Ezra 9:15 - Bible Ni Thothup

¹⁵ SOMOL ni Got nu Israel, ri gab mat’aw, machane ka mu pag bochi gamad ke par nib fos. Gamad be weliy e kireb romad ngom; dariy mat’awmad ni nggu bad nga p’eowchem.”

Ezra 9:15 Referans Kwoze

Psalms 130:3

Fa’an mang e mu tay ngan’um e pi denen romad’, me mini’ e rayag rok ni nge thay ndab ni gechignag?

John 8:24

Aram fan ni fa’an kugog ngomed ni bay mm’ad u fithik’ e denen romed. Bay mm’ad u fithik’ e denen romed ni fa’anra dabi mich u wun’med ni ‘Gag E En Ni Gag’.”

Roma 3:19

Kad nanged e chiney ni urngin ban’en ni bay ko re Motochiyel nem e fan ngak e pi’in yad be par u tan e re Motochiyel nem, ni fan e ngan taleg urngin e tawey rok e girdi’ nge yag nni fek urngin e girdi’ nu fayleng nga tan e pufthin rok Got.

John 8:21

Me yog Jesus ngorad bayay ni ga’ar, “Bay gu wan, ma bay um gayed gag, machane bay mm’ad u fithik’ e denen romed. Dabiyag ni ngam marod ko gin ni nggu wan ngay.”

Roma 10:3

Ya dar nanged e re kanawo’ ni ir e ma mat’awnag Got e girdi’ riy ngak, ma kar guyed rogon ni ngar ngongliyed e birorad e kanawo’; ma aram e dar pi’ed yad ko birok’ Got e kanawo’ ni ir e ma mat’awnag Got e girdi’ riy ngak.

Daniel 9:14

Gur SOMOL ni Got romad e mpar ni kam fal’eg rogom ni ngam gechig nagmad, ma ga rin’, ya gubin ban’en ni ga ma rin’ e bmat’aw, ya gamad e da gu folgad ko tin mog.

Ezekiel 33:10

I SOMOL e non ngog. I ga’ar, “Fak e girdi’, mu weliy ngak e girdi’ nu Israel e n’en ni yad be yog ni be lungurad: Kadm’ad u tomalngin e denen rodad nge kireb ni kad ngongliyed. Be m’ay e ufin u dowdad ngabang. Uw rogon me yag nda pired ni gadad bfos?

Jeremiah 12:1

“SOMOL, fa’an gu ra tugthinnag e re pa’ i oloboch rog ney ngom, mra m’ug ni gur e ba sorom. Chiney e thingar gu fith ngom murung’agen e tin nib mat’aw. Mangfan ni pi’in kireb e ba yo’or ban’en rorad? Mangfan ni pi’in nde yul’yul’ e yad ba fla’ab?

Psalms 143:2

I gag e tapigpig rom, dab mu pufthin nigeg; dariy be’ nib machalbog u p’eowchem.

1 Korinth 15:17

Ma fa’anra de faseg Got Kristus ko yam’, me ere ke michan’med nga ban’en nde riyul’, ma aram e kigimed bay u fithik’ e denen romed ni da mmoyed rok Got.

Ezra 9:6

Me lungug, “Got, kagum’ ko tamra’ ni nggu pug owcheg ngalang u p’eowchem. Ya denen romad e ke tolang nga lolugenmad; ke tun ko tharmiy.

Psalms 76:7

Machane gur SOMOL, e go’ yibe rus ngom. Dariy be’ nrayag ni nge sak’iy u p’eowchem nnap’an ni gab damumuw.

Psalms 116:5

I SOMOL e ba wurngan’ ma bfel’; Got rodad e rib marnguy.

Psalms 119:137

SOMOL, gur e ga ba mat’aw, ma pi motochiyel rom e ba mat’aw.

Ezekiel 7:16

Bochi yad e bayi mil nga burey nike rus ni bod e arche’ ni dove ni kan og ngorad u loway. Yad gubin ni bay ur mongad ni bochan e denen rorad.

Levitikus 26:40

“Machane pi’in owchemed e bay ra puwofay niged e denen rorad nge denen rok e pi chitmangirad kakrom ni u ra gel niged lanin’rad mu’ur togopluwgad ngog,

Levitikus 26:41

mar k’aringed gag ngug cheal ngug togopluw ngorad nggu pi’rad ngar kalbusgad u lan e nam rok e pi to’ogor rorad. Mra tomur nike sobutan’rad ma kar gafgowgad u wenegan e denen rorad nge togopluw ni urted,

Joshua 22:15

Rabad ko fare binaw nu Gilead, ko girdi’ rok Ruben, nge Gad, nge ley ni Ngek e Manasseh,

Ezra 1:4

Fa’anra bay reb i girdi’en u reb e nam nib kalbus ni ba’adag ni nge sul, ma girdi’ ni yad bbuguliyoror e ngar pi’ed e re ayuw ni ba’aray ngak. Ngar pi’ed ngak e silber nge gol, nge chugum nge gamanman nma fek e chugum, nge tow’ath ni ngan pi’ u lan e Tempel rok Got u Jerusalem.”

Nehemiah 9:8

Mu nang ni be par nib yul’yul’ ngom, ma ga ngongliy ba m’ag u thilmew. Mmicheg ngak ni bay mpi’ e nam nu Kanaan ngak, ni nam rok e Hittite nge Amorite, nge nam rok e Perizzite, nge Jebusite, nge Girgashite nge par nib nam ni bayi par e pi’in ni owchen riy. Ma ga tay nga tagil’ e n’en ni mmicheg ngak, ya gab yul’yul’.