Biblia Todo Logo
Bib sou entènèt

- Piblisite -




Ezra 10:6 - Bible Ni Thothup

6 Ma aram me yan u mit fare Tempel ngalan e gin nma par Jehohanan riy nib mo’on ni fak Eliashib, nge par u rom e re nep’ nem ni be yornag feni de yul’yul’ e pi girdi’ nem ni un kalbus nagrad u bang. De kay ma de unum ban’en.

Gade chapit la Kopi




Ezra 10:6
16 Referans Kwoze  

Mu gu paraw nga but’ bayay u p’eowchen SOMOL ni aningeg i ragag e rran nge nep’ ni da gu way ban’en ara gu garbod. Gu rin’ e ren’ey ni bochan e ka mu denengad nib togopluw ngak SOMOL ka mu k’aringed e damumuw ngak.


Un tay babyor e pi’in tolang ko pi tabnaw ko Levite nge pi tabnaw ko prist u nap’an ni kabfos e pi Prist ni Th’abi Ga’ ni ba’aray fithingrad: Eliashib, Joyada, Johanan, nge Jaddua. Re babyor ney e nib ni lebuguy ko ngiyal’ ni Darius e pilung nu Persia.


Ba’aray rogon nni ubung bayay e yoror ko fare binaw. I Eliashib ni fare Prist ni Th’abi Ga’ nge gachalpen ni prist e yad e ra ngongliyed fare Garog ni Saf, miyad yibilay ni aram e kar og niged, miyad ayliy fare garog ngagil’. Gin nra og niged ngak SOMOL ko fare yoror e yan nge mada’ ko fare Wulyang ko Ra’ay nge fare Wulyang rok Hananel.


Mu gu par ngu’ug meybil ngak SOMOL ni Got, ni gu be wenig ngak, ma ku gu pag e abich, ma ku gon’ e mad ni tutuw, ku gu wan gu par nga fithik’ e awat.


I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.


Gubin ngiyal’ ma gu ma rin’ e tin keyog Got ni ngan rin’; gu ma fol u lanyan’, gathi tin ni taban lanin’ug e gu be fol riy.


I Joyada e be’ nib mo’on ni fak Eliashib ni ir fare Prist ni Th’abi Ga’, machane reb e mo’on ni fak Joyada e le’engiy be’ nib bpin ni fak Sanballat ni be’ ko fare binaw nu Beth Horon, ma aram mu gog ngak Joyada nge chuw u Jerusalem.


Me pag Tobiah ni nge par nga reb e senggil nib ga’ ni aram e gin ni un chariy e maligach ni grain riy nge incense, nge talin e maruwel ni yima maruwel ngay u Tempel, nge maligach ni fan ko prist, nge ragag e pasent ko grain, wayin, nge gapgep ko olive ni kan pi’ ko Levite, nge girdi’en e musik u Tempel nge pi matnag.


I Joshua e chitamngin Joyakim; me Joyakim e chitamngin Eliashib; me Eliashib e chitamngin Joyada;


Baruk nib mo’on ni fak Zabbai e ubung e gin migid, nge yan nge mada’ nga langan e mab ko naun rok Eliashib ni fare Prist ni Th’abi Ga’;


Ngiyal’ nib garbug Ezra ni be meybil u mit fare Tempel, ni be yor ma be weliy e pi denen ney, me yib ba ulung nib ga’ u Israel ni — pumo’on, ppin, nge bitir — ngarabad ra liyeged u but’, ni yad be yor nib gel.


Gu par u rom ni gu be yor nge taw nga nap’an ni ngan pi’ e maligach ko blayal’, me tabab e girdi’ ko mu’ulung ni kar liyeged gag — gubin e pi’in ni kar rusgad ni bochan e n’en ke yog fare Got nu Israel ni murung’agen e denen ko pi’in kar sulod ko gin ur kalbusgad riy.


Me par Moses rok SOMOL u rom ni aningegi ragag e rran nge nep’, ni dariy ban’en nra kay ara garbod ngay. Me yoloy nga daken fa gal yang i malang fapi thin ko fare m’ag, ni aram fare Ragag i Motochiyel.


Ni wereg bbugi thin u ga’ngin yu Jerusalem nge Judah ni gubin e pi’in kar sulod ko kalbus u wuru’ e nam ma ngar mu’ulunggad nga Jerusalem


Kug parde’ nga but’ ni bod e pan nike mroroy; kug fangan’ ko ggan.


Swiv nou:

Piblisite


Piblisite