Ezra 7:28 - Bible Ni Thothup

²⁸ Got e ke ayuwegneg kug fel’ u wan’ fare pilung nge pi’in yad ma puruy’ e en ni pilung, nge urngin e pi tolang ni yad bay u tan pa’. I Got e ke pi’ e athamgil nga lanin’ug ke yag rog ni gu teg ngak pire’ e pi ga’ ko ganong nu Israel ni ngar uned ngog nggu sulod nga Israel.”

Ezra 7:28 Referans Kwoze

Ezra 9:9

Ugmed ni gamad e sib, machane dam digeymad ngu’ug pired ni gamad e sib. Ya mu gagiyegnag e pi pilung nu Persia nggu fel’gad u wan’rad miyad pi’ mat’awmad nggu toyed bayay fare Tempel rom, ni immoy nike mogothgoth, mu gu pir’eged e gapas u roy u Judah ngu Jerusalem.

Nehemiah 2:8

Mu ku gu wenig ngak ni nge pi’ bang e babyor ngog ni nggu pi’ ngak Asaf, ni ir e be guy fapi gek’iy ni fi’in e en ni pilung, ni nge yog ngak u babyor ni nge pi’ e ren ngog ni nga ni fanay ko pi garog ko fare naun ni ka ni yororiy ni fan ko mael ni tafen e salthaw ni matanagen e Tempel, nge ren ni ngan fanay ko yoror ko binaw, nge naun ni nggu par riy. Me pi’ pilung ngog urngin e pin’en ni gu wenignag ngak, ni bochan e ba’ Got rog.

Ezra 8:18

Mu daken e runguy rok Got e ra pi’ed i Sherebiah ngomad, nib mo’on nib salap ko maruwel, ni reb e Levite ni be’ ko fare ke girdi’ rok Mahli; ma ragag nge meruk e pumo’on nra uned ngak ni pifak nge puwalagen.

Ezra 5:5

Machane Got e be guy fapi tayugang’ ko Jew, ma fapi tolang nu Persia e ra leam niged ni dab rrin’ed ban’en nge taw ko ngiyal’ nrayag ni ngar yolgad ngak Darius ni Emperor nge fulweg bbug i thin ngorad.

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Jonah 3:7

Me pi’ e thin nge yan ngak e girdi’ nu Nineveh ni be ga’ar, “Re thin ney e bbugithin nike yib rok e en ni pilung nge pi tolang rok. Dariy be’ ni ngki kay ban’en; urngin e girdi’ nge garbaw nge saf e dab kur ked ban’en ara ra garbod gad.

Nehemiah 1:11

Mu telim ko meybil rog nge meybil rok urngin e tin ni kabay e tapigpig rom ni yad ba’adag ni ngu’ur ted fam. Mu man’og nigeg e daba’, ma ga gagiyegnag e en ni pilung nge runguyeg.” Ngiyal’nem e gag e ba milfan e wayin ko en pilung ngog.

Ezra 7:14

I gag nge fa medlip i girdi’ ni gamad ma puruy’ e nggu l’oeged gur ngam man nga Jerusalem nge nga Judah ngam guy ko yibe ngongol riy nrogon ni bay ko Motochiyel ko Got rom fa dangay, ni fare Motochiyel ni gur e bay u pa’am.

Ezra 7:6

Ezra e chuw u Babylonia. Cha’ ney e be’ nib tamilangan’ ko fare Motochiyel ni SOMOL ni fare Got rok yu Israel e pi’ ngak Moses. Gubin ban’en ni i ning Ezra ngak fare pilung mi i pi’ ngak, ni bochan e fel’eg wa’ath rok SOMOL ni Got rok ngak.

Genesis 43:14

I Got ni Gubin ma Rayag Rok e nge gagiyegnag e re mo’on nem nge runguymed, nge yag ni pi’ ngomed fa binem i walagmed me pag Benjamin nge un ngomed ko sul. Me gag, e fa’anra thangri thay e bitir rog u pa’ag, me ere nge thay.”

Ezra 8:1

Irera’ fithingan e pi’in lolgen e yuke girdi’ ni urmed ni yad ba kalbus u lan yu Babylonia mar sulod ni yad Ezra nga Jerusalem ko ngiyal’ ni Artaxerxes e pilung:

Psalms 109:12

Mang e yigi par ni dariy be’ nra gol ngak ara ayuweg pifak ko ngiyal’ nike yim’ rorad.

Ezra 8:15

Mug kunuy fare ulung ni ga’ngin nga to’oben fare lul’ ni yan ko fachi binaw nu Ahava, nggu pired u rom ni dalip e rran. Mug pir’eg ni bay e prist u lan fare ulung machane dariy reb e Levi.