Ezra 8:21 - Bible Ni Thothup

²¹ U rom u to’oben fare Lul’ ni Ahava mu gog ngomad ni gamad gubin ni go’ nggu paged e abich magmad sobut’ nagmad u owchen Got magmad ning ngak ni nge pow’iymad ko milekag romad me ayuwegmad nge pifakmad nge urngin e tiromad ban’en.

Ezra 8:21 Referans Kwoze

2 Kronicles 20:3

Me rus Jehoshafat me meybil ngak SOMOL ni nge pow’iy. Ma aram me yog ni ngan pag e abich ngan meybil u lan fare nam ni ga’ngin.

Joel 1:14

Mu reged e thin ni ngan pag e abich; mi gimed pining e mu’ulung, mu kunuyed e pi’in yad be yog e thin nge urngin e girdi’ nu Judah ngalan e Tempel rok SOMOL ni ir e Got romed, mi gimed yor ngak.

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

1 Samuel 7:6

Aram miyad mu’ulung nga Mizpah ni yad gubin. Miyad l’ing e ran ngar pu’oged nga but’ nib maligach ngak SOMOL, miyad pag e abich u lan e binem e rran ni polo’. Me lungurad, “Kad denengad nib togopluw ngak SOMOL.” U rom u Mizpah e aram e gin ni pithig Samuel e oloboch u puluwon e girdi’ nu Israel riy.

Jonah 3:5

Me mich Got u wan’ e girdi’ nu Nineveh; miyad turguy ni gubin e girdi’ ni ngar paged e abich, ma urngin e girdi’ ni mus rok e en nth’abi tolang nge mada’ ngak e en nib th’abi sobut’, ni nga ron’ed e tutuw ni mad, ya ngar daged ni karkal gad ngan’rad kar pi’ed keru’rad ko kireb.

Levitikus 16:29

Pi gafal ney e nge par ni ngu’un fol riy i yan ngaram. Rofen ni ragag ko pul ni medlip e urngin yu Israel nge girdi’en yug boch e nam ni be par u fithik’rad e thingar ra paged e abich ma dab ra marwelgad.

Levitikus 23:29

En nra kay ban’en e rofen nem e dab kun tay ni ir reb e girdi’ rok Got.

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Psalms 5:8

SOMOL, ba yo’or e pi to’ogor rog mu pow’iyeg ko n’en ni ga be finey; ma ga gagyalnag ngog e kanawo’ rom ni nggu lek.

Ezra 8:15

Mug kunuy fare ulung ni ga’ngin nga to’oben fare lul’ ni yan ko fachi binaw nu Ahava, nggu pired u rom ni dalip e rran. Mug pir’eg ni bay e prist u lan fare ulung machane dariy reb e Levi.

Jeremiah 10:23

SOMOL, gu manang ni dariy bagmad ni ir e ga’ ko gin nge sor e yafos rok ngay; dariy be’ ni bay gafan e yafos rok u pa’.

Isaiah 58:5

Ngiyal’ ni gimed ra pag e abich ma kam gafgow niged gimed, mi gimed par ni kam t’ared e nguro’ u belel’ugunmed ni bod ba gaf i pan, mi gimed filath e tutuw nga but’ ngam wereged e awat nga daken ngam molod nga fithik’. Gur ireyer e n’en ni kamogned e pag e abich ngay? Mogned, gimed be finey ma bfel’ u wun’ug e binir e pa’?

Isaiah 58:3

Girdi’ e fith ni ga’ar, “Mang ni ngad paged e abich ni SOMOL ma dar guy? Mangfan ni dab kud ked ban’en ndar yaliy e n’en ni gadad be rin’?” Be ga’ar SOMOL ngorad, “Bin riyul’, e nap’an ni gimed ra pag e abich, ma tin gimed ba’adag e ir e gimed be leamnag, mi gimed gafgownag e pi’in yad be maruwel romed.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Proverbs 3:6

Ngu’um leamnag SOMOL u fithik’ urngin ban’en ni ga be rin’, me dag ngom e bin mat’aw e kanawo’.

Judges 20:26

Ma aram me yan gubin e girdi’ nu Israel nga talang nga Bethel ngu’ur yorgad. Miyad par nga but’ u rom u p’eowchen SOMOL ni dar ked ban’en nge blayal’. Miyad pi’ e pi maligach nma gapaseg thilin Got nge girdi’ miyad urfiy boch e gamanman ni maligach ni kab polo’ u p’eowchen SOMOL.

Levitikus 16:31

Rofen nem e nge par ni reb e rran nrib thothup ni nge pag e girdi’ e abich ma dab ra maruwelgad. Pi gafal ney e nge par riy ni aray rogon e chiney i yan ngaram.

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Psalms 8:2

sorok ni be pining e pi bitir nge pi madway ngom. Ir e mu maruwel ngay nge mang yoror rom ko pi to’ogor rom, ma ir e nge taleg e pi to’ogor rom nge pi’in ke sap lanin’rad ngom.

Ezra 8:31

Rofen ni ragag nge l’agruw ko bin m’on e pul e gu chuwgad ko fare lul’ ni Ahava nggu warod nga Jerusalem. Got romad e un ngomad ngi i yororiymad ko cham nge gafgow ni be yibnag e pi to’ogor romad ngomad nap’an ni gamad be milekag.

Numbers 14:31

Ka mogned ni yira kol pifakmed u fithik’ e mael nga ni fekrad, machane bay gu fekrad i yan ngalan fare nam ni kam pi’ed keru’med ngay, ma bayi mang taferad.

Numbers 14:3

Mangfan ni nge fekdad SOMOL i yan ngalan e re nam nem? Ya yira li’dad u fithik’ e mael, min fek pi le’engidad nge pi fakdad. Gathi kabfel’ ni gadad ra sul nga Egypt?”

Jonah 3:7

Me pi’ e thin nge yan ngak e girdi’ nu Nineveh ni be ga’ar, “Re thin ney e bbugithin nike yib rok e en ni pilung nge pi tolang rok. Dariy be’ ni ngki kay ban’en; urngin e girdi’ nge garbaw nge saf e dab kur ked ban’en ara ra garbod gad.

2 Kronicles 20:4

Ma gubin e binaw nu Judah ma go’ gurnag e girdi’ yad riy nga Jerusalem ni ngar weniggad ngak SOMOL nge pow’iyrad,

Nehemiah 9:1

Rofen ni reliw’ nge aningeg fen ko re pul i n’em, me mu’ulung yu Israel ngar paged e abich ni aram e yad be dag gelngin e kireban’ rorad ko denen rorad, ni kar chuwgad ko mad ni tutuw ma kar ted e fiyath nga fithik’ i lolugrad ni pow nike kolngan’rad.

Ester 4:16

“Mman ngam pining gubin e Jew nu lan yu Susa nga ta’bang; mi gimed pag e abich ngam meybil nigedgag. Dab mu ked fa mu unumed ban’en ni dalip e rran nge dalip e nep’. Pi tapigpig rog ni ppin nge gag e ku bay gu rin’ed ni aray rogon. Ma nga tomuren e bay gu wan ngak fare pilung, ni yugu aram rogon ni ba togopluw ko motochiyel. Fa’anra thingar gum’ ni bochan e ren’ey ni kug rin’, me ere kefel’ nggum’.”

Psalms 5:9

N’en ni be yog e pi to’ogor rog e dabyag i pagan’uy ngay; kemus ni ban’en ni ngan gathay e yad ba’adag. Bfel’ nifngin e thin rorad ma ba sumnguy, machane basug ko yub.

Psalms 137:1

Nap’an ni yib yu Zion nga lanin’mad ma gamad par nga but’ u to’oben e yu pa’ i lul’ nu Babylon ngu’ug yorgad.

Jeremiah 42:3

Mu meybil ni SOMOL ni Got rodad e nge dag ngomad e re kanawo’ ni nggu warod riy nge mang e nggu rin’ed.”

Daniel 9:3

Mu gu par ngu’ug meybil ngak SOMOL ni Got, ni gu be wenig ngak, ma ku gu pag e abich, ma ku gon’ e mad ni tutuw, ku gu wan gu par nga fithik’ e awat.