Ezra 3:11 - Bible Ni Thothup

¹¹ Miyad tang ni yad be pining e sorok ngak SOMOL ma yad be sul u daken e pi thin ni ba’aray: “I SOMOL e rib manigil, ma rogon nib t’uf piyu Israel rok e bay i par ndariy n’umngin nap’an.” Urngin e girdi’ nra be’ me non ni kemus ga’ngin laman ni be pining e sorok nge magaer ngak SOMOL, ni bochan e kan tabab i muruwliy fare def ko Tempel.

Ezra 3:11 Referans Kwoze

1 Kronicles 16:34

Ngu’un pining e magaer ngak SOMOL, ni bochan e ir e bmanigil; ya t’ufeg rok e dabimus bi’id.

Psalms 106:1

Ngan pining e sorok ngak SOMOL! Ngan pining e magaer ngak SOMOL, ni bochan e ba manigil; t’ufeg rok e ba manemus.

Psalms 107:1

Mu pininged e magaer ngak SOMOL, ya ir e mmanigil; ma t’ufeg rok e bmanemus!

Psalms 103:17

Machane pi’in yad ma liyor ngak SOMOL e bay ur pired ni yad ba t’uf rok ndariy n’umngin nap’an, ma fel’ngin ngorad e bay i par ni gubin e mfen,

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Psalms 135:3

Mu pininged e sorok ngak SOMOL, ya ba manigil; mon’ed e tang ni gimed be pining e sorok nga fithingan, ya ba gol.

Psalms 118:1

Mu pininged e magaer ngak SOMOL, ya SOMOL e bfel’, ma t’ufeg rok e ba manemus.

2 Kronicles 7:3

Nap’an ni guy e girdi’ nu Israel fare nifiy nike mul u tharmiy nga but’ nge tamilang nike sugnag fare Tempel, miyad paraw nga but’ u daken e faraf, ni yad be liyor ngak Got ma yad be pining e sorok nge magaer ngak nga feni manigil nge t’ufeg rok ni dabimus.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Nehemiah 12:24

U tan e gagiyeg rok Hashabiah, Shrebiah, Jeshua, Binnui nge Kadmiel e ni yu ulungnag e pi Levite ni yu l’al’agruw e ulung ni ngu’ur tang niged e sorok ngak Got ma yad be ognag e magaer ngak, ni bod rogon ni tay David ni pilung chiylen ni fare mo’on ni bay Got rok.

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Exodus 15:21

Me yin’ Miriam e re tang ni ba’aray ngorad, “Ngan tangnag SOMOL, ya gel nike tay e rib sorok riy; ke yin’ fapi os nge pi’in yad be yannag nga maday.”

Luke 1:50

ma runguy urngin e pi’in bay madgun u wun’rad u reb e mfen nga reb.

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Isaiah 6:3

Ma yad be non nra bagayad ma be ga’ar ngak bagayad: “Ba thothup, ba thothup, ba thothup! I SOMOL ni Gubin ma Rayag Rok e ba thothup! Rogon feni sorok e ke sugnag e fayleng.”

Psalms 47:1

Girdi’en urngin e nam, mu waywaygad ko felfelan’! Mu pininged e magaer nge sorok ngak Got u fithik’ e tang ni ba ga’ lammed!

1 Kronicles 16:41

Ma immoy rorad i Heman nge Jeduthun nge ku boch e girdi’ ni kun mel’egrad ni ngu u ron’ed tangin e sorok ngak SOMOL ni fan ko t’ufeg rok ni manemus.

Nehemiah 12:40

Ma aram me taw fagal ulung i girdi’ ni yad be pining e magaer ngak Got ko gin ni bay fare Tempel riy. Pi tayugang’ ni ur uned ngog,

Psalms 47:5

Got e ke yan ngalang nga tagil’! Min tolulnag e felfelan’ me thow e rappa ni be yan SOMOL ngalang!

Joshua 6:5

Ma ngar thoyed bayay nib n’uw nap’an. Ma nap’an ni gimed ra rung’ag, ma gubin e girdi’ ni ngar tolulgad ni ba ga’ lamrad, ma bayi puth e yoror ko fare binaw. Ma aram e ga’ngin fa raba’ i salthaw ni ngar thelapgad ngalan fare binaw.”

Joshua 6:16

Ma nap’an ni gaman e medlip yay ni kar liyeged nga tomuren nike thoy fapi prist fapi yabul, me ga’ar Joshua ngak fapi girdi’, “Mu tolulgad! I SOMOL e ke pi’ e re binaw ney ngomed.

Joshua 6:10

Ma aram e keyog Joshua ngak e girdi’ ndab ra tolulgad, ma dab ra nonod nge mada’ ko ngiyal’ ni bay fini yog.

Psalms 100:5

I SOMOL e bfel’; t’ufeg rok e dariy n’umngin nap’an, ma feni yul’yul’ e bayi par ni kargon ni manemus.

Psalms 131:1

SOMOL, kug pag e tolangan’ rog ma ku gu pag e ufanthin. Dak gur leamnag e tin ban’en ni kaygi ga’ ara kaygi mo’maw’ ngog.

Zekariah 4:7

Tin be magawon nigem nib ga’ ko pi burey e bayi ling u p’eowchem. Bay mu toy bayay fare Tempel, ma nap’an e ga ra ayliy e bin tomur e malang nga gil’, ma bay i tolul e girdi ni yad be ga’ar, ‘Rib fel’usun, rib fel’usun!’”

Haggai 2:3

“Bay be’ u fithik’med ni kamnang rogon feni fel’ fare Tempel ni immoy? Urrogon ya’an ni gimed be guy e chiney? Ya’an e chiney ni be m’ug e gowa dariy.