Ezekiel 8:1 - Bible Ni Thothup

¹ Bin ni lal e rran ko pul nnel’ u lan e bin ni nel’ e duw ni gamad ba kalbus, e gamad bay e pi tolang ko kalbus ni gamad bpar ngabut’ u lan e naun rog. Meyib gelngin SOMOL ni Th’abi Tolang nga dakenag nib tomgin.

Ezekiel 8:1 Referans Kwoze

Ezekiel 20:1

Lan e bin ragag e rran ko pul ni lal, ko bin ni medlip e duw ni gamad ba kalbus. Me yib boch e tayugang’ nu Israel ra fithed ngog ko mang e ba m’agan’ SOMOL ngay, rabad ra pired nga but’ u p’eowcheg.

Ezekiel 33:31

Ere girdi’ rog e bay ra mu’ulunggad ngom ni ngar rung’aged e thin ni ngam weliy ngorad, machane gathi bay rrin’ed e tin kam weliy ngorad ni ngar rin’ed. Ya ka yad ba’adag ni ngu’ur lifithed l’ugunrad ngar thag niged e salpiy.

Ezekiel 14:1

Boch e girdi’ nma yog e thin nu Israel e rabad ra fithed ngog ko mang lanyan’ SOMOL.

Ezekiel 14:4

“Mu non e chiney ngorad ngamog ngorad e n’en ni Gag fare SOMOL ni Th’abi Tolang e gu be yog ngorad: Arorad yu Israel nike m’on e liyos u lanyan’ kemang liyos e be waliy i yan ko denen, ma be yib i fith lanin’ug ngak reb e profet, e fulweg rog ngak — e fare fulweg nib m’ag ni nge aw ngak e pi liyos.

Acts 20:33

Dagur chogownag e silber ara gol ara mad rok be’.

Malaki 2:7

Ri maruwel rok e pi prist ni ngar filed e tin riyul’ u murung’agen Got. Girdi’ e susun e ngranod ngorad ngar filed e tin nib m’agan’ug ngay, ya yad e pi tafek thin rok SOMOL ni Gubin ma Rayag Rok.

Ezekiel 40:1

Bin ragag e rran ko be’ech e duw, ni aram e bin rliw’ nge lal e duw nga tomuren nni fekmad ni kalbus nga wuru’ e nam ma ragag nge aningeg e duw nga tomuren ni kan kol yu Jerusalem. Rofan nem mu gu thamiy gelngin SOMOL ni bay, ma aram me chibiyeg nge fekeg i yan.

Ezekiel 37:1

Gu thamiy gelngin SOMOL ni yib ngog nib gel me fekeg nge yan i teg ngalan ba loway nike sug daken e but’ riy ko yil.

Ezekiel 32:17

U lan e bin ni ragag nge lal e rran ko re pul ni ta’reb ko duw ni ragag nge l’agruw ni gamad ba kalbus u wuru’ e nam, me non SOMOL ngog.

Ezekiel 31:1

U lan e bin m’on e rran ko pul ni dalip ko re duw ni ragag nge ta’reb ni gamad ba kalbus, me non SOMOL ngog.

Ezekiel 29:17

Rofen ni som’on ko bin m’on e pul ko duw ni rliw’ nge medlip ni gamad ba kalbus me non SOMOL ngog.

Ezekiel 29:1

U lan e bin ragag e duw ko bin ragag e pul, ko rofen ni ragag nge l’agruw e rran ko pul, ni gamad ba kalbus me non SOMOL ngog ni ga’ar,

Ezekiel 26:1

Rofen ni som’on ko pul, ko bin ragag nge ta’reb e duw ni gamad ba kalbus, me non SOMOL ngog.

Ezekiel 24:1

U lan e bin ni ragag e rran ko bin ni ragag e pul ko bin ni mereb e duw ni gamad ba kalbus, me non SOMOL ngog,

Ezekiel 3:22

Mu gu thamiy rog nib gel ni bay SOMOL rog, mu gu rung’ag laman nike ga’ar ngog, “Mu sak’iy ngam man ngalan e loway, yu rom e nggu welthin ngom riy.”

Ezekiel 3:14

Fa’ani yib gelngin SOMOL nga dakenag nib elmirin, me fekeg fare kan thothup rok Got, me yib e kireban’ ngog nge damumuw.

Ezekiel 3:12

Me gagiyeg nigeg fare kan thothup rok Got nggu muf u but’ ngalang, mu gu rung’ag ba lam nga keru’ug ni ba ga’ laman ni ga’ar, “Ke sorok SOMOL ni bay u tharmiy nga feni malup’lup’.”

2 Kings 6:32

Me pi’ be’ ni nge yan i kol Elisa. Ma ngiyal’nem e bay Elisa nge boch e pumo’on ni pi’ilal u naun rok. Dawori taw facha’ ni kanol’og, me ga’ar Elisa ngak fa pi’in yad, “Fare tathang e pogofan e ke pi’ be’ ni nge li’eg nggum’. Ere fa’anra taw ma ngan ning e mab ndabi yib nga naun; ya en ni pilung e be lay u tomuren.”

Ezekiel 7:27

Pilung e bay i yor, ma fak e pilung e bayi mulan’, ma girdi’ e bayi t’on ko marus. Bay gu gechig nagmed ko urngin e pin’en ni kam rin’ed, bay gu pufthin nagmed ni bod ni um pufthin niged boch e girdi’. Ni biney e bayi dag ngomed ni Gag fare SOMOL.”

Ezekiel 8:2

Mug sap ngalang me pilyeg e changar rog ngguy ba daramram ni ya’an be’. Mus u lukngun nga but’ e bod e nifiy, ma lukngun ngalang e be mat ra’en ni bod e bronze ni kan gichiy.

Ezekiel 33:22

Re nep’ ni bay nga m’on ko ngiyal’ ni taw, mu gu thamiy rog nib gel ni ba’ SOMOL rog. Fa’ani yan i kadbul me taw e re mo’on nem, me gagiyeg nigeg SOMOL nge yag ni gu un ko numon bayay.

Ezekiel 30:20

Bin medlip e rran ko bin m’on e pul ko re duw ni ragag nge ta’reb ni gamad ba kalbus, me non SOMOL ngog,

Ezekiel 32:1

U lan e bin ni m’on e rran ko bin ni ragag nge l’agruw e pul ko duw ni ragag nge l’agruw ni gamad ba kalbus u wuru’ e nam, me non SOMOL ngog,