Ezra 1:11 - Bible Ni Thothup

¹¹ Urngin u gubin e pin’em e 5,400 ni aram e fapi dabiy nib gol nge silber nge boch tatalin e maruwel ni fek Sheshbazzar ko fa ngiyal’nem ni ir nge boch e kalbus e ra chuwgad u Babylon ngarbad nga Jerusalem.

Ezra 1:11 Referans Kwoze

Roma 9:23

Ma ku be finey ni nge dag e fla’ab rok ni ba ga’ nike pu’og nga dakendad e pi’in be runguydad, ni pi arodad nike ngongliy rogorad ni nge yag e fla’ab rok ngorad.

Ezra 2:1

Ba yo’or e kalbus nra chuwgad u Babylon ngar sulod nga Jerusalem ngu Judah, ra be’ me sul ko re binaw ni be’ riy. Pi cha’ney nge chon e tabnaw rorad e ur kalbusgad u lan yu Babylon ni ka nap’an Nebukadnezzar ni Pilung me fekrad ni kalbus i yan ngaram.

Ezra 4:1

Pi to’ogor rok piyu Judah ngu Benjamin e rrung’aged ni pi’in ni kar sulod ko kalbus u bang e yad be toy fare Tempel rok SOMOL, ni Got nu Israel.

Ezra 6:19

Fapi girdi’ nu Israel ni kar sulod ni ur kalbusgad u Babylon e ra madnom niged e madnom ko Paluk’af ko rofen ni ragag nge aningeg ko bin m’on e pul.

Psalms 85:1

SOMOL, ri gab gol ko nam rom. Ka mu fla’abnag yu Israel bayay.

2 Kings 25:15

Miyad fek urngin ban’en nni ngongliy ko gol ara silber nib mu’un ngay fa nochi dabiy ni yima tay e kol ngalan ni be yik’.

Psalms 126:1

Nap’an ni fulwegdad SOMOL nga Jerusalem, ma gowa ba lik’ay!

Jeremiah 27:21

“Mmotoyilgad ko mang e gu be yog, I Gag SOMOL ni Gubin ma Rayag Rok, ni Got rok yu Israel u murung’agen e machaf ni kan digey u lan e Tempel ngu tafen e pilung u Jerusalem: