Ezekiel 8:4 - Bible Ni Thothup

⁴ Nu rom e gguy riy ba tamilang nib maluplup’ ni be mat u tagil’ Got nu Israel, nri bod rogon nug guy u charen e lul’ nu Kebar.

Ezekiel 8:4 Referans Kwoze

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

Ezekiel 9:3

Ma aram me yan ram’en ba magal ngalang nib makankan ra’en ni be matmat ko gin bay Got nu Israel riy, ni ireram gin’en ni bay fa pin’en nib fos ma bay pon riy, nge yan ra’en nga langan e mab ni yima yan riy ngalan e Tempel. Me pining SOMOL fare pumo’on nike chuw ko mad nib wechwech me ga’ar ngak,

Exodus 25:22

Bay gu mada’ nagmed u rom u daken upongen fare kahol, mu rom u thilin fa gali kerubim e bay gu pi’ riy ngomed urngin e motochiyel rog ni fan ngak e girdi’ nu Israel.

Jeremiah 38:17

Mug ga’ar ngak Zedekiah, “I SOMOL ni Gubin ma Rayag Rok, ni ir e Got nu Israel, e ke ga’ar, “Fa’an ga ra pi’em nga pa’ e pi tolang ko salthaw rok e pilung nu Babylon, ma dab ni thang e pogofan rom ma dab ni urfiy e re binaw ney. Me gur nge girdi’ u tabinaw rom e dab ni thang e fan romed.