Ezra 8:35 - Bible Ni Thothup

³⁵ Gubin e kalbus ni karsulod u bang e rafeked e maligach rorad i yib ni ngan urfiy ngan pi’ ngak fare Got nu Israel. Ra pi’ed ni maligach ragag nge l’agruw e garbaw ni pumo’on ni fan ngak ga’ngin yu Israel, nge mereb i ragag nge nel’ e saf ni pumo’on, nge medlip i ragag nge medlip e pifak e saf; mu kura pi’ed ragag nge l’agruw e kaming ni nge be’ech nagrad ko denen. Gubin e pi gamanman ney ma ni urfiy ni maligach ngak SOMOL.

Ezra 8:35 Referans Kwoze

Ezra 6:17

Ma 100 e garbaw ni pumo’on, ma 200 e saf ni pumo’on, ma 400 e pifak e saf nra pi’ed ni maligach ngak Got ni fan ko re Tempel nem ni kar pi’ed nga pa’, miyad pi’ ragag nge l’agruw e kaming ni maligach ni fan ko denen, nra reb ma pa’ reb fapi ganong nu Israel.

Ezra 2:1

Ba yo’or e kalbus nra chuwgad u Babylon ngar sulod nga Jerusalem ngu Judah, ra be’ me sul ko re binaw ni be’ riy. Pi cha’ney nge chon e tabnaw rorad e ur kalbusgad u lan yu Babylon ni ka nap’an Nebukadnezzar ni Pilung me fekrad ni kalbus i yan ngaram.

Ezra 8:34

Gubin e pin’ey min the’eg ngan thabthabelnag, ma yigo’ ni yoloy nga babyor ni gubin ko ngiyal’nem.