Ezekiel 4:9 - Bible Ni Thothup

⁹ “Mu fek boch e wheat, barley, mame, peas, millet nge spelt. Mu athkuy e pin’em nga ta’bang ngam ngongliy e flowa riy. Ni irera’ e n’en ni ngu’um koy u nap’an 390 e rran ni gab thig ko ba’ gilay’ rom.

Ezekiel 4:9 Referans Kwoze

Ezekiel 4:16

Miki ul ul ngay nge ga’ar, “Fak e girdi’, bay gu m’aynag e flowa nu Jerusalem. Girdi’ u rom e bay i ngochngochan’rad ni math liyab ni yad be machbeg oren e ggan ni ngar ked nge ran ni ngar unumed.

Ezekiel 4:13

Me ga’ar SOMOL, “Biney e be dag rogon yu Israel ni bay ur ked e ggan, ni de mat’aw ko motochiyel, u nap’an ni gu ra weregrad ko pi nam i yan.”

Isaiah 28:25

Yug nap’an nra mu’ i fal’egin rogon e but’, me yung e pi awochngin e herb nge dill nge cumin. I yuthalnag e wheat nge barley nge yung, ma marichlen e yung i flang rok nem me yung yug boch e grain ngay.

Genesis 25:34

Me pi’ Jakob ngak e flowa nge mame nike lith. Me abich nge garbod, nge mu’ me yan. Kari mus e n’en nrib ga’fan u lanyan’ Esau, re mat’wun nem ni ir e ba nganni’.

Exodus 9:32

Machane woldug ni wheat nge spelt e dawori kireb, ya bay fini k’uf.