Ezra 5:1 - Bible Ni Thothup

¹ Ngiyal’nem e immoy l’agruw i profet ni Haggai nge Zekariah ni fak Iddo, ra tababgow ko welthin u fithingan fare Got nu Israel ngak e pi Jew nma par u Judah ngu Jerusalem.

Ezra 5:1 Referans Kwoze

Haggai 1:1

Bin l’agruw e duw ni Darius e Pilung nu Persia, ni aram e bin m’on e rran ko bin n’el e pul, me non SOMOL u daken Haggai ni profet. Thin ni yog SOMOL e fan ngak fare governor nu Judah, ni Zerubbabel nib mo’on ni fak Shealtiel, ma ku fan ngak fare Prist ni Th’abi Ga’, ni aram Joshua nib mo’on ni fak Jehozadak.

Mikah 5:4

Nap’an nra yib, ma bayi gagiyegnag e girdi’ u ba gelngin ni SOMOL e ra yib rok nge rargon lungun SOMOL ni Got. Ma girdi’ rok e bay ur pired ndabki buch ban’en rorad, ya girdi’ u gubin yang u fayleng e bayi puluw u wan’rad feni sorok,

Ezra 4:24

I tal e maruwel ko fare Tempel ngay gi par ni aram rogon nge mada’ ko bin l’agruw e duw nike pilung Darius nu Persia.

Ezra 6:14

Pi’in yad ma yog e thin e pi Jew e ra tababgad i toy fare Tempel me yan e maruwel riy ni bfel’ rogon, ma thin ni yi’iynag Haggai nge Zekariah e i pi’ e athamgil nga lanin’rad. Miyad mu’nag fare Tempel ni bod rogon ni yog fare Got nu Israel ngorad, nge Cyrus, nge Darius, nge Artaxerxes ni Pilung nu Persia.

Haggai 2:18

Daba’ e rofen ni rliw’ nge aningeg ko pul ni mereb, ni aray e rofen ni kan mu’nag e def ko fare Tempel. Mu ted fanmedyan ko n’en ni nge buch e chiney i yan ngaram.

Zekariah 8:9

“Mu athamagil gad! Ya chiney e gimed be motoyil ko fapi thin ni i yog e pi profet ko fa ngiyal’ ni yibe filaeth e def ko Tempel rog ni ngan toy bayay.

Haggai 1:3

Ma aram me yog SOMOL e re thin ney u l’ugun Haggai ko fapi girdi’: