Ezra 3:10 - Bible Ni Thothup

¹⁰ Nap’an nra tababgad i ubung e def ko Tempel me yan i sak’iy e pi prist nga tagil’rad ni karon’ed fapi mad rorad ni n’un’uw, ni bay e rappa u pa’rad, ma pi Levi ni girdi’en e tabinaw rok Asaf e yad bay u rom ni bay e cymbal rorad ni tatelin e musik. Miyad pining e sorok ngak SOMOL nrogon ni duwgiliy David ni Pilung nu Israel kakrom.

Ezra 3:10 Referans Kwoze

Zekariah 4:10

(a) Bayi kireban’rad ya rib sag’al e maruwel ni be yan. Machane bay ra guyed Zerubbabel ni ka be toy fare Tempel ni dertal, me felan’rad.” (b) Fare engel e ga’ar ngog, “Fa medlip i magal e aram fa medlip i lan owchen SOMOL ni be changar u daken e fayleng.”

2 Kronicles 35:15

Tin ba’aray e girdi’en e musik ko Levite nrabad ko fare ke girdi’ rok Asaf e yad bay u tagil’rad ni ka David ni Pilung e duwgiliy: Asaf, Heman, nge Jeduthun ni profet rok fare pilung. Pi tamatnag ko fapi garog ko Tempel e de t’uf ni ngar chuwgad u tagil’rad, ni bochan e tin ba’aram yu Levi e ra t’ared midlin e madnom ni Paluk’af ni fan ngorad.

1 Kronicles 23:5

ma aningeg bbiyu’ e ba milfan e matnag ngorad, ma aningeg bbiyu’ e ngu’ur pininged e sorok ngak SOMOL ni yad be chubeg e pi talin e musik ni thagnag fare pilung ni fan ko biney e gam’ing.

1 Kronicles 16:42

Heman nge Jeduthun e ku yow e ba mifan ngorow fapi rappa’ nge pi cymbal nge tin kabay e talin e musik ni yima chubeg u nap’an ni yibe yin’ fapi tangin e sorok. Chonggin fare ke girdi’ rok Jeduthun e yad e ba milfan fapi garog ngorad ni ngu’ur matnagiyed.

1 Kronicles 16:37

I David ni Pilung e tay Asaf nge boch piyu Levi ni yad e ke milfan rogon e liyor ni ngu’un tay ko gin bay fare Kahol ko M’ag riy. Yad e ngu’ur pigpiggad u rom ni gubin e rran.

1 Kronicles 15:27

Ke chuw David ngab mad nni ngongliy ko mad ni wech’, ma ku errogon fapi girdi’en e musik, nge Kenaniah ni ir e ma gafaliyrad, nge pi Levite ni yad be fek fare Kahol. Miki chuw David ngab mad ni efod.

1 Samuel 22:18

Ma aram me ga’ar Saul ngak Doeg, “Mu thang e fan rorad!” — me thang Doeg e fan rorad ni yad gubin. Rofen nem e thang e fan rok meruk i ragag nge lal e prist ni kar tayon’ed e mad ni efod.

Ezra 5:16

Ma aram me yib Sheshbazzar nge yib i fal’eg rogon e def riy; me tabab e dimoy riy e ngiyal’ i n’em nge mada’ ko chiney, machane dawor ni mu’nag.’

Psalms 150:5

Ngu’un chubeg e yu raba’ i kobre’ ni yima chubeg ko musik ni aram e yibe pining e sorok ngak! Ngu’un chubeg e yu raba’ i kobre’ ni ba ga’ lingan ni yibe chubeg ko musik ni aram e yibe pining e sorok ngak!

Haggai 2:15

Me ga’ar SOMOL, “Damur guyed e n’en ni be buch romed? U m’on nim tabab gad i toy bayay fare Tempel,

Zekariah 4:6

Fare engel e yog ngog ni nggu pi ngak Zerubbabel e re thin ney rok SOMOL: “Bay mman’og ni gathi gelngin e salthaw rom, ma gathi gelngim, ya gelngig.

Zekariah 4:7

Tin be magawon nigem nib ga’ ko pi burey e bayi ling u p’eowchem. Bay mu toy bayay fare Tempel, ma nap’an e ga ra ayliy e bin tomur e malang nga gil’, ma bay i tolul e girdi ni yad be ga’ar, ‘Rib fel’usun, rib fel’usun!’”

Zekariah 6:12

Mog ngak ni be yog fare SOMOL ni Gubin ma Rayag Rok ni be ga’ar, ‘Fare mo’on ni yima pining Fare Pa’ngin ngak e bayi dammal ko gin bay riy me toy bayay fare Tempel rok SOMOL.

Zekariah 7:3

ma ngar fithed ngak e pi prist nge pi profet e re de’er ni ba’aray: “Thingar udpired ni be kireban’dad ni bochan fare Tempel nike mogothgoth, ni ngu’ud paged e abich u lan e bin lal e pul ni bod ni kadrin’ed nike yo’or e duw ke mada’ ko chiney?”

2 Kronicles 35:14

Nap’an nra mu’gad me f’oth e pi Levite e yungi ufin ney rorad nge fapi prist ni pi’in owchen Aron, nge ngak e prist ni ur marwelgad nge nep’ ni ur urfiyed e gamanman nik reb nge yungi mam ko fapi gamanman ni maligach.