni yugu ireram gelngin e togopluw ni yibe tay ngomad.

Luke 3:6

Ma aram e urngin e girdi’ nu fayleng ni bay ra guyed e kanawo’ nike ngongliy Got ni nge thapegrad riy ngak!’ ”

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Genesis 49:18

“SOMOL, gu be sonnag e ayuw ni bay mpi’.

Acts 28:28

Me ul ul Paul ngay nge ga’ar, “Ere ngam nanged ni thin rok Got ni murung’agen rogon min thap ngak Got e kan pi’ ke yan ngak e pi’in gathi yad piyu Israel. Ma bay ra motoyilgad ngay!”

Psalms 50:23

Ogmagaer e ire re maligach nri ma tayfag, ma rib mich ni gu ra ayweg e pi’in yad ma fol rog.”

John 16:8

Ma ngiyal’ nra taw riy e ra dag ko girdi’ nu fayleng ni yad be oloboch u murung’agen e denen, ngu murung’agen e tin nib mat’aw, nge rogon nma turguy Got e gechig.

Mark 3:3

Me ga’ar Jesus ngak fare mo’on nib marwoth pa’, “Moy ngara’ ngam’on.”