Ezra 7:16 - Bible Ni Thothup

¹⁶ Ma ngkum fek urngin e silber nge gol ni bay mu kunuy u pa’ e girdi’ ko nug nu Babylon nge pin’en ni bayi pi’ piyu Israel nge pi prist rorad ni fan ko fare Tempel rok e Got rorad ni bay u Jerusalem.

Ezra 7:16 Referans Kwoze

1 Kronicles 29:6

Ma aram e pi’in lolgen e yuke girdi’, nge pi tayugang’ ko pi ganong, nge pi tolang ko fa raba’ i salthaw, nge pi’in ma tay murung’agen gubin ban’en nib milfan ngak e en pilung nrogned ni ngar pi’ed

Ezra 1:6

Urngin e pi’in yad bbuguliyoror e ra ayuwegedrad ngar pi’ed bo’or ban’en ngorad: boch ban’en nni ngongliy ko silber nge gol, nge chugum, nge gamanman nma fek e chugum, nge ku boch ban’en nib tolang puluwon, nge tow’ath ni ngar pi’ed ngak SOMOL u Tempel.

Ezra 1:4

Fa’anra bay reb i girdi’en u reb e nam nib kalbus ni ba’adag ni nge sul, ma girdi’ ni yad bbuguliyoror e ngar pi’ed e re ayuw ni ba’aray ngak. Ngar pi’ed ngak e silber nge gol, nge chugum nge gamanman nma fek e chugum, nge tow’ath ni ngan pi’ u lan e Tempel rok Got u Jerusalem.”

1 Kronicles 29:9

I pi’ e girdi’ e pin’ey ngak SOMOL nrib m’agan’rad ngay, ma ri yad ba felfelan’ ngay ni bo’or ban’en ni kan pi’. Me David ni Pilung e riki felfelan’ nib gel.

2 Korinth 9:7

Ere ra be’ ma nge pi’ ban’en nrogon ni ir e ke duwgiliy u laniyan’, ni dabi kireban’ ngay nike pi’ fa reb e finey ni ban’en nthingari rin’; yi Got e ba t’uf rok e en nma pi’ ban’en u fithik’ e felfelan’.

2 Korinth 8:12

Ya fa’anra ba pasigan’med ngay ni ngam pi’ed ban’en, mra fek Got e tin ni kam pi’ed nib tow’ath nrogon e tin nrayag ni ngam pi’ed, ma gathi tin ndariy romed.

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

2 Kronicles 6:2

Are chiney e ku gu ngongliy ba tempel nib rir ni fan ngom, bangi ban’en ni ngam par riy ni manemus.”

2 Kronicles 6:5

‘Nap’an fa ngiyal’ ni gu fek e girdi’ rog nga wuru’ yu Egypt ke mada’ ko chiney, ma da gu mel’eg reb e binaw u lan e nam nu Israel ni aram e gin ngan toy ba tempel ngay ngu’un liyor ngog riy, ma dagu duwgiliy be’ ni ngi i gafaliy piyu Israel ni girdi’ rog.

2 Kronicles 6:6

Machane chiney e ku gu mel’eg yu Jerusalem ni aram e gin ngu’un liyor ngog riy, me gur David e ngu’um gagiyegnag e girdi’ rog.’”

2 Kronicles 31:14

Kore nib mo’on ni fak Imnah ni reb e girdi’ nib Levite ni ir e ba tolang ko pi tamatnag ko fare Garog ni Ngek ko fare Tempel, ma ku ir e ba milfan ngak e pi tow’ath ni yibe pi’ ngak SOMOL nge tin nge wereg ko pi prist nge pi Levite.

Psalms 135:21

Ngan pininged e sorok ngak SOMOL u lan yu Zion, ngu lan yu Jerusalem, ni tafen. Ke sorok SOMOL!