Ezra 4:17 - Bible Ni Thothup

¹⁷ Ba’aray e fulweg ni pi’ fare emperor: “Ngak Rehum ni governor, nge Shimshai ni tayol ko nam, nge pi’in yad ngabang ni yad ma par u Samaria nge pi’in ni magach ko lay ni ngal yu Eufrates, e gu be fingichiymed.

Ezra 4:17 Referans Kwoze

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

Acts 23:26

“Pi’ Klaudius Lysias ni nge yan ngak Felix ni Governor.

Luke 10:5

Ma ngiyal’ ni gimed ra yan riy ngalan reb e naun, e som’on e nge lungumed, Nge yib e gapas ngak girdi’en e re naun ney.

Ezra 7:12

“I yib rok Artaxerxes ni Emperor ngak Ezra ni prist, nib tamilangan’ ko fare Motochiyel rok Got nu tharmiy.

Ezra 5:7

“Ngak Darius ni Emperor, mang e yug mu gagiyeg u fithik’ e gapas.

Ezra 4:7

Miki yan i bayay u na’pan e gagiyeg rok Artaxerxes ni Emperor nu Persia me yoloy Bishlam, nge Mithredath, nge Tabeel, nge pi’in yad ngabang bang e babyor ngan pi’ ngak fare emperor. Re gi babyor nem e ni yoloy nthin nu Aramaic, re ni pilyeg ngan be’eg.

Ezra 4:16

Ere irera’ fan nib muduwgil u wan’mad ni fa’an yira ngongliy bayay e re binaw ney min mu’nag e yoror riy, me gur e en pilung e dakuriy e ngiyal’ nrayag rom ni ngam gagiyegnag e lay ni ngal ko nam nu Eufrates.”

Ezra 4:18

“Fa gi babyor nim pi’ed e kan piliyeg kan be’eg ngog.

Daniel 4:1

Ba’aray e thin ni pi’ Nebukadnezzar ni Pilung nge yan ngak girdi’en urngin e pi nam, nge pi racha’, nge pi thin nu fayleng ni be ga’ar: “Ngu’um pired ni bfel’ rogomed.

Daniel 6:25

Me yol Darius ni Pilung ngak e girdi’ u urngin e nam, nge pi racha’, nge pi thin u fayleng ni ga’ar: “Ngu’um pired ni bfel’ rogomed.