Ezra 4:23 - Bible Ni Thothup

²³ Yug nap’an nni be’eg e rengi babyor ney ni pi’ Artaxerxes ni Emperor ngak Rehum, nge Shimshai, nge pi’in yad ngabang, mar gur nigedyad nga Jerusalem ngar tawasargad ngak e pi Jews ni ngar talgad i ubung bayay fare binaw.

Ezra 4:23 Referans Kwoze

Roma 3:15

Yad ba gur ni ngar maad’adgad ku be’ ara ra thanged e pogofan;

Mikah 2:1

Ke riya’ e pi’in dar mol owcharad i luguy nag e kireb! Ma ra yan i kadbul, nap’an ni yugu ra bung rogorad ni ngar rin’ed fapi kireb ni ur luguy niged, miyad rin’.

Proverbs 4:16

Girdi’ nib kireb e dabi mol owcharad ni fa’anra dawor ra ngongliyed ban’en nib kireb. Dabiyag ni ngar molod ni fa’anra dawor ra gafgow niged be’.

Ezra 4:17

Ba’aray e fulweg ni pi’ fare emperor: “Ngak Rehum ni governor, nge Shimshai ni tayol ko nam, nge pi’in yad ngabang ni yad ma par u Samaria nge pi’in ni magach ko lay ni ngal yu Eufrates, e gu be fingichiymed.

Ezra 4:7

Miki yan i bayay u na’pan e gagiyeg rok Artaxerxes ni Emperor nu Persia me yoloy Bishlam, nge Mithredath, nge Tabeel, nge pi’in yad ngabang bang e babyor ngan pi’ ngak fare emperor. Re gi babyor nem e ni yoloy nthin nu Aramaic, re ni pilyeg ngan be’eg.

Ezra 4:22

Mu rin’ed e ren’ey ni kaney, ya nge dabki buch ban’en u gil’ilungug.”

Ezra 4:24

I tal e maruwel ko fare Tempel ngay gi par ni aram rogon nge mada’ ko bin l’agruw e duw nike pilung Darius nu Persia.