Ezra 3:7 - Bible Ni Thothup

⁷ Me pi’ e girdi’ e salpiy ni nga ni pi’ ni puluwon e pi’in ni ba salap i ubung malangen e naun nge girdi’ nib salap ko dimow naun; miyad pi’ e ggan nge garbod nge gapgep ko olive ni nga ni pi’ nge yan ko binaw nu Tyre ngu Sidon ni ngan thiliyeg ko gek’iy ni cedar ni yibe fek u Lebanon ni ngan fek u maday nga Joppa. Nrin’ urngin e pin’ey ni Cyrus ni Emperor nu Persia e pithig e thin riy ngan rin’.

Ezra 3:7 Referans Kwoze

1 Kings 5:6

Ere mpi’ e pumo’on rom ngranod nga Lebanon ngar th’abed e gek’iy ni cedar ni fan ngog. Girdi’ rog e bay ra uned ngorad ko maruwel, ma bay gu pi’ puluwon e tirom e girdi’ nrogon ni bay mog. Ga manang ni dariy be’ ko tirog e girdi’ ni manang rogon i th’ab e gek’iy ni bod feni salap e tirom e girdi’.”

Acts 12:20

Ma kari damumuw Herod ngak e girdi’ nu Tyre ngu Sidon; miyad yan ni yad ba ulung ni ngranod ra guyed Herod. Som’on e ra guyed rogon nge fol Blastus ngorad; ni ir e mmil fan e re naun nem ntafen e pilung ngak. Ma aram miyad yan ngak Herod ngar weniggad ngak ni nge aw e gapas u thilrad, ya nam rorad e yad ma fek garad ko nam rok e re pilung nem.

Acts 9:36

Ma bay be’ ni bpin u Joppa ni Tabitha fithingan, ni be’ nib mich Jesus u wan’. (Mi Dorkas fithingan ko thin ni Greek, ni fan e re ngachal nem e ba gamanman ni dir.) Ma par ni tin ni bfel’ e be rin’ ma be ayuweg e pi’in gafgow.

Jonah 1:3

Machane me mil Jonah rok SOMOL nge yan nga Tarshish. I yan nga Joppa, me pir’eg ba barkow u rom ni be n’en ni nge yan nga Tarshish; me pi’ puluwon nge un nga daken me cheag ngak e sala ko re barkow nem ngranod nga Tarshish, nike mal’af rok SOMOL.

Ezekiel 27:17

Judah ngu Israel e ra pi’ed puluwon e chugum rom ni wheat, honey, gapgip ko olive, nge spices.

Acts 9:38

Ma gin’en nu Joppa nem e de mal’af u Lydda, ma pi’in gachalpen Jesus ni yad bay u Joppa e fa’an rrung’aged ni bay Peter u Lydda, miyad l’oeg l’agruw i pumo’on ngranow rognew ngak ni nge lungurow, “Wenig ngom, mu gur nigem nga mub ngomad.”

Acts 9:43

Me par Peter rok be’ u Joppa ni bo’or e rran, ni be’ ni Simon fithingan nma fal’eg rogon keru’ e gamanman.

2 Samuel 5:11

Hiram ni Pilung nu Tyre e l’oeg e pi tamal’og ngak David; me pi’ yuley i ren ngak David ni cedar fithingan, nge girdi’en e dimow naun, nge pi’in yad manang rogon i ubung e malang ni yima fanay ko naun ni ngar toyed ba tafen e pilung ngak David.

Ezra 3:6

Dawor ra tababgad i toy fare tempel, machane miyad tabab i urfiy e pi maligach ni mo’oruf ngar pi’ed ngak SOMOL ko re rran ni som’on ko pul ni medlip.

2 Kings 12:10

Ma nap’an nra yo’or e salpiy u lan fare kahol, ma en tayol rok e pilung nge Fare Prist ni Th’abi Tolang e yow ra yib ngar the’egew fapi salpiy ngar tew nga tutuw ngar m’agew.

2 Kings 12:13

Machane dariy reb ko fapi salpiy nni fanay ngan pi’ puluwon e pi kap nni ngongliy ko silber, nge yu raba’ i dabiy, nge rappa’, ara pi talin e pi magal, fa boch ban’en nni ngongliy ko silber fa gol.

2 Kronicles 34:10

Re salpiy ney e ni pi’ ngak fa dalip i pumo’on nib milfan ngorad e yungin ke kireb ko fare Tempel ni ngan falagin rogon, ma aram miyad pi’ ngak