Ezra 4:6 - Bible Ni Thothup

⁶ Tobolngin e gagiyeg rok Xerxes ni Emperor, ma pi to’ogor rok e pi girdi’ ni yad be par u lan yu Judah ngu Jerusalem e ra yoloyed babyoren boch e oloboch ngan togopluwnag ngorad.

Ezra 4:6 Referans Kwoze

Daniel 9:1

Darius ni be’ nib mo’on ni fak Ahazuerus, nni gargeleg ni be’ u Media, e ir e mang pilung ko nam nu Babylon.

Ester 1:1

Xerxes ni Pilung nu Persia e i par u Susa ni aram e tochuch ko re binaw nem, ngi i gagiyegnag 127 yang e nug nu India nge mada’ nga Ethiopia.

Revelation 12:10

Mu gu rung’ag ba lam ni ba ga’ u lan e tharmiy ni be ga’ar, “Ke taw ngal’an ni nge thapeg Got e girdi’ ngak! Chiney e ke dag Got gelngin ni ir e Pilung! Chiney e ke dag e Messiah rok gelngin! Ya fa’anem nma egnag pi walagdad nma yib i sak’iy nga p’eowchen Got ngi i thibthibnagrad ni rran nge neap’ e ka nin’ nga wuru’ e tharmiy.

Acts 25:7

Ma fa’ani taw Paul, me cholngobiy fa picha’ nu Israel nrabad u Jerusalem miyad tabab i weliy bo’or bogi ban’en nib kireb nib togopluw ngak Paul, ni yu bugithin ndabiyag rorad ni ngar daged e mich riy.

Acts 24:13

Ara ra daged e mich ko tin be’er ni karogned e chiney nib togopluw ngog.

Matthew 27:37

Miyad tay bangi ban’en ni kan yoloy nga daken e kuruth rok u daken lolugen ngalang ni bay e thin riy ni kanog ni ir e ba togopluw ngak ni ga’ar, “Ireray Jesus, ni fare pilung rok piyu Israel.”

Ezra 4:5

Ma ku ra pi’ed puluwon e pi tolang ko am nu Persia ni ngar togopluwgad ko maruwel rorad. Irera’ e n’en ni ur rin’ed u n’umngin nap’an e gagiyeg rok Cyrus ni Emperor nge mada’ ko ngiyal’ nike yib i Emperor Darius.

Ester 1:10

Me yan i gaman e medlip fen ko fare madnom rok fare pilung, ma ke yo’or e wayin nike unum fare pilung ke ba’ud e thin rok, ma aram me pining fa medlip i pumo’on ni eunuch ni yad ma pigpig ngak ni aram i Mehuman, Biztha, Harbona, Bigtha, Abagtha, Zethar, nge Karkas.

Genesis 26:21

Miki fu’og e pi tapigpig rok Isak reb e luwed. Mukun tugthin ni bochan e binem e luwed, miki tunguy Isak fithngan ni “Togopluw.”

Ester 2:16

U lan e re duw ni gaman e medlip e duw ngay nike pilung i Xerxes ko pul ni ragag ni aram e pul ni Tebeth mi ni fek Ester i yan ngak Xerxes ni Pilung ngalan fare naun rok.

Ester 3:8

Aram me yog Haman ngak fare pilung ni ga’ar, “Bay bmit i girdi’ ni yad ba wear u daken gil’ilungum ni ga’ngin ni yira piri’egrad u lan urngin yang e pi nug ni ga ma gagiyegnag. Pi yalen rorad e yug ba thil nga yalen gubin e girdi’. Ma ku reb e darir ma folgad ko pi motochiyel u lan gil’ilungum, ere de fel’ ni ngam fek owchem rorad.

Daniel 11:2

Ma n’en ni nggu weliy ngom e chiney e ba riyul’.” “Kabay dalip e pilung ni bay rabad ngar gagiyeg niged yu Persia, ma bay yib e bin aningeg u tomur rorad, ni kab gel feni fel’ rogon ko tin ba’aram e pilung nib m’on rok. Ma bayi yan i mus nga rogon gelngin nge fel’ rogon rok me mael ngak e nam nu Greece.