Filemon 1:7 - Bible Ni Thothup

⁷ T’ufeg rom, i gur walageg ni gab t’uf rog, e ba gel e felfelan’ nike pi’ ngog, ma ba ga’ e athamgil nike pi’ nga lanin’ug! Ya kam pi’ e felfelan’ nga laniyan’ urngin e pi’in girdi’en Got.

Filemon 1:7 Referans Kwoze

2 Korinth 7:13

Ireray fan me yib e athamgil nga lanin’mad. Gathi kemus ni yib e athamgil nga lanin’mad; ya ri ba ga’ e felfelan’ ni pi’ Titus ngomad ko felfelan’ nike tay u rogon ni mu ayuweged ni gimed gubin nge felfelan’.

1 Thessalonika 3:9

Ya chiney e rayag ni nggu pininged e magaer ngak Got ni bochmed. Gamad be pining e magaer ngak ni bochan e felfelan’ nike yag ngomad u p’eowchen e Got rodad ni bochmed.

2 Korinth 7:4

Kari pagan’ug ngomed, ma ke felan’ug ngomed! Ku gu be par nib athamgil lanin’ug, ma gub sug ko felfelan’ u fithik’ urngin e gafgow ni gamad be mada’nag.

Filemon 1:20

Ere walageg u daken Kristus, wenig ngom mu ayuwegneg ko re bugithin ney ni bochan Somol; mu felfelan’ nigeg, ya gur be’ ni walageg gur u daken Kristus!

1 Thessalonika 2:19

Ya bin riyul’ riy e gimed e pagan’ nge felfelan’ romad nge tapgin ni nggu felfelan’gad ko gel ni kug ted, ni aram e nggu felfelan’gad u p’eowchen Somol ko ngiyal’ ni bayi sul riy.

2 John 1:4

Kari gu fefelan’ ni kugnang ni be par boch pifakam ni yad ba yul’yul’ ko tin nib riyul’, ni bod rogon nike yog e en ni Chitamangiy ngodad ni ngad rin’ed.

2 Timothy 1:16

Nge runguy Somol girdi’en e tabinaw ku Onesiforus, ya bo’or yay nike pi’ e athamgil nga lanin’ug. Der tamra’ ngay ni gu bay u kalbus,

1 Thessalonika 2:13

Ma ku ba’aray reb i fan ni gubin ngiyal’, ma gamad be pining e magaer ngak Got, bochan e gu feked e thin rok Got i yib ngomed mi gimed rung’ag nge mu’ mi gimed fol riy, ma da mu leam niged ni thin rok e girdi’, ya mu leam niged ni thin rok Got, ni er e bin ni ir, ya ri ir e thin rok. Ya Got e be maruwel u fithik’med e pi’in ke mich Got u wun’med.

1 Thessalonika 1:3

Ya der m’ay u wun’mad u p’eowchen e Got rodad ni ir e Chitamangidad u rogon ni kam maruwelgad ko michan’ romed, nge rogon nike ngongliymed rogon nib t’uf Got romed nge girdi’ kam maruwelgad nrib gel, nge rogon ni kari l’agan’med ngak e Somol rodad i Jesus Kristus.

1 Korinth 16:18

ma kar felfelan’ niged gag ni bod rogon nra felfelan’ niged gimed. Girdi’ ni aray rogon e bay rogon ni ngan pining e magaer ngorad.