Ezekiel 26:4 - Bible Ni Thothup

⁴ Bay ra gothgotheyed e rungrung ko binaw rom miyad buthug nga but’ e pi wulyang ni tafen e damit riy. Ma aram e bay gu walguy nge chuw gubin e fiyath nggu pag ni ta’ab malang ni dakriy ban’en u daken.

Ezekiel 26:4 Referans Kwoze

Amos 1:10

Ere bay gu pag e nifiy nga daken e pi yoror nu Tyre nge urfiy e pi naun ni bay riy ni ka ni ngongliy rogon ni fan ko mael.”

Isaiah 23:11

I SOMOL e ke ki’yag pa’ nga daken e day ke pulpuluy e pi gagiyeg. Ke duwgiliy ni gin bay kenggin e siyobay riy u Foenicia e nge mogoth.

Ezekiel 26:9

Bay ra buthuged e yungi rungrung rom ko ren ni fen e buth rungrung miyad buthug nga but’ e wulyang ni tafen e damit rom nga yulay i wasey.

Zekariah 9:3

Tyre e kar yororiyed taferad, ma kar ulungyed e silber nge gol ni yo’or nike bod feni yo’or e ab u but’!

Ezekiel 26:12

Pi to’ogor romed e bay ra feked gubin e machaf romed nge pin’en ni gimed ma pi’ ni chuway’. Bay ra buthuged nga but’ e pi rungrung romed miyad bilig e pi naun romed ni fafelel’. Bay ra feked e malang nge ren nge gubin chabungen nga non’ nga maday.

Jeremiah 5:10

Bay gul’og e to’ogor ni nge th’ab nga but’ e grape ni fi’in e girdi’ rog, machane gathi gubin ni ngan thang mit. Bay gog ngorad ni ngar th’abed papa’ngin, ni bochan e pi papa’ngin nem e de milfan ngog.