Ezra 7:7 - Bible Ni Thothup

⁷ Yad boch e girdi’ nu Israel, nge prist nge pi Levite, nge girdi’en e tang, nge girdi’ ni ngi i matanag ko garog, nge girdi’en e pigpig u Tempel e ranod riy nga Jerusalem, ko bin medlip e duw nap’an nike pilung Artaxerxes.

Ezra 7:7 Referans Kwoze

Nehemiah 10:28

Gadad e girdi’ nu Israel, ni prist, Levite, tamatnag u Tempel, girdi’en e musik u Tempel, girdi’en e maruwel u Tempel, nge gubin e girdi’ nma fol ko Motochiyel rok Got e ngad ki’egeg gadad rok e girdi’ nu bang ni yad ma par u daken e but’ rodad, gadad nge le’engdad nge gubin pifakdad ni ka ra ilalgad ni karnanged fan ban’en,

Nehemiah 2:1

Reb e rran ko fa aningeg i pul nike thumur, nap’an ni be abich Artaxerxes ni Pilung, mu gu fek e wayin i yib ngak. Ma dawori guyeg ba ngiyal’ nib kireban’ug,

Ezra 7:24

Thingar dab mu feked e tax u pa’ e pi prist, nge pi Levi, nge girdi’en e musik nu Tempel, nge pi matanag, nge girdi’en e maruwel, nge yugu reb e tapigpig ko Tempel.

Ezra 6:14

Pi’in yad ma yog e thin e pi Jew e ra tababgad i toy fare Tempel me yan e maruwel riy ni bfel’ rogon, ma thin ni yi’iynag Haggai nge Zekariah e i pi’ e athamgil nga lanin’rad. Miyad mu’nag fare Tempel ni bod rogon ni yog fare Got nu Israel ngorad, nge Cyrus, nge Darius, nge Artaxerxes ni Pilung nu Persia.

Ezra 7:8

Ra chuwgad u Babylonia ko re rran ni som’on ko bin m’on e pul, me ayuwegrad Got ngar tawgad nga Jerusalem ko bin som’on e rran ko pul ni lal.

Nehemiah 12:1

Pi girdi’ ni ba’aray fithing’rad e bogi prist nge Levite ni ur kalbusgad nra sulod ni karu’ned ngak Zerubbabel nib mo’on ni fak Shealtiel nge Joshua ni ir fare Prist ni Th’abi Ga’: Serayah, Jeremiah, Ezra,

Nehemiah 1:1

Thin rok Nehemiah nib mo’on ni fak Hakaliah. U lan fare pul ni Kislev ko duw ni reliw’, ngiyal’nem e gu bay u Susa ni aram e tochuch.