Ezekiel 8:2 - Bible Ni Thothup

² Mug sap ngalang me pilyeg e changar rog ngguy ba daramram ni ya’an be’. Mus u lukngun nga but’ e bod e nifiy, ma lukngun ngalang e be mat ra’en ni bod e bronze ni kan gichiy.

Ezekiel 8:2 Referans Kwoze

Ezekiel 1:4

Mu gu sap ngalang, mu gguy bangi lang ni ba ga’ nike yib ko lel’och ni bay e nifeng u fithik’ nib gel. Ma be matmat e uluch u fithik’, ma lanelang u to’oben e be gal ram’en. Me galgal ram’en ban’en ni bod ram’en e bronze ko gin’en ni ba’aram ni be matmat e uluch riy.

Ezekiel 8:1

Bin ni lal e rran ko pul nnel’ u lan e bin ni nel’ e duw ni gamad ba kalbus, e gamad bay e pi tolang ko kalbus ni gamad bpar ngabut’ u lan e naun rog. Meyib gelngin SOMOL ni Th’abi Tolang nga dakenag nib tomgin.

Ezekiel 40:3

Me fekeg i yan nggu chuchugur ngay, mug gguy be’ ni pumo’on ni be mat ra’en ni bod e wasey ni bronze. Nike kol ba fol nni fal’eg ko mad ni wech nge ba ley i ren ni yima foleg ban’en ngay, nib sak’iy u charen langan e garog.

Daniel 10:6

Ma downgin e be galgal ram’en ni bod ba churwo’. Ma owchen e be galgal ram’en ni bod e uluch ni be mat, ma lan mit e bod ba nifiy ni be daramram. Ma pa’ nge ay e be galgal ram’en ni bod e bronze ni kan gichiy, ma laman e bod e girdi’ ni pire’ ni pire’ ni tolul.