Ezra 8:28 - Bible Ni Thothup

²⁸ Me lungung ko fapi prist, “Gimed ba tabgul ni fan ngak SOMOL, ni fare Got rok e pi chitamangimed kakrom, ma ku arita’ e silber nge gol nge fapi tatalin e maruwel ni bogi maligach ni girdi’ e leam rorad ni ngar pi’ed ngak SOMOL.

Ezra 8:28 Referans Kwoze

Isaiah 52:11

Gimed urngin e pi’in gimed be fek mam’en e Tempel, mu chuwgad u Babylon ni ka chingiyal’ ney! Dab mmathgad nga ban’en nike yog e motochiyel ndab mmathgad ngay; mu ted gimed ni gimed ba thothup mi gimed chuw u lan e re binaw nir.

2 Kronicles 24:14

Nap’an nmu’ i ngongliy e yungin ke kireb, ma tin ni aw e gol nge silber e ni pi’ ngak fare pilung nge Jehoyada, min ngongliy yochi dabiy riy nge ku boch ban’en ni mam’en fare Tempel. N’umngin nap’an nib fos Jehoyada, ma un pi’ e maligach u Tempel ni gubin ngiyal’.

1 Kronicles 23:28

min pi’ e tin ni ba’aray e maruwel ngorad: ni ngar ayuweged e fapi prist ni pi’in owchen Aron ko liyor u Tempel, ma ngu’ur ayuweged lan fapi yoror nge pi senggil riy, ma ngu’ur ted gubin e tin nde ta’ay ngi i par nib tabgul,

Deuteronomy 33:8

Me yog murung’agen e ganong rok Levi ni ga’ar: “SOMOL, mu dag e tin nib m’agan’um ngay u daken Levi. Yad e girdi’ rom nib yul’yul’; mu sikeng nagrad faram u Massah, ma ga nangrad ko fapi alublub nu Meribah ni yad ba yul’yul’.

Exodus 35:29

Gubin e girdi’ nu Israel ni ppin nge pumo’on nib magan’rad ngay e yi go’ ra feked ban’en i yib ni fan ko fare maruwel nike yog SOMOL ngak Moses ni ngan rin’.

1 Kronicles 26:20

Ma boch i yad fapi Levi e ba milfan e machaf u Tempel ngorad nge pi senggil ni yima cha’riy e pi tow’ath ni kan ognag ngak Got riy.