Ezra 6:15 - Bible Ni Thothup

¹⁵ Miyad mu’nag e re Tempel nem ko rofen ni dalip ko pul ni Adar ko bin nel’ e duw ko pilung nike tay Darius.

Ezra 6:15 Referans Kwoze

Ester 3:7

Lan ragag nge l’agruw e duw nike gagiyeg Xerxes ni Pilung, u lan e pul ni ta’reb ni aram e pul ni Nisan, me yog Haman ni ngan girengiy e pow (ni “Purim,” ni yad ma yog) ni nge duwgiliy e re rran nge re pul ni bfel’ ni ngan rin’ fa pin’en ni ka ni makathnag. Ma aram me muduwgil ni rofen ni ragag nge dalip fen ko pul ni ragag nge l’agruw ni aram e pul ni Adar.

Ester 9:21

ni be yog ngorad ni ngu’ur madnom niged e rofen ni ragag nge aningeg fane pul nge rofen ni ragag nge lal fane pul ko pul ni Adar ni gubin e duw.

Ester 9:19

Irera’ fan ni pi Jew ni yad ma par u lan yuchi binaw nib achig e yad ma tay e rofen ni ragag nge aningeg e rran ko pul ni Adar ni yaran e falfelan’, nge mur, ma yad be thilyeg e tow’ath rorad ni ggan.

Ester 9:17

Ren’ey e ni rin’ ko ragag nge dalip fane pul ni Adar, nge rofen ni ragag nge aningeg fane pul mar toffangad, miyad tay e binem e rran ni ngu’ur murgad ma yad be felfelan’.

Ester 9:15

Rofen ni ragag nge aningeg ko pul ni Adar miki yib e pi Jew ni yad bay u Susa nga ta’bang ngkur thanged e pogofan rok 300 e girdi’ nu lan fare binaw. Machane ku der feked ban’en rorad.

Ester 9:1

Me taw ko rran ni ragag nge dalip ko pul ni Adar, ni aram fare rran ni ngan maruwel ko fare thin nike yog fare pilung, ma ku rofen ni be athpeg e pi to’ogor rok e pi Jew ni ngar gafgow niged e Jew. Machane gathi aram rogon ni aw ya pi Jew e ra gelgad.

Ester 8:12

Re thin ney e ni fanay u ga’ngin yu Persia ko rofen nturguy ni ngan thang mit e Jew, rofen ni ragag nge dalip ko bin ragag nge l’agruw e pul ni Adar.

Ester 3:13

Girdi’en e mil e ra feked e yungi babyor ney nga gubin yang e nug u lan gil’ilungun fare pilung. Bay riy ni kanog ni rofen ni ragag nge dalip ko pul ni Adar e ngan thang e fan rok gubin e Jew, ni fel’ yangren nge pilbithirl, nge ppin nge bitir. Yira li’rad ko saydon ni dab ni runguyrad mi ni fek rorad e tin nib milfan ngorad.

1 Kings 8:63

I pi’ Solomon e maligach ni nge gapaseg thilin Got nge girdi’ ni 22,000 e garbaw, nge 120,000 e saf. Aram rogon fare Tempel rok SOMOL ni ognag fare pilung nge urngin e girdi’.

Ezra 5:16

Ma aram me yib Sheshbazzar nge yib i fal’eg rogon e def riy; me tabab e dimoy riy e ngiyal’ i n’em nge mada’ ko chiney, machane dawor ni mu’nag.’

Zekariah 1:1

U lan e bin meruk e pul ko re duw ni l’agruw ngay nike mang Darius e pilung nu Persia, me pi’ SOMOL e pi thin ney ku Zekariah ni profet nib mo’on ni fak Berekiah nib mo’on ni fak Iddo e tutuw rok.

Zekariah 1:16

Ere nggu sul nga Jerusalem ni nggu dag e runguy rog ko fare binaw. Tempel rog e bay ntoy bayay, ma fare binaw nu Jerusalem e bay kun ubung.”

Zekariah 4:9

Ni be ga’ar, “I Zerubbabel e yin’ e def ko fare Tempel, ma ra mu’nag fare naun. Nap’an nra yodroy e pin’ey, ma girdi’ rog e bay ra nanged ni rriyul’ ni gag e kug l’oegem ngorad.

Ezra 4:24

I tal e maruwel ko fare Tempel ngay gi par ni aram rogon nge mada’ ko bin l’agruw e duw nike pilung Darius nu Persia.

Ezra 9:9

Ugmed ni gamad e sib, machane dam digeymad ngu’ug pired ni gamad e sib. Ya mu gagiyegnag e pi pilung nu Persia nggu fel’gad u wan’rad miyad pi’ mat’awmad nggu toyed bayay fare Tempel rom, ni immoy nike mogothgoth, mu gu pir’eged e gapas u roy u Judah ngu Jerusalem.