Ezra 2:1 - Bible Ni Thothup

¹ Ba yo’or e kalbus nra chuwgad u Babylon ngar sulod nga Jerusalem ngu Judah, ra be’ me sul ko re binaw ni be’ riy. Pi cha’ney nge chon e tabnaw rorad e ur kalbusgad u lan yu Babylon ni ka nap’an Nebukadnezzar ni Pilung me fekrad ni kalbus i yan ngaram.

Ezra 2:1 Referans Kwoze

2 Kings 25:11

Me fek Nebuzaradan nga Babylonia e girdi’ ni magey u lan yu Jerusalem, ni girdi’ ni yad ba salap ko maruwel, nge girdi’ nra milgad ngranod ngak e girdi’ nu Babylonia.

Acts 23:34

Me be’eg fare governor fa gi babyor me fith ngak Paul e re gi nug ni be’ riy. Ma fa’ani pir’eg ni yib u Cilicia,

Zefaniah 2:7

Girdi’ nra magey u Judah nib fos e bay ra pired ko binaw romed. Bay ra chugliyed e saf rorad u rom ma yad be mol u lan e naun rok yu Ashkelon. Fare SOMOL ni Got rorad e bayi par rorad nge ayuwegrad nge fel’ rogorad bayay.

Lamentations 4:22

Zion e ke pi’ puluwon e denen rok; i SOMOL e dabki ta’mad ni kalbus u milekag nib n’uw nap’an. Machane gur Edom, e bayi gechig nigem SOMOL; nge pug ngalang ngonglem ni kireb.

Lamentations 1:5

Pi to’ogor rok e ke gel ngak; kar michgiyed nga gelingrad. I SOMOL e ke gagiyegnag ke gafgow ni fan urngin e denen rok nib pire’; Pifak e ka ni kolrad ka ni fekrad ngabang.

Lamentations 1:3

Girdi’ nu Judah e yad bogi sib ni dakriy gelingrad, kan chuwegrad u taferad. Yad be par u lan yug boch e nam, ni dariy bang riy ni yad ra yog ni taferad — Ke longbiyrad e pi to’ogor rorad, ni dariy kanawo’en miyad thay.

Ester 8:9

Pin’ey e buch ko rran ni rliw’ nge dalip ko pul ni dalip ni fare pul ni Sivan. Me pining Mordekai fapi tayol rok fare pilung me yog ngorad ko mang e ngar yoloyed ngak e pi Jew nge ngak e pi governor, pi tolang ko am, nge pi tayugang’ u gubin fa 127 yang i nug ni tabab u India me yan i mada’ nga Sudan. Fa yung i babyor e go’ ni yoloy nthin rok e pi girdi’ ko yungi nug nem nge yol rorad.

Ester 1:11

Me yog ngorad ni ngar feked Vashti ni Queen i yib ngak nike tay fare te’eliyaw ni fen le’engin e pilung. Re Queen e pilung nem e be’ ni bpin nrib pidorang, ere ba’adag fare pilung ni nge dag feni pidorang ngak e pi tolang nge urngin e pi girdi’ nike piningrad ngaram.

Ester 1:8

Ra be’ me unum urngin ni ba’adag, ya keyog fare pilung ngak e pi tapigpig rok nra be’ ma nge unum gelngin riy.

Ester 1:3

Yan i man e dalip e duw ni i gagiyeg me pi’ ba madnom ni fen urngin e pi tayugang’ nge pi tolang ko am rok. Re madnom nem e immoy e pi tolang ko yu raba’ i salthaw nu Persia ngu Media riy, nge pi governor nge bogi pumo’on nib ga’ lungrad ko yungi nug nem.

Ester 1:1

Xerxes ni Pilung nu Persia e i par u Susa ni aram e tochuch ko re binaw nem, ngi i gagiyegnag 127 yang e nug nu India nge mada’ nga Ethiopia.

Ezra 6:2

Mi ni pir’eg u Ekbatana ni bay u lan e nug nu Media, ni ka ni bachiy kan tay, ma bay e thin riy nike ga’ar:

Ezra 5:8

“Gur e en pilung e thingar mu nang ni kug warod ngalan fare gi nug nu Judah ma kug pir’eged ni fare Tempel rok fare Got nib ga’ e kan toy bayay ko malang ni gagang’ ma palang e kan ayliy ko rungrung riy. Re maruwel nem e rib fel’ rogon ni yibe ngongliy ma be yan ni rib yaram.

Ezra 1:11

Urngin u gubin e pin’em e 5,400 ni aram e fapi dabiy nib gol nge silber nge boch tatalin e maruwel ni fek Sheshbazzar ko fa ngiyal’nem ni ir nge boch e kalbus e ra chuwgad u Babylon ngarbad nga Jerusalem.

Ezra 2:2

Pi’in nra uned ngorad e Zerubbabel, Joshua, Nehemiah, Serayah, Reelayah, Mordekai, Bilshan, Mispar, Bigvai, Rehum, nge Baanah. Ba’aray fithingan e yuke girdi’ nu Israel, nge urngin e girdi’ u bakan ngu bakan nra sulod:

Ezra 8:35

Gubin e kalbus ni karsulod u bang e rafeked e maligach rorad i yib ni ngan urfiy ngan pi’ ngak fare Got nu Israel. Ra pi’ed ni maligach ragag nge l’agruw e garbaw ni pumo’on ni fan ngak ga’ngin yu Israel, nge mereb i ragag nge nel’ e saf ni pumo’on, nge medlip i ragag nge medlip e pifak e saf; mu kura pi’ed ragag nge l’agruw e kaming ni nge be’ech nagrad ko denen. Gubin e pi gamanman ney ma ni urfiy ni maligach ngak SOMOL.

Nehemiah 12:1

Pi girdi’ ni ba’aray fithing’rad e bogi prist nge Levite ni ur kalbusgad nra sulod ni karu’ned ngak Zerubbabel nib mo’on ni fak Shealtiel nge Joshua ni ir fare Prist ni Th’abi Ga’: Serayah, Jeremiah, Ezra,

1 Kronicles 9:1

Urngin e girdi’ nu Israel e nni yoloy fithingrad nga babiyoren e pi tabnaw nrabad riy, ma pi chep ney e kan yoloy ngalan Fare Babyor Ni Chepin E Pi Pilung Nu Israel. Ma girdi’ nu Judah e npi’rad nga Babylon ni ngar kalbusgad ni bochan e denen rorad.

1 Kronicles 9:2

Pi’in nsom’on nra sulod ngalan e pi binaw ni taferad e bmu’un e girdi’ nu Israel ngay, nge prist, nge pi Levite, nge girdi’en e maruwel u Tempel.

Ezra 2:70

Fapi prist, nge pi Levite, nge boch fapi girdi’ e ra pired u Jerusalem ara bang ni ba chugur ngaram; girdi’en e musik, pi matnag u Tempel, nge girdi’en e maruwel u Tempel e ra pired u lan e yochi binaw nib chugur nga Jerusalem; ma tin ni magey ko fapi girdi’ nu Israel e ra pired ko yochi binaw ni i par e pi chitamangirad kakrom riy.

Isaiah 48:20

Mu chuw u Babylon, mman nike puf rogom! Mu tolulnag murung’agen u fithik’ e felfelan’; muruwliy ngan nang u gubin yang: “I SOMOL e ke ayweg yu Israel ni tapigpig rok!”

Jeremiah 50:19

Bay gu fulweg e girdi’ nu Israel nga taferad. Bay ra ked e gan ni be tugul u daken e burey ni Karmel u lan e nug nu Bashan, ma bay ra ked gubin e tin yad ba’adag ko woldug ni be tugul ko gin nib milsuwon nga Efraim ngu Gilead.