Ezra 5:2 - Bible Ni Thothup

² Nap’an ni rung’ag Zerubbabel nib mo’on ni fak Shealtiel nge Joshua nib mo’on ni fak Jehozadak e pi thin rorow, mi yow tabab i toy bayay fare Tempel nu Jerusalem, ma fagal profet e ra ayuwegew row.

Ezra 5:2 Referans Kwoze

Ezra 3:2

Mi Jeshua ni fak Jehozadak, nge pi prist ni yad nga maruwel, nge Zerubbabel nib mo’on ni fak Shealtiel nge girdi’en Shealtiel e ra cheaggad ngar ubunged bayay fare altar rok fare Got nu Israel, ya nge yag ni ur urfiyed e pi gamanman ni maligach u daken nrogon ni be yog e motochiyel rok Moses, ni ir be’ ni girdi’ rok Got.

Ezra 6:14

Pi’in yad ma yog e thin e pi Jew e ra tababgad i toy fare Tempel me yan e maruwel riy ni bfel’ rogon, ma thin ni yi’iynag Haggai nge Zekariah e i pi’ e athamgil nga lanin’rad. Miyad mu’nag fare Tempel ni bod rogon ni yog fare Got nu Israel ngorad, nge Cyrus, nge Darius, nge Artaxerxes ni Pilung nu Persia.

2 Korinth 1:24

Gathi gamad be guy rogon ni nggogned ngomed e n’en ni ir e thangri mich u wun’med, ya ke muduwgil u wun’med e n’en nike michan’med ngay. Machane gamad be ayuwegmed ni fan ko felfelan’ romed.

Zekariah 6:11

Mu ngongliy ba te’elyaw ko silber nge gol ni kar pi’ed, ngam tay nga lolgen fare Prist ni Th’abi Ga’, i Joshua nib mo’on ni fak Jehozadak.

Ezra 10:18

Ba’aray fithingan e pi pumo’on ni kar le’engiyed e ppin nu bang: Pi prist, nni yoloy ni ba kan e girdi nge ba kan: Fare ke girdi’ rok Joshua nge pi pumo’on ni walagen, pi pumo’on ni pifak Jehozadak: Maaseyah, Eliezer, Jarib, nge Gedaliah.

Haggai 2:18

Daba’ e rofen ni rliw’ nge aningeg ko pul ni mereb, ni aray e rofen ni kan mu’nag e def ko fare Tempel. Mu ted fanmedyan ko n’en ni nge buch e chiney i yan ngaram.

Ezra 1:8

I pi’ ngak Mithredath, ni ga’ ko tachubgil salpiy rok e pilung, ni ir e the’eg ni fan ngak Sheshbazzar, ni fare governor nu Judah,

Ezra 3:8

Ere bin migid e pul ko re duw nem ni kar sulod nga Jerusalem, ko gin ni immoy e Tempel rok SOMOL riy miyad tabab ko maruwel. Zerubbabel nge Jeshua nge girdi’en e nam rorow, nge pi prist nge pi Levi nge urngin e girdi’ ni ur kalbusgad u Babylon ni kar sulod nga Jerusalem e ra uned ko re maruwel nem. Urngin e pi Levi ni rliw’ e duw rorad ngalang e ntayrad ni nge milfan e maruwel nu tempel ngorad.

Zekariah 4:4

Ma aram mug fith fare engel ni lungug, “Siro’ ngom, mang e be yip e pin’ey fan?”

Zekariah 4:14

Ma aram me ga’ar, “Irera’ fagali pumo’on nike mel’eg row Got ke gapgep nagrow ni ngar pigpiggow ngak, fare SOMOL ko polo’ e fayleng.”

Zekariah 8:9

“Mu athamagil gad! Ya chiney e gimed be motoyil ko fapi thin ni i yog e pi profet ko fa ngiyal’ ni yibe filaeth e def ko Tempel rog ni ngan toy bayay.