Ezra 9:5 - Bible Ni Thothup

⁵ Nap’an ni taw ngal’an e maligach ni blayal’ mug sak’iy ngalang ko gin ni ug yor riy, ni kug bay u madag nib mogchoth, mu gu ragbug nggu meybil mu gu tining pa’ag ngalang ngak SOMOL ni Got rog.

Ezra 9:5 Referans Kwoze

1 Kings 8:54

Fa’ani mu’ Solomon ko meybil ngak SOMOL, me sak’iy u m’on ko altar ni aram e gin ni ragbug riy nga but’ nge par nike pug pa’ ngalang nruw raba’.

1 Kings 8:38

ma ngam motoyil ko meybil rorad. Ma ra bay e girdi’ rom nu Israel nike kalngan’ miyad pug pa’rad ngalang ni yad ba sap ko re Tempel ney ngar meybilgad,

1 Kings 8:22

Me yan Solomon i sak’iy nga m’on ko altar u p’eowchen e girdi’ nu Israel. Me pug pa’ ngalang nruw raba’

Exodus 9:33

Me chuw Moses rok Farao nge yan nga wuru’ fare binaw. Me pug pa’ ngalang nge meybil ngak SOMOL, me tal e dirra’ nge ayis ni be mul nga but’, me tal e n’uw ndaki aw.

Exodus 9:29

Me ga’ar Moses ngak, “Nap’an ni gu ra yan nga wuru’ e binaw, mu gu pug pa’ag ngalang nggu meybil ngak SOMOL. Me tal e dirra’, ma dabki mul e ayis nike el nga but’, ma aram e bay mu nang ni re fayleng ney e mmil suwon ngak SOMOL.

Efesus 3:14

Ireray fan ni gu ma ragbug u p’eowchen Got ni Chitamangiy,

Psalms 143:6

Gu be meybil ngom ni kug tining pa’ag ngalang; lanin’ug e ke balel ni be fineyem ni bod e but’ nike mlik’.

Psalms 141:2

Nge fel’ u wun’um e meybil rog ni bod e incense, nge pa’ag ni kug tining ngalang ni bod ba maligach ni blayal’.

Psalms 95:6

Mired, ngad siro’gad ngak ngad ted fan; marod ngad ragbuggad u p’eowchen SOMOL, ni ir e sunumegdad!

2 Kronicles 6:13

I Solomon e ngongliy bang i fang ko bronze nge tay nga lukngun fare yoror. Re gi fang nem e meruk e fit n’umngin nge radan ma lal e fit tolngin. Me yan Solomon nga daken fare gi fang me ragbug nga but’ ko gin nra guy e girdi’ ni gubin riy, me pug pa’ ngalang nruw raba’.)

Acts 21:5

Ma fa’ani taw nga nap’an ni nggu paged yad, ma gamad yan. Ma yad gubin, ni cheag e ppin rorad nge pifakrad ngorad ngar uned ngomad i yib nga wuru’ e re binaw nem. Ma gamad ragbug nga but’ u daken e yan’ u dap’el’ay ni gamad gubin nggu meybilgad.

Luke 22:41

Ma aram me yan rorad nga orel ni bod pal’afngin ba malang nnin’, me yan i ragbug nga but’ nge meybil.

Isaiah 1:15

“Gimed ra pug pa’med ngalang ngam meybilgad ngog ma dab gu sap ngomed. Demturug gelngin e meybil ni gimed ra tay ma dab gu telig ngomed, ya ba sug e racha’ u pa’med.

Daniel 10:2

I gag Daniel e dalip e wik ni gu par nrib kireban’ug.

Nehemiah 1:4

Fa’an gu rung’ag e pi thin ney mug par nga but’ ngu yor, ere ug yor ni in e rran; ma aram mugu pag e abich mugu meybil u p’eowchen Got nu tharmiy.