Ezra 2:61 - Bible Ni Thothup

^61-62 Pi yuke girdi’ ni ba’aray ko prist e da yag ni ngar micheged e gin ni yib e ga’ rorad riy kakrom: Habayah, Hakkoz, nge Barzillai. (En ni sum fare ke girdi ko Barzillai rok e le’engiy be’ ni bpin ni fak Barzillai nu Gilead me fek fithingan e chitamngin fa en ni le’engin.) Machane babyoren e re dalip i tabnaw ney e dan pir’ieg, ere dariy bagyad nni pag ni nge pigpig ni prist.

Ezra 2:61 Referans Kwoze

2 Samuel 17:27

Fa’ani taw David nga Mahanaim miyad mada’ Shobi, ni be’ nib mo’on ni fak Nahash, ni yib ko binaw nu Rabbah ni bay u lan yu Ammon, nge Makir, ni be’ nib mo’on ni fak Amiel, ni yib ko binaw nu Lodebar, nge Barzillai, ni yib u Rogelim ni bay u lan yu Gilead.

1 Kings 2:7

“Machane ngu’um gol ngak e pi pumo’on ni fak Barzillai nu Gilead, mu um ayuwegrad; ya ur ayuweged gag fa ngiyal’ ni gu be mil rok Absalom ni walagem.

Nehemiah 3:4

I Meremoth nib mo’on ni fak Uriah nib mo’on ni fak Hakkoz, e ubung e gin migid. Meshullam, nib mo’on ni fak Berechiah ma tutuw rok Meshezabel, e ubung e gin migid. Zadok nib mo’on ni fak Baana e ubung e gin migid.