Filippi 1:18 - Bible Ni Thothup

¹⁸ Machane dariyfan! Ya gub felfelan’ ngay — yugu bochan e nge yag nni weliy murung’agen Kristus u gubin kanawo’en nrayag, ndemturug ko yibe rin’ u fithik’ e leam nde mat’aw ara u fithik’ e leam nib mat’aw. Ma bay ug par ni gub felfelan’,

Filippi 1:18 Referans Kwoze

Luke 9:50

Me ga’ar Jesus ngak nge fa tinem i gachalpen, “Dab mu guyed rogon ni ngam taleged, ya en nder togopluw ngomed e kabigmed.”

1 Korinth 15:11

Ere demturug ko gag e yib rog fa yad e yib rorad, ma ireray e n’en ni gamad gubin ma gamad be machibnag ko girdi’, ni ireray e n’en ke mich u wun’med.

1 Korinth 14:15

Ere mang e nggu rin’? Bay gu rin’ ni l’agruw, bay gu meybil nthin nda nnang fan, machane bay kug meybil ni yira nang fan; bay gon’ e tang ko thin nda nnang fan, machane bay ku gon’ e tang nthin ni yira nang fan.

Mark 12:40

Yad e picha’ ni kar felan’gad u puluwon e pi’in ni ppin nike yim’ figirngirad ya yad be leag e naun rorad, ma yad be guy rogon ni ngu’un guyrad ni yad be fek e meybil nib n’uw. Ere gechig ni yira pi’ ngorad e ri kab gel!”

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

1 Korinth 10:19

Mang e gu be yip’ fan ko ren’ey? Aram e gu be yip’ fan ni reb e liyos nma meybil boch e girdi’ ngay ara ggan ni ka ni pi’ ni maligach ngak e bay fan fa danga’?

Roma 6:15

Ere uw rogon? Gur ngu’ud denengad ni bochan e dad moyed u tan e motochiyel ya gadad bay u tan e runguy rok Got? Ri danga’!

Roma 3:9

Gur ba sorodad piyu Israel ngak e pi’in gathi yad piyu Israel? Ri danga’! Kug mu’ i weliy nib tamilang faram ni piyu Israel nge pi’in gathi yad piyu Israel e yad gubin ni yad bay u tan gelngin e denen.

Luke 9:45

Machane dar nanged fan e re bugithin nem nike yog. Ya kan mithag fan rorad ni nge dab ra nanged fan, ma yad be tamdag ni ngar fithed fan e re bugithin nem ngak.

Filippi 1:19

ya gu manang ni bay ni pageg ni bochan e meybil romed nge ayuw ni be pi’ e Kan Nthothup.