Ezra 9:12 - Bible Ni Thothup

¹² Rogned ngomad ndariy e ngiyal’ ni nggu mabgolgad ngak e pi girdi’ nem ma dariy e ngiyal’ ni nggu aywegedrad nge fel’ rogorad ara rman’oggad ni fa’anra gamad ba’adag ni ngu’ug pired nib felfelan’mad u lan fare nam, me par nge mang gayog rok e pi’in owchemad ni dariy n’umngin nap’an.

Ezra 9:12 Referans Kwoze

Deuteronomy 7:3

Dab mu mabgolgad ngorad; dab mu pi’ed pifakmed ngak pi fakrad ngar mabgolgad,

Deuteronomy 23:6

N’umngin nap’an ni gimed be par ni gimed reb e nam, ma rdariy bangiyal’ ni ngam pi’ed e ayuw ngak e gali nam ney ara mu rin’en ban’en ni nge fel’ rogorad riy.

Proverbs 13:22

Girdi’ nib manigil e ra pi’ e gayog rok nga pa’ pifak e pi’in pifak, machane gayog rok e pi tadenen e ra yan ngak e pi’in nib mat’aw.

Isaiah 1:19

Fa’an gimed ra fol rog, ma gimed ra kay e pin’en ni bfel’ ni be tugul ko nam romed.

Proverbs 20:7

Bitir e bfel’ wa’athrad ni fa’anra chitamangirad e be’ nib yul’yul’ ma tin mat’aw e ma rin’.

Ezra 9:2

Pi pumo’on ni Jew e yad be le’engiy e ppin nu boch e nam, ere girdi’ rok Got nib thothup e kar alit niged yad. Pi tayugang’ nge pi tolang e yad e tapi kenggin e re denen ney.

Exodus 23:32

Dab mu fal’eged e tha’ u thilmed nge pi girdi’ nem ara pi got rorad.

2 Kronicles 19:2

Me Jehu ni profet nib mo’on ni fak Hanani e yan i mada’nag fare pilung me ga’ar ngak, “Ga be leamnag ma bmat’aw ni ngan ayuweg e pi’in ba kireb min fol ngak e pi’in ni dubrad SOMOL? N’en ni ka mu rin’ e ke girengiy e damumuw rok SOMOL nga dakenam.

Deuteronomy 23:7

“Dab mu dabuyed e pi Edomite; ya gimed girdi’. Ma dab mu dabuyed e pi Egyptian; ya immoy bangiyal’ ni um pired u daken e but’ rorad.

1 Kronicles 28:8

“Ere gimed e pi girdi’ rog, chiney u p’eowchen e Got rodad nge re ulung ney ni ga’ngin yu Israel, ni girdi’en SOMOL, gu be teg ngomed ni ngrim folgad u gubin ban’en nike yog SOMOL ni Got rodad, ya nge yag ni ngkum pired u daken e re nam ney nib manigil me yag ni mpi’ed nga pa’ e tin bay feni yib e mfen ndariy n’umngin nap’an.”