Ezra 6:16 - Bible Ni Thothup

¹⁶ Me pi’ piyu Israel, ni pi prist, nge pi Levi nge urngin piyu Israel nra sulod u Babylon ngaram e re Tempel nem nga pa’ Got u fithik’ e felfelan’.

Ezra 6:16 Referans Kwoze

2 Kronicles 7:5

I pi’ 22,000 e garbaw ni maligach nge 120,000 e saf ni maligach nma gapaseg thilin Got nge girdi’. Me ir nge fapi girdi’ ni gubin e ra og niged fare Tempel ngak SOMOL.

1 Kings 8:63

I pi’ Solomon e maligach ni nge gapaseg thilin Got nge girdi’ ni 22,000 e garbaw, nge 120,000 e saf. Aram rogon fare Tempel rok SOMOL ni ognag fare pilung nge urngin e girdi’.

Filippi 4:4

Gubin ngiyal’ ni ngu’um felfelan’gad ko ta’ab girdi’ ni kam ted Somol. Ere ngku gog bayay ni nge lungug: mu felfelan’gad!

John 10:22

Me taw nga nap’an ni ngan madnomnag u Jerusalem e ngiyal’ nni fulweg e altar nu Tempel ngarogon; ma ngiyal’nem e nap’an e garbeb.

Psalms 122:1

Gu felfelan’ nnap’an ni lungurad ngog, “Ngdarod ko naun rok SOMOL!”

Ezra 6:22

Medlip e rran nra madnom niged u fithik’ e felfelan’ fare Madnom ko Flowa Ndariy e Is Riy. Ba ga’ e felfelan’ nra ted ni bochan e ke pingeg SOMOL laniyan’ fare pilung nu Assyria ke runguyrad ke ayuwegrad kar toyed e tempel rok fare Got nu Israel bayay.

Nehemiah 7:73

Prist, pi Levite, pi matnag u Tempel, girdi’en e musik, nge ku yug girdi’ ni bo’or, girdi’en e maruwel u Tempel — gubin e girdi’ nu Israel — e ra pired u lan fa yochi binaw nge pi binaw nu Judah.

Ezra 4:1

Pi to’ogor rok piyu Judah ngu Benjamin e rrung’aged ni pi’in ni kar sulod ko kalbus u bang e yad be toy fare Tempel rok SOMOL, ni Got nu Israel.

2 Kronicles 30:26

Fare binaw nu Jerusalem e ri sugnag e felfelan’, ya dariy ban’en ni aray rogon ni ka’an rin’ ni kanpan e pi rran rok Solomon ni Pilung, nib mo’on ni fak David.

2 Kronicles 30:23

miyad duwgiliy ni ngki ul ul fare madnom ni medlip e rran. Ma aram mukra madnomgad u fithik’ e felfelan’.

1 Kronicles 15:28

Ma aram e urngin e girdi’ nu Israel ma ra’uned ko fare Kahol ko M’ag nga talang u Jerusalem ni yad be tolulnag e felfelan’, ma be yan lingan e rappa’, yabul, nge cymbal, nge harp.

1 Kronicles 9:2

Pi’in nsom’on nra sulod ngalan e pi binaw ni taferad e bmu’un e girdi’ nu Israel ngay, nge prist, nge pi Levite, nge girdi’en e maruwel u Tempel.

Deuteronomy 12:7

U rom u p’eowchen SOMOL ni Got romed, ni ir e be fal’eg wa’athmed, e gimed nge girdi’en e tabnaw romed e ngam abichgad nga mu felfelan’gad ko tin bfel’ ni kam muruwliyed.

Nehemiah 12:43

Rofen nem e bo’or e maligach nni pi’, ma kesugnag e felfelan’ e girdi’ ni Got e kepi’ ngorad kar felfelan’gad. Me un e pi’in ppin nge bitir ko fare madnom, ma lamrad ni yad gubin e yira rung’ag nga palog.

Nehemiah 8:10

Ere msulod nga tabinaw ngam murgad. Mu f’othded boch e ggan nge wayin romed rok e pi’in nde gaman rorad. Bin daba’ e rran e ba thothup ni fan ngak e SOMOL rorad, ere dabi kireban’med. Felfelan’ nma pi’ SOMOL ngomed e bay i pi’ gelngimed.”

1 Kings 8:62

Ma aram me pi’ Solomon ni Pilung nge urngin e girdi’ e maligach ngak SOMOL.

Daniel 5:13

Min fek Daniel i yib nga p’eowchen e en ni pilung ni ka chingiyal’ nem. Me ga’ar fare pilung ngak, “Mog, i gur fa’anem i Daniel, ni reb fapi kalbus nu Judah ni fekmed e chitamag u Judah e ngaray ni nnap’an nib pilung?

2 Kronicles 29:30

En ni pilung nge pi’in yad ma yog e thin ko fare nam e rogned ngak e pi Levite ni ngar tang niged SOMOL ni yad be yin’ tangin e sorok ni yoloy David nge Asaf ni profet. Ma aram me tang gubin e girdi’ nri yad ba felfelan’ ni karragbuggad nga but’ ni yad be liyor ngak.

Nehemiah 12:27

Nap’an nni yibley fare yoror ko binaw nu Jerusalem, min fek e pi Levite ko yungi n’en ni urpired riy ngalan fare binaw, ni bochan e nge yag nra uned i madnomnag fare yoror ni yibe yon’ tangin e ogmagaer ma yibe musiknag ko cymbal nge harp.