Ezekiel 7:2 - Bible Ni Thothup

² Ni ga’ar, “Fak e girdi’, irera’ e n’en ni gu be yog I Gag fare SOMOL ni Th’abi Tolang ko nam nu Israel: Irera’ e tungun ko fare nam ni polo’!

Ezekiel 7:2 Referans Kwoze

Amos 8:2

Me ga’ar SOMOL, “Amos, mang e ga be guy?” Mug ga’ar, “Ba dug i wom’ngin e gek’iy.” Me ga’ar SOMOL ngog, “Ke anog e tomur ni nge mus e girdi’ rog ni Israel. Dab kug thiliyeg lanin’ug bayay ni nge dab kug gechig nagrad.

1 Peter 4:7

Ke chugur nga tungun urngin ban’en. Thingar um pired ni gimed be filmunguyan’med ma gimed be tiyan’med, nge yag ni um meybilgad.

Amos 8:10

Bay gu pingeg e pi madnom romed nge ngal’ ni tayam’, mu gu pingeg e tang ni gimed ma yin’ u fithik’ e felfelan’ nge ngal’ ni meyor nge gafgowan’. Bay gu gagiyeg nagmed ngam puyed lolugmed u daken e lo’ mi gimed yin’ e mad ni tutuw. Bay mboded e gallibthir ni yow be mowaw nag fakrow ni kari ma’agrag rorow. Rofen nem ni polo’ e ra par nib mo’oy.

Ezekiel 7:3

“Israel, tungun e ke anog. Bay mu thamiyed e damumuw rog, ni bochan e kug gonpiy ni aram rogon ni fan e tin kam rin’ed. Bay gu fulweg taban ngom gubin e gafarig rom ni golong.

Ezekiel 11:13

Kangiyal’ i n’em ni gu be yi’iy, me thig Pelatiah nga but’ nike yim’. Mug paraw nga but’ nggu an owcheg nga daken e but’ nggu tolul ni lingug, “ SOMOL ni Th’abi Tolang, danga’! Mog ngam li’ urngin e girdi’ nike magach u Israel?”

Lamentations 4:18

Gamad e mus ko yan u kanawo’ ma dabkiyag; ya to’ogor romad e yad be changar nagmad. Tiromad e rran e ke thumur; ke taw nga tol’mad.

Matthew 24:6

Bay mu rung’aged lingan e mael nib chugur nge murung’agen e mael nib orel; machane mu telmed, dab mu rusgad. Ya pin’ey e thangri yib, machane gathi fan e pin’ey e aram e ke taw nga tomuren urngin ban’en.

Ezekiel 40:2

U lan e changar rog ni pilyeg e fekeg Got ko binaw nu Israel nge teg nga daken bburey nib tolang. Puluwon owcheg e gguy ban’en ni bod bbinaw nib ga’ nib sug ko naun.

Ezekiel 21:2

ni ga’ar, “Fak e girdi’, mu tay owchem rok yu Jerusalem, mu non nib togopluw ko yungi n’en ni tagil’ e meybil. Mog ko nam nu Israel

Ezekiel 12:22

“Fak e girdi’, mangfan ni girdi’ nu Israel e yad ma sul u daken e re bug i thin ni ba’aray: ‘Be yan e rran, ma pi yi’iy e dawor i m’ug’?

Lamentations 1:9

Feni alit e ba mom ni yira guy, machane de dag nike magfan’ ko mang e ke buch rok. Ir nike thay e rib gafgow; dariy be’ nra fal’eg lanyan’. I gel e pi to’ogor rok me yor ngak SOMOL ni ngan runguy.

Jeremiah 51:13

Re nam nem e bo’or e lul’ riy nge machaf, machane ke taw nga tol’rad ni nge math owcharad.

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

2 Kronicles 34:7

Ma ga’ngin yang u lan fare gi nug ko ley ni lel’och fare nam rok fare pilung e buthug e altar nge fapi pow rok Asherah nga but’, me bilbilig nge yochyang gubin fapi altar ko incense. Ma aram me sul nga Jerusalem.

Deuteronomy 32:20

Me ga’ar, ‘Ri dab kug ayuwegrad, nga ayug guy e n’en ni bayi buch rok e pi girdi’ ney ni gel laniyan’, ma darir yul’yul’gad.

Genesis 6:13

Me ga’ar Got ngak Noah, “Kug turguy u wun’ug ni nggu thang owchen urngin e girdi’. Bay gu thang owcherad, ya re fayleng ney e ke sug ko ngongol rorad nib kireb.

Revelation 7:1

Ma fa’ani mu’ e biney mu gguy aningeg i engel ni yad ba sak’iy ko fa aningeg i tabthung nu fayleng, ni kar taleged fa aningeg i nifeng nu fayleng, ni bochan e nge dabki thow e nifeng u daken e fayleng, ara u daken e day, ara nga daken ba ke gek’iy.

Revelation 20:8

ma bayi yan ngi i bannag e pi nam nib wear u daken e fayleng ni polo’, ni aram yu Gog nge yu Magog. Ma bayi kunuyrad Satan nga ta’bang ni fan ko mael, ni yad bod urngin e yan’ ni bay u dap’e l’ay.

Isaiah 47:7

Ka mu leamnag ni yug bay um par ni gur e bpin ni pilung, ma dam tay e pin’ey u lanin’um ara mu leamnag rogon ni bayi yan i aw.

Jeremiah 12:4

Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Ezekiel 7:1

I SOMOL e non ngog.

Ezekiel 21:4

Bay gu dumow ko saydon rog nggu togopluw ngak gubin e girdi’ ko lel’och nge taw ko yimuch.

Ezekiel 21:25

“I gur e re tagagiyeg nu Israel ni kireb nir, birom e rran, ni rran ko yay ntomur e gechig rom, e ke yib.

Ezekiel 35:5

“Umpared ni gimed ba to’ogor yu Israel bay ni pag girdi’en ngan nli’rad fa ngiyal’ nike aw e gafgow ngak, ni aram e ngiyal’ nni gechignag ko denen rok e yay ni tomur.

Joel 1:15

Birok SOMOL e rran e ke chugur; fa’anem ni Gubin ma Rayag Rok e bayibnag e riya’. Ba ga’ ba marus ni yira tay e rofen nem!

Ezekiel 21:7

Nap’an ni yad ra fithem ko mangfan ni ga be gel’gel’, ma gog ngorad ni bochan e thin nib be’ech ni bayi taw. Nap’an nra taw, me suguy e marus lanin’rad, me ul pa’rad, ni mathliyab, me dada’ bugrad. Re ngiyal’ i n’em e ketaw ngay; ketaw ngaray e chiney.” I SOMOL ni Th’abi Tolang e be non.