Ezra 9:14 - Bible Ni Thothup

¹⁴ Ere bu uw rogon ni gamad ra pag e pi motochiyel rom ney bayay ngkug mabgolgad ngak e pi girdi’ ni kireb ney? Fa’an gamad ra rin’, ma ri ga ra damumuw ngomad ngam thang owchamad ni gamad gubin ni dab mu pag be’ nib fos.

Ezra 9:14 Referans Kwoze

Deuteronomy 9:8

Ni mus ko fa ngiyal’nem ni gimed bay ko burey ni Sinai ni mu k’aringed e damumuw ngak SOMOL, nge chugur ni nge thang owchemed.

Ezra 9:2

Pi pumo’on ni Jew e yad be le’engiy e ppin nu boch e nam, ere girdi’ rok Got nib thothup e kar alit niged yad. Pi tayugang’ nge pi tolang e yad e tapi kenggin e re denen ney.

Deuteronomy 9:14

Dab mu guy rogon ni ngam talegeg, ya kug leamnag ni nggu thang owcherad nge dakriy be’ ni kuyad ra yib ngan’ bi’id. Ma bay gu tem ngam mang chitamngin ba nam nib ga’ ma dabi thilthil gelingrad.’

Roma 6:1

Ere mang e ngadogned? Nge lungudad e ngu’ud pired ni gadad be denen nge yag ni ga’ e runguy rok Got ngodad?

John 5:14

Ma fa’ani ta’aboch me pir’eg Jesus fare mo’on u lan e Tempel me ga’ar ngak, “Mu sap, chiney e kam gol ko liliy rom. Mpag e denen ni ga be rin’, ya ri yib ban’en ngom ni kab gel e gafgow riy.”

Judges 2:2

Ma thingar dab mu ngongliyed e m’ag u thilmed e girdi’ ni yad be par u daken e re nam ney. Thingar mu buthuged e pi altar rorad. Machane dawor mu rin’ed e tin gog ngomed. Ka mu rin’ed e tin ba togopluw ngay!

Numbers 16:45

“Mchuwgow u to’oben e pi girdi’ ney, ya nggu thang e pogofan rorad ni kachingiyal’ ney!” Miyow siro’ ngak SOMOL nge math peri’row nga but’,

Numbers 16:21

“Mpaloggow rok e pi girdi’ney, ya nggu thang e pogofan rorad e chiney.”

Exodus 32:10

Chiney, e dab mu guy rogon ni ngam taleggeg. Ya ku gu damumuw ngorad, ni arme nggu thang owcharad. Ma aram e bay gu gagiyeg nagem nge pi’in owchem ngar manged girdi’en reb e nam ni ba ga’.”

Ezekiel 6:8

“Bay gu pag bochiyad ngar thaygad ko riya’ miyad wear ko pi nam i yan,

Jeremiah 46:28

Bay gub ngomed nggu ayuwegmed. Bay gu thirif gubin e nam u but’ ko yungi n’en ni gu weregmed riy i yan, machane dab gu thang owchamed. Ma dab gu pagmed ngam marod ni dab ni gechig nagmed; machane gu ra gechig nagmed, mab mat’aw rogon ni gu ra rin’. I Gag SOMOL e kugog e pi thin ney.”

Isaiah 1:9

Fa’an mang e de pag SOMOL ni Gubin ma Rayag Rok in e girdi’ riy ngar pired ndar m’ad, ma kem’ay i kirebnag e binaw nu Jerusalem ni ga’ngin, nri bod rogon yu Sodom ngu Gomorrah.

Ezra 9:8

SOMOL ni Got romad, chingiyal’ney e kam fel’egmad u lanin’um ka mu pag boch i gamad kar thaygad ko sib yad be par ko gin’ey nib thothup ni dabi buch ban’en rorad. Gur e ka mu pagmad ku gu thaygad ko sib ka mu pi’ reb e yafos ngomad nib be’ech.

Exodus 23:32

Dab mu fal’eged e tha’ u thilmed nge pi girdi’ nem ara pi got rorad.

Ezra 10:10

Me sak’iy Ezra ni prist ngalang nge non ngorad. I ga’ar, “Gimed e ka mu th’abed e motochiyel rok Got ka mu girngiyed e kireb nga daken yu Israel ni ga’ngin ko mabgol ni ka mu ted e ppin nu bang!

Nehemiah 13:18

Ri irera’ fan ni gechignag Got e pi ga’ romed kakrom nnap’an nni fek e riya’ i yib ngalan e re binaw ney. Ma ke chiney maki gimed be suruy nangki fek Got boch e damumuw rok nga daken yu Israel ni bochane gimed be alitnag e Sabbath.”

Jeremiah 44:9

Kam paged talin urngin e pin’en nib kireb ni ngongoliy e pi chitamangimed u lan fa yochi binaw nu Judah ngu daken e yupa’ i kanawo’ u Jerusalem, ku ta’reb i ta’ ko pilung nu Judah nge ppin rorad, nge gimed nge pi leengimed?