Ezra 6:22 - Bible Ni Thothup

²² Medlip e rran nra madnom niged u fithik’ e felfelan’ fare Madnom ko Flowa Ndariy e Is Riy. Ba ga’ e felfelan’ nra ted ni bochan e ke pingeg SOMOL laniyan’ fare pilung nu Assyria ke runguyrad ke ayuwegrad kar toyed e tempel rok fare Got nu Israel bayay.

Ezra 6:22 Referans Kwoze

Proverbs 21:1

I SOMOL e ma gagiyegnag lanyan’ ba pilung nrib mom ni bod nma pow’iy wo’en e lul’.

Ezra 1:1

Re duw i n’en ni som’on ni emperor Cyrus u Persia, me gagiyegnag SOMOL laniyan’ nge yog bbugithin nga ni yoloy nga babyor nga ni be’eg ngak e girdi’ u gubin yang ni be gagyegnag. Nrin’ e ren’ey ya nge yib i m’ug nib riyul’ e tin ni yog SOMOL u l’ugun Jeremiah ni profet.

2 Kronicles 30:21

Medlip e rran ni madnomnag fapi girdi’ ni kar mu’ulunggad nga Jerusalem fare Madnom ko Flowa ni dariy e is riy nri yad ba felfelan’, ma yu rran ni i pining e pi Levite nge pi prist e sorok ngak SOMOL u polo’ i gelngirad.

Proverbs 16:7

Nap’an ga ra fel’ u wan’ SOMOL, ma rayag ni ngam pingeg e pi to’ogor rom ngar manged fager rom.

Ezra 7:27

Me ga’ar Ezra, “Ke magaer SOMOL ni fare Got rok pi chitamangidad ni kakrom! Ke gagiyegnag fare pilung ke m’agan’ ngay ni nge tay fan e Tempel rok SOMOL ni bay u lan yu Jerusalem ni aray rogon!

2 Kronicles 35:17

Medlip e rran ni gubin e pi girdi’ nu Israel ni yad bay u rom nra madnom niged fare Paluk’af nge fare Madnom ko Flowa ni dariy e is riy.

John 19:11

Me fulweg Jesus ngak ni ga’ar, “Bay mat’wum ni ngam gagiyegnag e n’en ni ngan rin’ ngog ni bochan e Got e ke pi’ ngom. Ere cha’ ni ir e ke pi’eg nga pa’am e ri ka ba ga’ ba denen nike ngongliy.”

Matthew 26:17

Fa’ani taw ko chirofen ni som’on ko madnom ni ngan kay e flowa nda ntay e is ngay me yib pi gachalpen Jesus miyad fith ngak ni lungurad, “U uw e ga ba’adag ni nggu ngongliyed rogon e ggan riy ni ngam koy ko blayal’ ni ggan ko Paluk’af?”

2 Kronicles 33:11

Ma aram me pag SOMOL e pi tolang ko salthaw ngar m’aged e mael nga Judah. Ngar koled Manasseh, miyad the’ e lam nga dow, ngar m’aged e chen ngak, ngan fek nga Babylon.

2 Kings 23:29

Nap’an ni kab pilung Josiah, me yib Neko ni Pilung nu Egypt nike fek e salthaw rok ngarbad ko lul’ ni Eufrates ni ngar ayuweged fare pilung nu Assyria. Me guy Josiah ni Pilung rogon ni nge taleg e salthaw nu Egypt u Meggido, min li’ u fithik’ e mael.

Ezra 6:1

Me pi’ Darius ni Emperor e thin ni nga ni yan ni gaweg e babyor ko gin ni yima cha’riy e babyor ko pilung riy u lan yu Babylon.

Nehemiah 13:6

Nap’an ni yibe rin’ e pin’ey ma dagmoy u Jerusalem, ya nap’an ni gaman e guyey nge l’agruw e duw nike pilung Artaxerxes u Babylon mu gu sul ngak ngaram. Me munmun mu gu ning e matal ngak

Ezekiel 23:23

Bay gu kunuy gubin e tayugang’ ni kab pagel ma yad ba picho’ay nge pi’in nib tolang e liw rorad ko pi salthaw nma yan u os u Babylonia ngu Assyria, nge pi ganong ko pi Kaldean nu Pekod, Shoa, ngu Koa.

2 Kronicles 23:18

Me tay Jehoyada fapi prist nge pi Levite nge milfan e maruwel u Tempel ngorad. Yad e ngar rin’ed e maruwel ni ka David ni Pilung e pi’ ngorad ma ngu’ur urfiyed e maligach ngak SOMOL nrogon ni bay ko Motochiyel rok Moses. Ma kuyad e ba milfan e musik nge pi madnom ngorad.

2 Kronicles 29:30

En ni pilung nge pi’in yad ma yog e thin ko fare nam e rogned ngak e pi Levite ni ngar tang niged SOMOL ni yad be yin’ tangin e sorok ni yoloy David nge Asaf ni profet. Ma aram me tang gubin e girdi’ nri yad ba felfelan’ ni karragbuggad nga but’ ni yad be liyor ngak.