Ezra 9:1 - Bible Ni Thothup

¹ Nga tomuren ni go’ kan rin’ urngin e pin’ey, me yib boch fapi tayugang’ rok e girdi’ nu Israel rogned ngog ni girdi’, nge prist, nge pi Levite e de yag nra ki’egged yad nga orel rok e girdi’ ko pi nam ni yad ba chuchugur ngorad ni aram yu Ammon, Moab, ngu Egypt ara rok e pi Kanaanite, Hittite, Perizzite, Jebusite, nge pi Amorite. Yad be rin’ e pin’en nib sonogor nma rin’ e pi girdi’ ney.

Ezra 9:1 Referans Kwoze

Nehemiah 9:2

Miyad chuw u fithik’ girdi’en yugu boch e nam ngar pired nga bang ni go’ yad. Miyad sak’iy ngar puwofay niged e denen rorad nge denen rok e pi chitamangirad ni kakrom.

Exodus 33:16

Ra di’in me nang be’ ni bfel’ u wun’um e girdi’ rom nge gag ni fa’anra dab mu un ngomad ngdarod? Ra gabay romad mra gagyelnag ni gamad ba thil ko girdi’ nu fayleng.”

Jeremiah 26:16

Pi’in yad be yog e thin nge girdi’ e lungurad ngak e pi prist nge pi profet, “Re mo’on ney e dab ni duwgiliy ni ngan li’ ngem’, ni bochan e ke welthin ngodad u fithingan SOMOL ni ir e Got rodad.”

Jeremiah 26:10

Fa’ani rung’ag e pi’in yad ma yog e thin u Judah e n’en ni kan rin’, miyad yan u tafen e en ni pilung ngranod ra pired nga tagil’rad u langan e garog ko Tempel ni Garog ni Be’ech fithingan.

Isaiah 52:11

Gimed urngin e pi’in gimed be fek mam’en e Tempel, mu chuwgad u Babylon ni ka chingiyal’ ney! Dab mmathgad nga ban’en nike yog e motochiyel ndab mmathgad ngay; mu ted gimed ni gimed ba thothup mi gimed chuw u lan e re binaw nir.

Psalms 106:35

ma aram mu ur mabgolgad girdi’en fapi nam miyad un nga yalrad.

Nehemiah 4:3

Mi Tobiah ni ba Ammonite e ba sak’iy u to’oben me ga’ar, “Be mang mit i yoror e ngar ubunged? Ya mus nga ba gamanman ni fox nra aw ngay me puth!”

Ezra 10:8

nike yog e tayugang’ rok e pi girdi’ nem. Fa’anra yan dalip e rran ndawori m’ug be’, ma gubin e pin’en nib milfan ngak e go’ yira fek rok, ma yira fek rok mat’wun ni be par ni ir reb i girdi’en fare ulung.

2 Kronicles 33:2

Me denen Manasseh nib togopluw ngak SOMOL ya i rin’ e tin sonogor ni i rin’ e pi nam ni tulufrad SOMOL nga wuru’ fare nam nnap’an ni be yib e girdi’ rok i yib.

1 Kings 11:1

Solomon e ba’adag bo’or e ppin u boch e nam. Miki le’engiy e ppin nu Hittite, Moab, Ammon, Edom, ngu Sidon, ni aram rogon ni kabay fare bpin ni fak e pilung nu Egypt ni le’engin.

Deuteronomy 18:9

“Nap’an ni gimed ra thap ngalan fare nam ni nge pi’ SOMOL ni Got romed ngomed, ma dab mu’uned ko ngongol ni sonogor nma rin’ girdi’en fapi nam ni yad bay u rom.

Numbers 23:9

Kug par u p’ebugul e war kug guyrad; kug par u daken e burey kug yaliyrad. Yad girdi’en ba nam ni yad be par ni go’ yad; yad manang nike fal’eg Got wa’athrad nib thil nga yugu boch e nam.

Levitikus 18:3

Thingar dab mu’uned ko tin ma rin’ e girdi’ nu Egypt ko gin ni um pired riy kafram, ara tin nma rin’ e girdi’ nu Kanaan ni fare nam ni gu be fekmed i yan ngay.

Exodus 23:23

Angel rog e bay i m’on romed nge fekmed i yan ngalan e nam rok piyu Amor, Hitt, Periz, Kanaan, Hiv, nge yu Jebus, ma bay gu thirif girdi’en e pi nam ney u but’.

Exodus 13:5

Kri micheg SOMOL ngak e pi chitamangimed ni kakrom nra pi’ ngomed e binaw rok piyu Kanaan, Hitt, Amor, Hiv nge piyu Jebus. Nap’an e ra fekmed SOMOL i yan ngalan fare binaw nib madnom mab yung’ol but’an, ma thingar um madnom niged e re rran ney u lan e bin som’on e pul ko yu duw.

Genesis 15:16

Aningeg e mfen nra yan mfini sul e pi’in owchem ngaray, bay gu tuluf e pi girdi’ ni ba’aray ni kanog e Amorite ngorad ngar chuwgad ko ngiyal’ ni kar pired ni kari gel e kireb rorad ni dabisiy ni ngan gechig nagrad.”

Nehemiah 4:7

Ma faani rung’ag Sanballat nge Tobiah, nge girdi’ nu Arabia, nge yu Ammon, nge yu Ashdod nike yan e maruwel romad ni bfel’ rogon ma yu yang ndawori peth e yoror riy e yibe muruwliy ni nge peth, me ri gel e damumuw rorad.

Nehemiah 13:23

Ngiyal’ nem e kug pir’eg ni bo’or e pumo’on nu Israel ni kar le’engiyed e ppin nu Ashdod, Ammon, ngu Moab.

Malaki 2:11

Girdi’ nu Judah e kar th’abed e n’en nra micheged ngak Got kar ngongliyed ban’en nrib kireb u lan yu Jerusalem nge ga’ngin fare nam. Kar ta’ay niged fare Tempel nrib t’uf rok SOMOL. Pumo’on e kar le’engiyed e ppin ni yad ma meybil ngak yugu boch e got.

Numbers 25:6

Ma bay be’ nib mo’on nu Israel ni fek be’ ni bpin nu Midian nga langgin e Tent rok u p’eowchen Moses nge gubin fapi girdi’, ko ngiyal’ ni ba’aram ni yad be siro’ u fithik’ e meyor u langan e mab ko fare Tent u p’eowchen SOMOL.

Deuteronomy 7:1

“SOMOL ni Got romed e bayi fekmed i yan ngalan fare nam ni ngam pired riy, me tuluf bo’or e nam ni bay riy ngar chuwgad u lan fare nam ni aram e pi Hittite, Girgashite, Amorite, Kanaanite, Perizzite, Hivite, nge pi Jebusite, ni medlip i nam ni yad ba ga’ ma yad ba gel ngomed.

Deuteronomy 23:8

Pi’in owcharad e rayag ni ngar manged boch girdi’en SOMOL ko bin dalip e mfen i yan ngaram.

Joshua 23:12

Fa’anra dab mu yul’yul’gad mi gimed un nga pangin e girdi’ ko pi nam ni yad be par u fithik’med mi gimed m’ag e mabgol ngorad,

2 Kronicles 8:7

Pi’in nra magachgad ko girdi’ nu Hit, Amor, Periz, Hiv nge Jebus ni gathiyad piyu Israel nde thang piyu Israel e pogofan rorad aram ko somm’on,

Ezra 10:2

Ma aram me ga’ar Shekaniah nib mo’on ni fak Jehiel ni be’ ko fare ke girdi’ rok Elam ngak Ezra, “Da kug folgad rok Got kug le’engiyed e pi ppin ney nu bang. Machane yug aray rogon ma kabay e lagan’ rok yu Israel.