Ezra 5:15 - Bible Ni Thothup

¹⁵ Me yog fare pilung ngak ni nge fek e pin’em nge fulweg ko fare Tempel nu Jerusalem, ma ngki toy fare Tempel ko gin ki immoy riy ni som’on.

Ezra 5:15 Referans Kwoze

Ezra 6:3

“U lan e bin m’on e duw ko pilung ni tay Cyrus me yog ni ngan sul ngan toy bayay fare Tempel ni immoy u lan yu Jerusalem, nge par ni aram e gin ni ngu’un pi’ e maligach riy ma yi be fek i yib ngay e maligach ni mo’oruf. Re Tempel nem e nga ni ngongliy ni mereb i ragag e fit tolngin ma mereb i ragag e fit radan.

Ezra 3:3

Yug aram rogon ni yad be rus ngak girdi’en yug boch e nam ni kebi par nga daken fare nam, machane miyad ubung fare altar bayay nga tagil’ e bin som’on. Miyad tabab bayay i urfiy u daken e re altar nem e gamanman ni maligach ni yima pi’ ni kadbul nge blayal’.

Ezra 1:2

“Ba’aray e thin ni yog Cyrus ni Emperor nu Persia. I SOMOL, ni ir fare Got nu tharmiy, e ke teg ni gag e pilung ko fayleng ni ga’ngin, ma ke pi’ e maruwel rog ni ngug toy ba tempel ni fan ngak u Jerusalem ni bay u lan e nug nu Judah.

Ezra 5:14

Me fulweg fapi talin e Tempel ni gol nge silber ni fek Nebukadnezzar ko fare Tempel nu Jerusalem nge tay ngalan fare tempel nu Babylon. I Cyrus ni fare pilung e pi’ e pi talin e tempel ney ngak be’ nib mo’on ni Sheshbazzar fithingan, ni ir e ke duwgiliy ni nge mang governor nu Judah.

Ezra 5:16

Ma aram me yib Sheshbazzar nge yib i fal’eg rogon e def riy; me tabab e dimoy riy e ngiyal’ i n’em nge mada’ ko chiney, machane dawor ni mu’nag.’