Ezra 8:25 - Bible Ni Thothup

²⁵ Ma aram mug thabthabelnag fapi silber, gol, nge fapi tatalin e maruwel ni pi’ fare pilung, nge pi’in yad ma puruy’ nge pi tayugang’, nge girdi’ nu Israel ni ngan fanay u langgin fare Tempel, nggu pi’ ngak fapi prist.

Ezra 8:25 Referans Kwoze

Ezra 8:33

Ma aram me yan i aningeg fen ma gamad yan ko fare Tempel, nggu thabthabel niged fapi silber, gol, nge pi tatalin e maruwel, nggu pi’ed ngak Meremoth ni fare prist, nib mo’on ni fak Uriah. Ma pi’in yad bay rok e Eleazar nib mo’on ni fak Finehas nge l’agruw i Levite ni Jozabad nib mo’on ni fak Jeshua nge Noadiah nib mo’on ni fak Binnui.

Ezra 1:8

I pi’ ngak Mithredath, ni ga’ ko tachubgil salpiy rok e pilung, ni ir e the’eg ni fan ngak Sheshbazzar, ni fare governor nu Judah,

Filippi 4:8

Pi walageg ni girdi’en Kristus, n’en ni nggog ngomed u tungun e re gi babyor ney e ngam suguyed lanin’med ko fapi n’en ni bfel’, ni yira yog e fel’ ngay: ni n’en nriyul’, nge n’en nib yal’uw, ma bmat’aw, ma bmachalbog, ma bmanigil, nge tin ndariy thibngin.

Ezra 2:69

Gubin e tin nrayag rorad ni ngar pi’ed ma yi go’ ra pi’ed kore marwelney, gubin e tin nra pi’ed u gubin e yan i mada’ ko 1,030 e pawn e gol, nge 5,740 e pawn e silber, nge 100 e mad nib n’uw ni madan e prist.